१ पत्रुस 4:7 - जिरेल

⁷ थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

१ पत्रुस 4:7 Iomraidhean Croise

मत्ती 24:42

थोक ईन्‍देकी खेराङ मालिक था तिरी दि छोमुराङ ग्‍युरला ओङगो सिन ख्‍योकोनला छ्याःङ छ्या मेतेकी थे ओङगो सिन सधैँ ठीक खाला गुलाराङ देत।

मत्ती 25:13

थोगी दि कथे बात सेमगी नाङ गुने खिन च्‍याङबो खाला देत। च्‍यिला सासीन दि कथाला साबा च्‍योकराङ परमेश्‍वर ओत्‍सादुई वाबाते मिङ दि छोमु, दि बेलाला ओङगो सिन ख्‍योकोन सुङलाङ छ्याःङ छ्या मेङगो।

लूका 21:34

थोगी ख्‍योकोनगी परमेश्‍वर ओत्‍सादुई वाबाते मि ङा ग्‍युरला ओङे छोमुसाक चुक खाला देता फाप्‍च्‍या ईन्‍दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्‍या थुङच्‍याताङ खोन्‍च्‍ये पीर माकेत। दोक खिन देत्‍सीन खरेउ तोर्बाकला थेप्‍लु खाला थे दिन लेपे छोमुकामा ख्‍योकोनगी छ्या स्‍येक्‍यो।

लूका 21:36

थोगी च्‍याङबो खाला देत। थेमे थोक थोक ज्‍यीबा लाङच्‍या दुक्‍पा ओङजीन ङाला विश्‍वास खिन थे दुक्‍पा खपे खिता थुप्‍स्‍यीत थेमे परमेश्‍वर ओत्‍सादुई वाबाते मि ङा ग्‍युरगीन वानामेई सजाय ङेत्‍कीता सिन छ्याःङ ज्‍यीबा मिक्‍किता खाला थे दोन्‍दु देता ङेत्‍स्‍यीत सिन प्रार्थना खिनराङ देत,” सिन सिदुक।

लूका 22:46

थेमे थेकी थेबाला “माङ्यालना माङ्याल ल्‍वा। थेमे दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि,” सिन सिदुक।

रोमी 12:12

थेमे परमेश्‍वरगी ख्‍योकोनगी आश खाईन देता च्‍योकराङ खित्‍च्‍येते ईन्‍देकी ख्‍योकोन गा खिन गुला देत। ज्‍येनगी दुक्‍पा तेरजीन थेमे आपत् विपत् आइ परे खित्‍जीन सेम मेसेता खाला देत। परमेश्‍वरताङ प्रार्थना खिन देता नोमुङ मातोङ।

१ कोरिन्‍थी 15:24

थेमे शैतान ईन्‍स्‍यीत, ल्‍हा ल्‍हन्‍डीक जोराङ ईन्‍स्‍यीत, स्‍वर्गदु, नरककुण्‍डमा थेमे सा नाम खाङ राज्‍य खित्‍कान्‍तेबा गाङेला पूरो खाईन ग्‍याल्‍गीन सिन्‍नामेकीचेन ख्रीष्‍टकी थे खोरोङ राज्‍य आबा परमेश्‍वरला सोम्‍पे खिओ। थेकी थेबा गाङेला ग्‍याल्‍गीन सिन्‍नामेईचेन दि जुगोङ सिन्‍ग्‍यो।

१ कोरिन्‍थी 7:29

आज्‍यो न्‍वावे, दि जुग सिन्‍च्‍येते समय था काल्‍बेई मेत। थोगी फाङमा खाबाते मिकी फेम्‍मेते विचारकामा मिक्‍किता खाला बरू फाङमाराङ खाबा मेताते मि च्‍योक ओङला परमेश्‍वरगी दाक्‍पोनला कोताते काम खि।

एफिसी 6:18

दोक दोक खित्‍जीन परमेश्‍वरताङ प्रार्थना खिनराङ देत। परमेश्‍वर आत्‍मे छ्य्‌वापेकी जहिलेङ थेत्ताङ प्रार्थना खिन देत्‍ला खेराङला च्‍यि च्‍यि गोकीका नाङ सि। थोक खाला प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि। प्रार्थना खित्‍जीन परमेश्‍वर सन्‍तान गाङे लाईदु प्रार्थना खिताङ नोमुङ मातोङ।

