१ पत्रुस 4:6 - जिरेल

⁶ ङीमाई परमेश्‍वरगी दोक खाला न्‍याय खित्‍च्‍येते ईन्‍देकीराङ स्‍यिइन सिन्‍दाते मिओनलाङ गा लाङच्‍येते बात लापाते ईन। थोक खाबातेचेन थेबेकी सोन सोनसाक चुक खाला दुका थे ताला थेबे न्‍याय खिता थुप्‍स्‍यीत थेमे परमेश्‍वरगी तेरा चालाते नोमुङ मिसिन्‍च्‍येते जुनी ङेत्‍स्‍यीत सिन ईन।

१ पत्रुस 4:6 Iomraidhean Croise

मत्ती 24:9

ख्‍योकोनला दुक्‍पा तेरस्‍यीत थेमे सेत्‍स्‍यीत सिन थेजीन ज्‍येनगी ख्‍योकोनला जिन च्‍युत्‍ला छ्ये छ्ये मि लाःक्‍तु सोम्‍पे खिओ। ङे मि ईन्‍देकीराङ गाङे लुङबा लुङबाला मिओनगी ख्‍योकोनला मिगी थोङसार्मु खिओ।

रोमी 8:2

परमेश्‍वर आत्‍मेकी ङाला पाप खित्‍च्‍येते बानीदुकी टाल्‍गीन ङे पाप खाबेकी स्‍या फाप्‍च्‍येते सजायदुकीङ जोए खाईन बिन्‍सुङ। थेमे ङा येशू ख्रीष्‍टताङ जीउज्‍यीकराङ ओङा ओतेकी थेकी ङाला नोमुङ मिसिन्‍च्‍येते जुनीङ बिन्‍दा ओत।

गलाती 2:19

परमेश्‍वर नियम मेङेन्‍कान्‍ते मि सजाय ङेत्‍ला स्‍यिइओ साबा ओतेकी थेरू तोके खाबाते सजाय ङेत्‍ला ङा स्‍या फाप्‍च्‍या ओङा ओतान। थोक खाईन ङा थे नियम लाईदु स्‍याप छेतराङ ओङा ओतान। थोगी थाचेन ङा परमेश्‍वरगी खि साबा साबाच्‍योक खिता थुप्‍क्‍यो।

गलाती 5:25

परमेश्‍वर आत्‍मेकी ङुरूङला लेमु खिता थुप्‍कान जोबा ओतेकी ङुरूङगी काम बात जेङ थेकी खित ज्‍युता चाला च्‍योकराङ खिता फाप्‍क्‍यो।

१ पत्रुस 1:12

परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

१ पत्रुस 3:19

परमेश्‍वर आत्‍मे छ्य्‌वापेईराङ थेकी स्‍यिइन सिन्‍दाते मिओन देता फाप्‍च्‍येते ठाउँदुङ गाल्‍गीन गोमाका स्‍याप्‍ते मिओनलाङ गा लाङच्‍येते बात लापा ओतान।

छ्या स्‍ये च्‍युताते बात 14:18

थेरूई लोईन मे लाक अधिकार खित्‍कान्‍ते परमेश्‍वर दूत थे थानगी खादुकी थेन्‍गीन वाबाते ङे थोङसुङ। थेमे थेकी गोमा स्‍वारेक खुरगीन वाबाते दूतला कस्‍स्‍ये खाईन छेरा खाईन “था दि नोम्‍बोते स्‍वारेककी पृथ्‍वीदु ओताते अंगूर स्‍यीङगी अंगूर झुप्‍पातेबा ठेला जम्‍मा खि। थेबा गाङे छोकीन सिन्‍सुङ,” सिन कोत्‍सुङ।