१ पत्रुस 4:4 - जिरेल

⁴ तर था ख्‍योकोनगी थोक्‍ते मेलेबा काम खिता ताङेकी थोरूमसाक होथोक्‍ते कामराङ खिन ओताते मिओनचेन ख्‍योकोन च्‍यिला खोपरोङगी च्‍योकराङ मिक्‍किका सिन छक्‍क परे खिदुक। थेमे ख्‍योकोनला ईन्‍दा मेन्‍दा साला ख्‍योकोन विरोध खिदुक।

१ पत्रुस 4:4 Iomraidhean Croise

मत्ती 23:25

ख्‍योकोन चुक्‍तेन्‍दे ईन्‍दाका। था ख्‍योकोनला आउदी मेलेबा ओङगो। ख्‍योकोनचेन खेराङ कचौराताङ देर्मातेबा चोके खिता फाप्‍क्‍यो सिन माझे खाला टल्‍के खित्‍च्‍या जोइदुक। तर थे नाङ लुक्‍ला साच्‍येते सापचेन ख्‍योकोनगी खेराङगीकामा सा थुङा ङेत्‍सीन ओङच्‍या ओतान सिराच्‍योक खाईन ज्‍येनगीते ठ्वाकीन, ज्‍येनला ठगे खाईन खुलाबाते ईन।

लूका 15:13

टिक्‍पी दिन तिरी कान्‍छातेकी च्‍यि खाकालो सासीन थे खोरोङ अंशबरी गाङे च्‍वाकीन आउदी थारी लुङबाज्‍यीक्‍तु गाल्‍दुक्‍लो। थेमे ओताते पैसाबरी मनपरी खाईन पुरदुक्‍लो।

शक्ति काम 13:45

थोक काल्‍बेई मि थेरू वाबा थोङगीन थानी मि गाङे पावलताङ बारनाबास छ्य्‌वापाका लै खिताला स्‍यूसुङ सिन यहूदीओनला खोक्‍पो खाईन स्‍येदाङ लासुङ। थेमे थेबेकी थेरू ओताते मिओनला पावलगी खाबाते बात ईनराङ मेन्‍दे बात ईन सिन आउदी खाईन थे विरोध खिताला स्‍यूसुङ।

शक्ति काम 18:6

तर थेरू काल्‍बा च्‍योक्‍ते यहूदीओनगी “खुई लापाते सत्‍यते बात ईनराङ मेन,” सिन थे विरोध खासुङ। थोक खानामेई पावलचेन “लो ख्‍योकोनगी ङे बात माङेन्‍सुङ। था तिरी परमेश्‍वरगी ख्‍योकोनला सजाय बिन्‍सीन थे खेराङ गल्‍तीकी खित्‍सादु ईन। ङेते छ्याःङ गल्‍ती मेत। थाचेन ङा ख्‍योकोनला ताङला ज्‍येन ज्‍येन जातकी मि ओत्‍साला डुइओ,” सिन थे खोरोङ खोलाकला खोबाते थाला समेदोङ टाक टाक खाईन

रोमी 13:13

चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

एफिसी 5:18

थेमे छ्याङ रक्‍सीकी जिला माख्‍याम। जा बेलाला मिकी छ्याःङ होस मोज्‍योबा खाला मेता मेता खिओ। बरू परमेश्‍वर आत्‍मेकी खाङाते मि ओङला काम खि।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 3:16

ख्‍योकोनगी काम बात जे खित्‍जीनोङ हत्तेरिका ङे थोक खिता ओङच्‍या मेतान सिराच्‍योक लाङच्‍येते छ्याःङ माकेत। दोक्‍ते काम मिक्‍किता खाईन देत्‍सीन खेराङ ख्रीष्‍टकी मि ईन्‍गीन लेमु कामताङ बातकामा खाबा ओत्‍सीनोङ मेन्‍दा मेन्‍दे बात खाला खेराङला दोष लै खित्‍कान्‍ते मिओनगी खोपरोङगी ख्‍योकोन लेमु मि मेन साबाते बात ठीक मेन्‍दाक्‍वा सिन छ्या स्‍येला ङोचेकी खाराक्‍पा देत्‍क्‍यो।

२ पत्रुस 2:12

परमेश्‍वर बातताङ मिडिक्‍च्‍येते बात लोप्‍कान्‍ते मिओनगीचेन खोपरोङगी माखोबाते बात गाङे ठट्टाला पुरग्‍यो। थेबा सो साकान्‍ते पशु च्‍योकराङ ईन। सेता सेम लाङजीन पशुतेबा ग्‍याङ सेताच्‍योक खाला होथेबालाङ परमेश्‍वरगी सजाय बिन्‍ला नरककुण्‍डमा लुक्‍यो।

२ पत्रुस 2:22

थेबे काम ताजीन दि उखानताङ डिइदुक। चुक सासीन “किकी ग्‍युरला गाल्‍ला थे खोरोङ क्‍युबाराङ दाइओ।” थेमे “फाक्‍पाला साङसाङ खाईन टुकीन बिन्‍सीनोङ लोक्‍ला हिलो नाङराङ गाल्‍ला ढलीमली खिओ।”

यहूदा 1:10

ईन्‍सीनोङ ख्‍योकोन नाङ स्‍यूबाते होथे मिओनगीचेन खोपरोङगी छ्या मास्‍येबाते बात दोगोङ च्‍यि बात ईन्‍ताका सिन ठट्टाला पुरगीदुक। थेमे सो साकान्‍ते पशुकी च्‍योकराङ खाला कोई बातकीतेचेन खोपरोङगी जस्‍तो अर्थ खोकीदुक थोकराङ खाला ओङच्‍या मेङच्‍या काम खिदुक। थोक खाबेकी थेबे गोःनामा परमेश्‍वर सजाय फाप्‍क्‍यो।