१ पत्रुस 4:3 - जिरेल

³ ईन्‍दालाचेन गोमाबा ख्‍योकोनगीङ परमेश्‍वरला ङो मेस्‍येकान्‍ते मिओनगी च्‍योकराङ खिन तोङासम्‍म समय ताङा ओतान। च्‍यि सासीन थेजीन ख्‍योकोनगी ङोचा लाङच्‍येते कामओन खिन ओतान, दाक्‍पोन खुशी खिन जे खिता सेम लासुङ थेराङ खिन ओतान, जहिलेङ छ्याङ रक्‍सीकी जिलाकामा देत्‍कीन ओतान, ज्‍येनताङ रूला भक्‍कुचूर सोला थुला मोज मज्‍जा खिन ओतान थेमे ल्‍हा लु माने खिन खिता ओङराङ मेङच्‍येते काम खिन ओतान।

१ पत्रुस 4:3 Iomraidhean Croise

मर्कूस 7:22

थेमे लोभ खित्‍च्‍येते ईन। दोस्‍यिककामा मेन, ज्‍येनोङ मेलेबा मेलेबा काम खित्‍च्‍येते, मिला ठगे खित्‍च्‍येते, ङोचा लाङच्‍येते कामओन खित्‍च्‍येते, मिला डार खित्‍च्‍येते, ज्‍येनला मोत्‍च्‍येते, ङा ङाराङ ईन सिराच्‍योक खित्‍च्‍येते थेमे विचार मिक्‍किता खाला कामताङ बात खित्‍च्‍येते ईन।

शक्ति काम 17:30

ईन्‍दानी मिओनगी थे सु ईन्‍दे, चुक्‍ते ईन्‍दे सिन लेमु खाईन छ्या मास्‍येकीन मूर्तितेबा जोकीन थेला माने खासीनोङ थातासाक थेकी सजाय माबिन्‍सुङ। थाचेन थेकी गाङेपा मि गाङेला खोपरोङ पापी दुका सिन छ्या स्‍येला थे छ्य्‌वापा लै खि सिन साबा ओत।

रोमी 13:13

चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

१ कोरिन्‍थी 12:2

ख्‍योकोनला दि बात लेमुराङ खाला छ्या ओतासीन। च्‍यि सासीन येशूला विश्‍वास खिता भन्‍दा गोमा ख्‍योकोन ल्‍हा लु माने खिन ओतान। थे ल्‍हा लुओनगी ख्‍योकोनताङ बात खिता थेमे छ्याःङ लेमु खिता मुथुप्‍च्‍येते ईन्‍सीनोङ दिबाला माने माक्‍याबाला मेङगो सिराच्‍योक खाला ख्‍योकोन होथेबालाराङ माने खिन ओतान।

१ कोरिन्‍थी 6:11

ख्‍योकोनोङ कोई कोई गोमाबा होथोक्‍ते मिराङ ओतान। तर प्रभु येशू ख्रीष्‍टताङ परमेश्‍वर आत्‍मेकी ख्‍योकोनला ठु खाईन चोके खाबाच्‍योक खाईन पापदुकी टाल्‍गीन बिन्‍दा ओत, ख्‍योकोन सेम खुदुक जोबा ओत थेमे परमेश्‍वर दोन्‍दु दोषी मेन साबा ओत।

२ कोरिन्‍थी 12:21

दि पालो ङा थेपा ओङजीन ख्‍योकोन थोरूमोङ होदोक दोकराङ खिन ओता थेप्‍सीन ङे माने खिन ओताते परमेश्‍वरगी ख्‍योकोनगी खित्‍सादु ङाला ङोचा लोङगीता सिन ज्‍यीबा लाबा ओत। दोस्‍यिककामा मेन, ख्‍योकोन नाङ गोमाबा रन्‍डीबाजी थेमे होदि च्‍योक्‍ते खिता मेङच्‍येते ज्‍येनोङ ङोचा लाङच्‍येते काम खित्‍कान्‍ते मिओनगी खोपरोङगी थोक खाबाते लेमु मेन्‍दाक्‍वा सिन थोक खिता ताङा मेत्‍सीन थोक्‍ते मिओन लाईदु ङे ङुइनकामा पीर खिता फाप्‍क्‍यो।

गलाती 5:19

दाक्‍पोन खुशीला ख्‍याम्‍कान्‍ते मिकी चुक चुक खिते सिन ङुरूङ गाङेला लेमु खाला छ्याराङ ओत। थोक्‍ते मिकीचेन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खिओ,

गलाती 5:21

थेमे मि जाला लोभ खिओ। दोस्‍यिककामा मेन, थे छ्याङ रक्‍सीकी जिला ख्‍याम्‍ग्‍यो, ज्‍येनताङ रूला भक्‍कुचूर सोला थुला मोज मज्‍जा खिओ थेमे होदोक्‍ते ज्‍येन ज्‍येन कामोङ खिओ। होदोक दोक खिन देत्‍कान्‍ते मि सुङ तिरी परमेश्‍वर राज्‍यने स्‍यूक्‍पा मेङेदो सिन ङे ख्‍योकोनला गोमाकाङ लेमु खाईन साबा ओत, लोक्‍ला थरिङोङ थोकराङ सिओ।

एफिसी 5:18

थेमे छ्याङ रक्‍सीकी जिला माख्‍याम। जा बेलाला मिकी छ्याःङ होस मोज्‍योबा खाला मेता मेता खिओ। बरू परमेश्‍वर आत्‍मेकी खाङाते मि ओङला काम खि।

१ थिस्‍सलोनिकी 4:5

परमेश्‍वरला छ्या मास्‍येबाते मिओनगी खोपरोङ सेम थामे खिता माथुप्‍ला फेम्‍मेतेबाला चुक खिता सेम लाङगीका थोकराङ खिओ। ख्‍योकोनगीचेन थेबेकी च्‍योक माकेत।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

१ पत्रुस 1:14

लाःपा कोताते ङेन्‍कान्‍ते फिजा च्‍योकराङ ओङला परमेश्‍वरगी कोताते ङेन। गोमाबा ख्‍योकोन छ्याःङ छ्या मेस्‍येकान्‍ते मि च्‍योक दाक्‍पोन सेमला लाबा लाबा खिन ओतान, था थोक माकेत।

यहूदा 1:4

ङे च्‍यिला थे बात ङेन्‍दा तोङा मेङगो साबाते ईन्‍दे सासीन कोई कोई मि खाराक्‍पा ख्‍योकोन नाङ स्‍यूकीन सिन्‍दा ओत। थेबाचेन परमेश्‍वरगी माकेत साबा साबाते काम खित्‍कान्‍ते मि ईन। थेबेकी ङुरूङ परमेश्‍वरगी मिला दया खाला पापदुकी डेल्‍च्‍येते बातला चुक खिका सासीन परमेश्‍वरगी दाक्‍पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्‍डीबाजी थेमे होदि च्‍योक्‍ते खिता मेङच्‍येते काम खिदुक। थेमे ङुरूङ मालिक येशू ख्रीष्‍टलाङ माने मिक्‍किदुक। गाङेपा गाङेला राज्‍य खित्‍कान्‍ते थेकामा ईन। होथोक्‍ते मिओनगी चुकस्‍यिक सजाय ङेत्‍कीते सिन परमेश्‍वर बातला गोमाका टिबा ओत।