१ पत्रुस 4:15 - जिरेल

¹⁵ ख्‍योकोनगी मि सेतेकी खित्‍सादु कि सुइँदेते खइँदा कुबेकी खित्‍सादु कि मेलेबा काम खाबेकी खित्‍सादु कि मि काम ङ्ये च्‍युतेकी खित्‍सादु सजाय ङेत्‍तुक्‍लो सिराचेन लेमु मेन।

१ पत्रुस 4:15 Iomraidhean Croise

मत्ती 5:11

थेमे ङाला विश्‍वास खाबेकी खित्‍सादु ज्‍येनगी ख्‍योकोनला मेलेबा मि ईन साला मनपरी सिओ, ख्‍योकोनला खेदापानी खिओ थेमे ईनराङ मेन्‍दे बात जोला ख्‍योकोनला मेन्‍दा मेन्‍दे दोष लै खिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

१ थिस्‍सलोनिकी 4:11

थेमे ङ्योकोनगी गोमाका साबा च्‍योकराङ ख्‍योकोनगी च्‍यि खित्‍च्‍ये छ्य्‌वापा स्‍येत खिसे सासीन ख्‍योकोनगी दाक्‍पोन दाक्‍पोन लाक रेरे खि। ज्‍येनला लोप्‍च्‍येते कोत्‍च्‍येते छ्याःङ खाँचो मेत्‍सीनोङ थेबाला दोक खि, थोक खि सिन लोपा कोता चाल्‍ला दुक्‍पा मातेर। दाक्‍पोन दाक्‍पोन पाखुरा चले खाला सो।

२ थिस्‍सलोनिकी 3:11

ख्‍योकोन नाङ कोई कोई अल्‍छीकी दाक्‍पोन काम खिता ताङला ज्‍येन मि काम खित्‍साला गाल्‍ला बरालस्‍यिङ लोङगीदुक्‍लो सिरा थोकीदुक।

१ तिमोथी 5:13

दोस्‍यिककामा मेन, थेबे मिन गन्‍तीला टिसीन थेबा अल्‍छी ड्वा थुप्‍क्‍यो। थेमे थाराङ मि खाम्‍बा खाम्‍बाला युला ख्‍याम्‍ग्‍यो। थेबा अल्‍छी डोच्‍येतेकामा मेन, मि बात खिन ख्‍याम्‍ग्‍यो। थेमे मि काम ङ्ये ज्‍युत्‍च्‍येतेताङ खोपरोङला चासोराङ मेताते बात खिन ख्‍याम्‍ग्‍यो।

२ तिमोथी 2:9

दि बात लापेकीराङ ङा दुक्‍पा भोगे खिन ओत। ङाला डाँकाला च्‍योक खाईन नेल कोन्‍गीन जेलदु समेत लुक्‍पा ओत। तर ङाला नेल कोन्‍ला जेलदु किल्‍ला ज्‍य्‌वाबाच्‍योक खाला परमेश्‍वर बात फैले मिक्‍किस्‍यीत सिनचेन जति खासीनोङ सुङगीङ छ्याःङ खिता मुथुबो।

१ पत्रुस 3:14

खेराङगी दोक खाला लेमु काम खित्‍जीनोङ सुइँदेकी ख्‍योकोनला दुक्‍पा तेरगीदुक सासीन ख्‍योकोन भाग्‍यमानी ईन। थोक खाला दुक्‍पा तेरकान्‍तेबाताङ ख्‍योकोनगी छ्याःङ ज्‍यीबा माकेत, सुर्ताङ खिता माफाबो।

१ पत्रुस 3:17

ख्‍योकोनगी लेमु काम खाईन दुक्‍पा भोगे खाबातेराङ परमेश्‍वरला लेमु लाङगीदुक सासीन बरू मेलेबा काम खाला दुक्‍पा भोगे खिता भन्‍दा लेमु काम खाला दुक्‍पा भोगे खिताराङ लेमु ईन।