१ पत्रुस 4:12 - जिरेल

¹² ङिङज्‍येते आज्‍यो न्‍वावे, ख्‍योकोनगी खपेराङ खिता मुथुप्‍ता सिराच्‍योक लाङच्‍येते दुक्‍पा भोगे खिता फाप्‍जीन च्‍यिला दोक ओङसुङा सिराच्‍योक खाला छक्‍क परे माकेत।

१ पत्रुस 4:12 Iomraidhean Croise

१ कोरिन्‍थी 10:13

थेमे दुक्‍पेकी कि खइँदा कारणगी खित्‍सादु मिला खइँदा दोक खिइ खिइ सिराच्‍योक लाङच्‍येते ख्‍योकोनलाकामा ओङच्‍येते मेन। परमेश्‍वर थे खोरोङगी खिओ साबा च्‍योकराङ खित्‍कान्‍ते ईन्‍देकी होथोक खाला खेराङला खिइ खिइ सिराच्‍योक लाबाते माक्‍याबाला ओङराङ मेङगो सिराच्‍योक ओङे बेलाला थेकी ख्‍योकोनला पाप खित्‍सादुकी रोके खिओ। दोक्‍ते बेलाला थेकी ख्‍योकोनला पाप खिता माफाप्‍च्‍येते शक्ति बिन्‍ला थार ज्‍युत्‍क्‍यो।

१ कोरिन्‍थी 3:13

थेमे खाम्‍बा जोकान्‍ते मिओनगी सु सुकी चुक खाईन जोबा ओता ईन्‍दाका सिन ङीमाई गाङे छ्या स्‍येक्‍यो। येशू ख्रीष्‍ट ग्‍युरला वाला मि गाङे न्‍याय खिते छोमु सु सुकी चुक खाबा ओता ईन्‍दाका सिन डेल्‍ग्‍यो। सु मि काम चुक दुका सिन थे छोमु मे नाङ लुक्‍ला तेइओ।

२ तिमोथी 3:12

ईन्‍दालाचेन येशू ख्रीष्‍टताङ जीउज्‍यीकराङ ओङगीन परमेश्‍वरला मन परे खित्‍च्‍येते काम खिता छोल्‍कान्‍ते मि गाङेला ज्‍येनगी दाक खेदापानी खिओ।

१ पत्रुस 2:11

ङिङज्‍येते आज्‍यो न्‍वावे, ख्‍योकोन दुरू टिक्‍पी दिनकामा देत्‍च्‍येते ईन्‍देकी मि लुङबे मि च्‍योकराङ ईन। थोगी ओर्च्‍ये, ख्‍योकोन ङे दोक्‍ते कामताङ बात खिता मेङगो सिन छ्या ओत्‍कीन ओत्‍कीनोङ ङे दोक माक्‍याबाला ओङराङ मेङगो सिराच्‍योक खाला खेराङ सेमला लाबा लाबा खित्‍च्‍येते नोमुङ छ्याःङ माकेत।

१ पत्रुस 4:4

तर था ख्‍योकोनगी थोक्‍ते मेलेबा काम खिता ताङेकी थोरूमसाक होथोक्‍ते कामराङ खिन ओताते मिओनचेन ख्‍योकोन च्‍यिला खोपरोङगी च्‍योकराङ मिक्‍किका सिन छक्‍क परे खिदुक। थेमे ख्‍योकोनला ईन्‍दा मेन्‍दा साला ख्‍योकोन विरोध खिदुक।

१ पत्रुस 5:9

शैतानगी जे सासीनोङ थे बात ङेनराङ माङेन, जति दुक्‍पा बिन्‍सीनोङ सेम मेसेता खाला देत थेमे येशू ख्रीष्‍टला विश्‍वास खिनराङ देत। दि सा लुङबा खाङ ओताते खेराङ आज्‍यो न्‍वाकीङ ख्‍योकोनगी च्‍योकराङ दुक्‍पा भोगे खिन देता ओत सिरच्‍येते बात टोक माज्‍येत।