१ पत्रुस 4:19 - जिरेल

¹⁹ बात दोक ईन्‍देकी परमेश्‍वरगी साबाच्‍योक लेमु काम खित्‍जीन दुक्‍पा ङेत्‍कीदुक सासीन थोक्‍ते मिकी दि बात गाङे परमेश्‍वरला छ्या ओत सिन खोपरोङला जोकान्‍ते थेमे खिओ साबा च्‍योकराङ खित्‍कान्‍ते परमेश्‍वरला पूरो खाला भर परे खाला लेमु काम खिन देता फाप्‍क्‍यो।

१ पत्रुस 4:19 Iomraidhean Croise

लूका 23:46

थेमे येशूकी कस्‍स्‍ये खाईन “आबा, ङा ङे आत्‍मा खुई लाःक्‍तुराङ सोम्‍पे खिओ,” सिन साकीन ग्‍याङ स्‍यिसुङ।

शक्ति काम 7:59

दोक खाईन थेबा गाङेकी सरे पुङलु खाईन थेला दोईकी ग्‍याप्‍सुङ। थेबेकी थोक खित्‍जीन स्‍तिफनसकीचेन “ए प्रभु येशू, ङे आत्‍मा खोरोङ लाःक्‍तु लोङ,” सिन प्रार्थना खासुङ।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

१ पत्रुस 2:15

छ्याःङ विचार मिक्‍किता खाला ख्‍योकोनला मेन्‍दा मेन्‍दे दोष लै खित्‍कान्‍ते मिओनगी थोक्‍ते मेन्‍दे बात खिता तोङस्‍यीत सिन ख्‍योकोनगी लेमु काम खि। ख्‍योकोनगी दोकराङ खित्‍स्‍यीत सिरच्‍येते परमेश्‍वर सेम ओत।

१ पत्रुस 3:17

ख्‍योकोनगी लेमु काम खाईन दुक्‍पा भोगे खाबातेराङ परमेश्‍वरला लेमु लाङगीदुक सासीन बरू मेलेबा काम खाला दुक्‍पा भोगे खिता भन्‍दा लेमु काम खाला दुक्‍पा भोगे खिताराङ लेमु ईन।

१ पत्रुस 3:20

होथे मिओनगीचेन थाङबो अटेरी खाईन परमेश्‍वर बातला नामज्‍योकराङ सेता मेतान। थेजीन नूहेकी पानीजहाज जोला सिन सिनसाकराङ परमेश्‍वरचेन ना थेबेकी थे खोरोङ बात ङेन्‍गीता सिन गुकीनराङ देता ओतान। थेजीन थे पानीजहाज नाङ स्‍यूकीन मि टिक्‍पीस्‍यिक, खालि मेरा गेतकामा थे छ्युई भलदुई सोन्‍दा ओतान।