१ पत्रुस 4:13 - जिरेल13 दोक्ते दुक्पा भोगे खिता फाप्जीन ख्योकोन गाका खि। च्यिला सासीन दोक ओङजीन ख्योकोनगी ख्रीष्टकी चुक दुक्पा भोगे खाबा ओता ईन्दाका सिन टिक्पी टिक्पी छ्या स्येक्यो। थेमे ख्रीष्ट था छ्येज्यीक शक्ति ङेत्ला दुरू ग्युरला ओङे छोमु ख्योकोनोङ आउदी खाला गा खिता ङेत्क्यो। Faic an caibideil |
१ पत्रुस 4:13
35 Iomraidhean Croise
थोक सिरजीन मालिकतेकी थेला ‘खुई आउदी लेमु खाईन काम खादुक। खो मालिककी साबा च्योकराङ खित्कान्ते मि दुका। ङे खोल्ला चाँदी डबल थोस्यिककामा बिन्गीन ज्याक्सीनोङ खुई थे लेमु खाईन चले खाबेकी था ङा खोल्ला झन थे भन्दाङ काल्बेई पैसे जिम्मा तेरग्यो। था खो ङा च्योकराङ गा खिन ङात्ताङ ङ्योम्बुराङ देता ङेत्क्यो,’ सिन सादुक्लो।
मालिकतेकी थेलाङ ‘खुई आउदी लेमु खादुक। खो मालिककी साबा च्योकराङ खित्कान्ते मि दुका। ङे खोल्ला चाँदी डबल थोस्यिककामा बिन्गीन ज्याक्सीनोङ खुई थे थोक लेमु खाईन चले खाबेकी था ङा खोल्ला झन थे भन्दाङ काल्बेई पैसे जिम्मा तेरग्यो। था खोङ ङा च्योकराङ गा खिन ङात्ताङ ङ्योम्बुराङ देता ङेत्क्यो,’ सिन सादुक्लो।
ख्योकोन था समय मिओननी परमेश्वरला माने खिता ताङगीन मेलेबा मेलेबा काम खित्कान ईन। ख्योकोन नाङ सुइँदेकी ङे मि ईन सिराला ङोचा खिदुक थेमे ङे बात मेङेन्दुक सासीन परमेश्वर ओत्सादुई वाबाते मि ङाङ तिरी ग्युरला ओङजीन थोक्ते मिला ङो मेस्येओ सिन सिओ। थेजीन ङा आबेते छ्येज्यीक शक्ति ङेत्ला नाम्दाककी झिलिमिली गाल्ला थे दूतओनताङ दुरू ग्युरला ओङगो,” सिन सिदुक।
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
थरिङोला टिक्पी दिन दोक्ते दुक्पा भोगे खिता फाप्सीनोङ दोक खाईन सिन्नामेईनी परमेश्वरगी ङेराङला सधैँभरि लाईदु मान बिन्ला थे खोरोङगी ज्वा चाला च्योकराङ लेमुका जोइओ। होथे बात सम्झे खित्जीन ङ्योकोनलानी थरिङोला टिक्पी दिन ङेराङगी भोगे खिन ओताते होदोक्ते पीरताङ दुक्पा छ्याःङ मेन सिराच्योक लाङगीदुक।
ख्योकोन लाईदु दुक्पा भोगे खित्च्येतेनी ङाला गा लाङच्येते बातका ईन। ख्रीष्टकी खिता चालाते काम पूरो ओङस्यीत सिन ङाङ ङाराङला ङे जीउकी थोई दुक्पा भोगे खिता फाप्क्यो सिन ओताने थोस्यिकराङ दुक्पा भोगे खिन ओत। दि दुक्पाचेन ङे येशू ख्रीष्ट थे खोरोङ जीउ ईन्दाते मिओनला लेमु ओङाला भोगे खिता फाप्क्यो।
परमेश्वरगी ख्योकोनला दोक लेमु खाबा ओतेकी था ख्योकोनगी थेकी खि साबाते काम खित्च्ये छ्य्वापाकामा स्येत खि। दाक्पोन सेम काबूला स्योक। थेमे येशू ख्रीष्ट ग्युरला ओङे छोमु परमेश्वरगी ख्योकोनला दया खाला पूरो खाला पापदुकी टाल्ला लेमु खिओ साबाते पक्काराङ खिओ सिन खेराङगी आश खाईन देता च्योकराङ ओङगो सिन टोक माज्येत।
थाचेन ङा ख्योकोन नाङ येशू ख्रीष्ट मिओनला ताकान्ते मिओनला बातज्यीक बात ङि सिरामीन। ङा ङाराङोङ ख्योकोन च्योकराङ येशू ख्रीष्ट मिओनला ताकान्ते मिज्यीक ईन। ख्रीष्टकी भोगे खाबाते दुक्पातेबा ङे गाङे ङाराङ मिगीराङ थोङाते ईन। था थे छ्येज्यीक शक्ति ङेत्ला ग्युरला ओङजीन ङाङ मान ङेत्ला थेत्ताङ देता ङेत्क्यो सिनोङ ङाला छ्या ओत। येशू ख्रीष्ट मिओनला ताकान्ते मिओन ख्योकोनगी ओर्च्ये दोक खि।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
लो दि बात टोक माज्येत। च्यि सासीन येशू ख्रीष्ट था मुक्पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्कान्ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्क्यो सिन ज्यीबेकी खित्सादु दि सा लुङबे मि गाङेराङ झ्याउँ झ्याउँ ङुइओ। दोकराङ ओङस्यीत। आमेन।
ङा ख्योकोन आज्यो यूहन्नाङ ख्योकोन च्योकराङ येशूताङ जीउज्यीकराङ ओङाते मि ईन। थोगी ङेङ ख्योकोनगी च्योकराङ खाईन दुक्पा ङेता ओत। थेमे ङाङ परमेश्वर राज्यदु ख्योकोनताङ ङ्योम्बुराङ देता ङेत्क्यो। जस्तो दुक्पा ङेत्सीनोङ ङाङ ख्योकोन च्योकराङ खपे खाईन देता ओत। ज्येनला परमेश्वर बात लापेकी थेमे येशू ख्रीष्ट सु ईन्दे, थेकी च्यि खिते सिन लापेकी खित्सादु ङाला समुन्द्रे किल्दु ओताते पत्मोस लुङबापा उरगीन ताङा ओतान।
Sanasan