१ पत्रुस 4:16 - जिरेल

¹⁶ तर मिओनगी ख्‍योकोनला ख्रीष्‍टियान ईन सिन दुक्‍पा तेरगीदुक सासीन ख्‍योकोनगी छ्याःङ ङोचा खिता माफाबो, बरू खेराङ ख्रीष्‍टियान ईन सिन गा खिन परमेश्‍वरते जय जय खि।

१ पत्रुस 4:16 Iomraidhean Croise

शक्ति काम 11:26

शावलला ठेत्‍नामेकी थेकी थेला एन्‍टिओखियापा लाकीन खुला लिच्‍युङ। थेमे थेबा ङिकाराङ लोज्‍यीकसाक पूरो थेरू येशू ख्रीष्‍ट मिओनताङ ङ्योम्‍बुराङ देत्‍कीन मि काल्‍बेईला येशू बात लाप्‍सुङ। मिओनगी येशू चेलाओनला गाङे भन्‍दा गोमा ख्रीष्‍टियान साबाते एन्‍टिओखियादुराङ ईन।

शक्ति काम 26:28

थोक सिरजीन थेकी “च्‍यि खो दोस्‍यिक बात खाला ङालाङ येशूला विश्‍वास खित ज्‍युताप सिओ?” सिन सिदुक।

शक्ति काम 28:22

खो थे नासरत पाटी मि ईन्‍देकी थे पाटी चुक्‍ते ईन्‍दे सिन ङ्योकोनला लेमु खाला लाप्‍ला नाङ। च्‍यिला सासीन जुन ठाउँकी मिकीङ थे पाटी मेलेबा ईन सिन खिदुक,” सिन सिदुक।

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

फिलिप्‍पी 1:20

था याङराङ अड्डादु बयान लिन्‍जीन ङाला सेत्‍सीनोङ सोम्‍बोराङ ताङसीनोङ थातासाक खाबा च्‍योकराङ खाला हत्तेरिका ङे च्‍यिला थोक खाताका सिराच्‍योक लाङच्‍येते कामताङ बात छ्याःङ मिक्‍किओ सिन टुङ्गो खाबा ओत। दोक खाला ङाराङला जस्‍तो ओङसीनोङ सुङताङ ज्‍यीबा मिक्‍किता खाला ख्रीष्‍टते जय जय ओङच्‍येते कामकामा खिता थुप्‍स्‍यीत सिन ङे आश खाबा ओत।

फिलिप्‍पी 1:29

परमेश्‍वरगी ख्‍योकोनला थे खोरोङ दयेकी ख्रीष्‍टला विश्‍वास खित्‍च्‍येते मौकाकामा बिन्‍दा मेत, थेला विश्‍वास खित्‍जीन दुक्‍पा भोगे खिता ङेत्‍च्‍येते मौकाङ बिन्‍दा ओत।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

याकूब 2:7

थेमे ख्‍योकोनगी मान खित्‍च्‍येते प्रभु येशू ख्रीष्‍टला मनपरी सिन विरोध खित्‍कान्‍तेबाङ होथेबाराङनी ईन। ख्‍योकोनचेन येशू ख्रीष्‍ट मिओनराङ ईन।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 4:11

च्‍यि सासीन ज्‍येनला परमेश्‍वर बात लोप्‍कान्‍तेकी परमेश्‍वरगी जे साला दुक थेराङ लोप। थेमे ज्‍येनला ता फाप्‍कानगीङ परमेश्‍वरगी ङाला थोक खित्‍च्‍येते शक्ति बिन्‍दाते ईन सिन थे काम खि। दोक खाला जसकी जे खासीनोङ येशू ख्रीष्‍ट छ्य्‌वापेकी परमेश्‍वरते जय जय खित्‍च्‍येते काम खि। परमेश्‍वरते सधैँभरि जय जय ओङस्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

१ पत्रुस 4:14

ख्रीष्‍टकी मि ईन्‍देकी ज्‍येनगी मनपरी सासीन ख्‍योकोननी भाग्‍यमानीका ईन। थेबेकी थोक खित्‍जीन ख्‍योकोनगी छ्येज्‍यीक शक्ति ओताते परमेश्‍वर आत्‍मा खेराङताङ ओत सिन झन लेमु खाला छ्या स्‍येक्‍यो।

१ पत्रुस 4:19

बात दोक ईन्‍देकी परमेश्‍वरगी साबाच्‍योक लेमु काम खित्‍जीन दुक्‍पा ङेत्‍कीदुक सासीन थोक्‍ते मिकी दि बात गाङे परमेश्‍वरला छ्या ओत सिन खोपरोङला जोकान्‍ते थेमे खिओ साबा च्‍योकराङ खित्‍कान्‍ते परमेश्‍वरला पूरो खाला भर परे खाला लेमु काम खिन देता फाप्‍क्‍यो।