फिलिप्‍पी 4:5

ख्‍योकोन मि गाङेताङ खा छ्येत लेमु खित्‍कान्‍ते मि ईन सिन गाङेकी छ्या स्‍येस्‍यीत। प्रभु येशू ग्‍युरला ओङच्‍ये बेला लेपा खासुङ सिन टोक माज्‍येत।

कलस्‍सी 4:2

थेमे ख्‍योकोन गाङेकी परमेश्‍वरला प्रार्थना खिन देता नोमुङ मातोङ। प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि, थेला धन्‍यवादोङ बिन।

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

तीतस 2:12

परमेश्‍वर दयेकी खित्‍सादु चुक चुक खिता फाप्‍कीते सिन ङुरूङ लोप्‍कीन ओत। थोगी ङुरूङगी परमेश्‍वरगी माकेत साबाते काम खित्‍च्‍येते थेमे पापताङ लोभ खित्‍च्‍येते ताङला दाक्‍पोन सेम काबूला ज्‍य्‌वाबा थुप्‍क्‍यो थेमे दि कलि जुगला थेकी खि साबा साबाच्‍योक खिन थेला झन लेमु खाला माने खिता थुप्‍क्‍यो।

हिब्रू 10:25

थेमे कोई कोईकी गाङेराङ जम्‍मा ओङसाला ड्वा ताङला दुक। दोक खिता मेङगो। प्रभु येशू ग्‍युरला ओङच्‍येते दिन था काल्‍बेई बाँकी मेत सिन ङुरूङला छ्या ओतेकी बरू ङुरूङगी गाङेराङ जम्‍मा ओङला परमेश्‍वरला विश्‍वास खिनराङ देताला दोक्‍पोईकी ज्‍येनज्‍यीकला आँट तेरा फाप्‍क्‍यो।

हिब्रू 9:26

दुरू पूजारीकी खिता च्‍योकराङ खिता फाप्‍च्‍या ईन्‍दा ईन्‍सीन दि सा नाम जोबा छुरला बाजि थोई थोई ख्रीष्‍टकी थे खोरोङ ज्‍यान तेरा फाप्‍च्‍या ओतान। तर मिकी खाबाते गाङे पापदुकी थेबाला डेलाला थे दि जुग सिन्‍दे खाला दुरू वाकीन बाजिईकामा थे खोरोङ ज्‍यान बिन्‍गीन स्‍याप्‍ते ईन।

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

१ पत्रुस 3:7

थेमे ख्‍योओ मिवे, फेम्‍मे मि खेराङ छेत ङार्मा मेङगो सिरच्‍येते बात टोक मेज्‍येता खाला ख्‍योकोनगी दाक्‍पोन फेम्‍मेला लेमु खि। परमेश्‍वरगी थेबालाङ ख्‍योकोनला च्‍योकराङ खाला दया खाला नोमुङ मिसिन्‍च्‍येते जुनी तेरग्‍यो सिरच्‍येते बादोङ टोक माज्‍येत। ख्‍योकोन खेराङ खेराङगी चुक खिता फाप्‍च्‍या ईन्‍दाका थोकराङ खासीन परमेश्‍वरगी ख्‍योकोनगी खाबाते प्रार्थना ङेन्‍ग्‍यो।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

छ्या स्‍ये च्‍युताते बात 16:15

“दि बात ङेन, ङा चोर च्‍योक थाहाराङ मेछ्येता खाला ओङगो। ङा ओङगो सिन च्‍याङबो खाला देत्‍ला खोपरोङ खोलाक खोन्‍ला सधैँ ठीक खाला देत्‍कान्‍ते मिओन भाग्‍यमानी ईन। थोक खासीन थेबेकी मि दोन्‍दु पेर्दुङबाराङ ख्‍याम्‍बा माफाबो, ङोचाङ खिता माफाबो।”