१ पत्रुस 5:1 - जिरेल1 थाचेन ङा ख्योकोन नाङ येशू ख्रीष्ट मिओनला ताकान्ते मिओनला बातज्यीक बात ङि सिरामीन। ङा ङाराङोङ ख्योकोन च्योकराङ येशू ख्रीष्ट मिओनला ताकान्ते मिज्यीक ईन। ख्रीष्टकी भोगे खाबाते दुक्पातेबा ङे गाङे ङाराङ मिगीराङ थोङाते ईन। था थे छ्येज्यीक शक्ति ङेत्ला ग्युरला ओङजीन ङाङ मान ङेत्ला थेत्ताङ देता ङेत्क्यो सिनोङ ङाला छ्या ओत। येशू ख्रीष्ट मिओनला ताकान्ते मिओन ख्योकोनगी ओर्च्ये दोक खि। Faic an caibideil |
१ पत्रुस 5:1
38 Iomraidhean Croise
थेमे यरूशलेमपा लेप्कीन थेबेकी येशू ख्रीष्टकी खटे खाबाते मिओन, येशू ख्रीष्ट मिओन थेमे थेबाला ताकान्तेबाताङ ठेता खासुङ। यरूशलेमदु ओताते थेबा गाङेकी थोक खाईन वाबातेबा गाङेला लेमु खाईन खोपरोङताङ ज्याक्सुङ। थेमे पावलताङ बारनाबासबेकी ज्येन ज्येन जातकी मिला गा लाङच्येते बात लोप्जीन परमेश्वरगी खोपरोङला चुक चुक खित च्युत्सुङा सिन गाङे थेबाला लाःप्सुङ।
थोगी येशूला विश्वास खिता मोतोङा खाला था ख्योकोन खेराङोङ च्याङबो खाला देत। थेमे लेमु खाला तो सिन परमेश्वर आत्मेकी खेराङ जिम्माला बिन्दाते परमेश्वर मि गाङेते लेमु खाला हेर विचार खि। येशू ख्रीष्ट स्यिजीन थे जीउदुकी थेन्दाते ठागी थेकी थेबाला परमेश्वर मि ओङाला ङ्योबाते ईन सिन सम्झे खाला थेबाला लेमु खाला तो।
थरिङोले ङुरूङ जीउ ङीमा ङि सुम देताला टाँए खाबाते पाल च्योक्तेकामा ईन। स्यिनामेकी ङुरूङ दाक रूल्ला डुइओ सिन ङुरूङला छ्या ओत। ईन्सीनोङ था तिरी परमेश्वरगी ङुरूङला नोमुङ स्यिला रूल्ला मोन्डोच्येते जीउ तेरग्यो। थे जीउचेन मिकी जोबाते खाम्बा च्योक मेन्देकी नोमुङ माराम्च्येते स्वर्गे खाम्बा च्योक्ते ईन।
थोगी ङा परमेश्वरगी खि साबा साबा च्योकराङ खित्कान्ते मि ईन सिन था ङे इनाम ङेत्क्यो। थे इनामचेन सुङलाङ काका पाका मिक्किता खाला न्याय खित्कान्ते प्रभु येशू ख्रीष्टकी थे खोरोङ ग्युरला ओङे छोमु ङाला तेरग्यो। थे इनाम थेकी ङालाकामा मेन, थे स्वर्गनेकी ग्युरला ओङगो सिन गा खिन गुला देत्कान्तेबा गाङेला तेरग्यो।
परमेश्वरला सु सुकी चुक खाईन विश्वास खासुङा सिन ङोला ङ्वा मुथुप्च्या मि बात छ्या स्येनामेकी था ङुरूङगी परमेश्वरगी दाक्पोनला लेपा फाप्क्यो सासासाक लेपाला जस्तो ओङसीनोङ सेम मेसेता खाला जुनी खाङ थेला विश्वास खिन देता फाप्क्यो। दाक्पोनला दोक खिताला रोके खित्च्येते कामताङ बात खिता ङुरूङगी गाङे तोङा फाप्क्यो। पाप खिता तोङा दुक्पा ओत्सीनोङ पाप खिताङ ङुरूङगी पूरो खाला तोङा फाप्क्यो।
परमेश्वरगी खोपरोङला सिर च्युताते होदि बातओन थेबा खोपरोङ लाईदु मेन्देकी ख्योकोन लाईदु ईन सिन परमेश्वरगी थेबाला छ्या स्ये च्युता ओतान। थेबेकी साबाते होथे बाततेबा थरिङोला गा लाङच्येते बात लोप्कान्ते मिओनगी ख्योकोनला लाप्कीन बिन्दा ओत। दि गा लाङच्येते बात परमेश्वरगी स्वर्गनेकी ताङाते परमेश्वर आत्मे छ्य्वापेई थेबेकी ख्योकोनला लाप्कीन बिन्दा ओत। होदि बातओन परमेश्वर दूतओनगीङ आउदी खाला छ्या स्येबा सेम खिओ।
मेला लुगीन ताकीन सक्कली दुका सिन छ्या स्येबाते सेरोङ ङीमाई छ्याःङ काम लै मिक्किच्या डुइओ। सेर आउदी दामी चीज ईन्सीनोङ दि भन्दाङ ख्योकोनगी येशू ख्रीष्टला खिन ओताते विश्वास झन आउदी छ्ये ईन। दोक्ते परी परीतेन्दे दुक्पा ओङजीनराङ ख्योकोनगी थेला पक्काराङ खाईन विश्वास खाबाते ईन्दाकाना मेन्दाका सिन छ्या स्येक्यो। जति दुक्पा ओङजीनोङ सेम मेसेता खाईन थेला विश्वास खिनराङ देत्सीन था थे ग्युरला ओङे छोमु परमेश्वरगी ख्योकोनला आउदी लेमु खासुङ सिन साला थे खोरोङगी ज्वा चाला च्योकराङ लेमु जोला मान तेरग्यो।
ङिङज्येते फिजावे, था ङुरूङ परमेश्वर फुज्युङ फुमु ओङगीन सिन्दा ओत। था तिरी ङुरूङ चुक ओङोङा सिरच्येते बात थोरूमसाक ङुरूङला छ्या मेत। दि बातज्यीकचेन ङुरूङला लेमु खाला छ्या ओत। च्यि सासीन येशू ख्रीष्ट ग्युरला ओङे छोमु ङुरूङोङ थे च्योकराङ ओङगो। च्यिला सासीन थे जस्तो दुक उस्तोराङ ङुरूङगी थेला थोङा ङेत्क्यो।
ङा ख्योकोन आज्यो यूहन्नाङ ख्योकोन च्योकराङ येशूताङ जीउज्यीकराङ ओङाते मि ईन। थोगी ङेङ ख्योकोनगी च्योकराङ खाईन दुक्पा ङेता ओत। थेमे ङाङ परमेश्वर राज्यदु ख्योकोनताङ ङ्योम्बुराङ देता ङेत्क्यो। जस्तो दुक्पा ङेत्सीनोङ ङाङ ख्योकोन च्योकराङ खपे खाईन देता ओत। ज्येनला परमेश्वर बात लापेकी थेमे येशू ख्रीष्ट सु ईन्दे, थेकी च्यि खिते सिन लापेकी खित्सादु ङाला समुन्द्रे किल्दु ओताते पत्मोस लुङबापा उरगीन ताङा ओतान।
Sanasan