१ पत्रुस 4:11 - जिरेल

¹¹ च्‍यि सासीन ज्‍येनला परमेश्‍वर बात लोप्‍कान्‍तेकी परमेश्‍वरगी जे साला दुक थेराङ लोप। थेमे ज्‍येनला ता फाप्‍कानगीङ परमेश्‍वरगी ङाला थोक खित्‍च्‍येते शक्ति बिन्‍दाते ईन सिन थे काम खि। दोक खाला जसकी जे खासीनोङ येशू ख्रीष्‍ट छ्य्‌वापेकी परमेश्‍वरते जय जय खित्‍च्‍येते काम खि। परमेश्‍वरते सधैँभरि जय जय ओङस्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

१ पत्रुस 4:11 Iomraidhean Croise

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

यूहन्‍ना 13:31

यहूदा थोक खाईन थेन्‍गीन गाल्‍नामेकीचेन येशूकी “थाचेन परमेश्‍वर ओत्‍सादुई वाबाते मि ङा चुक छ्ये ईन्‍दे सिन ख्‍योकोनगी थोङा ङेत्‍क्‍यो। थेमे ङे खित्‍सादु ख्‍योकोनगी परमेश्‍वर चुक छ्ये ईन्‍दाका सिन छ्या स्‍येक्‍यो।

शक्ति काम 7:38

थेमे ङुरूङ पुर्खाओन थोक खाला ठाःकताङ बालुवा बाई छ्याःङ मेत्‍सादु सीनै बोमगी चावादु जम्‍मा ओङला देते बेलाला मोशाङ थेरू ओतान। थेमे मोशा सीनै बोमने गाल्‍नामेकी परमेश्‍वर दूतज्‍यीगी थेत्ताङ ठेत्‍कीन बात खाबा ओतान। थेजीनराङ परमेश्‍वर दूतकी थेला नोमुङ फरक परे मिक्‍किच्‍येते बात ओताते नियम बिन्‍दा ओतान। थे नियम ङुरूङ पुर्खाओन लाईदुकामा मेन्‍देकी ङुरूङ लाईदुङ बिन्‍दा ओतान।

रोमी 11:36

ओताते जति गाङे थेकीराङ जोबाते ईन थेमे जोबातेबरी जेसुकैला ताकान्‍तेङ थेराङ ईन, दिबा जेसुकै गाङे थेतेराङ ईन। दोक छ्येते परमेश्‍वरते सधैँभरि जय जय ओङस्‍यीत। आमेन।

रोमी 12:3

परमेश्‍वरगी ङाला दया खाईन थे खोरोङ काम खि साबा ओतेकी ङा ख्‍योकोन गाङेला दि बातओनोङ सिओ। च्‍यि सासीन खेराङगी च्‍यि खिता थुप्‍कीते सिन लेमु खाला विचार मिक्‍किता खाला ख्‍योकोन सुङगीङ ङा जेङ खिता थुप्‍क्‍यो सिराच्‍योक खाला छ्ये माकेत। परमेश्‍वरगी खेराङला च्‍यि खित्‍च्‍येते सीप कि शक्ति बिन्‍ला दुका ङाला परमेश्‍वरगी दोस्‍यिकराङ खि साबाते ईन सिन विश्‍वास खाला ख्‍योकोनगी थेकी खि साबा भन्‍दाङ ल्‍हाक्‍पा खिता थुप्‍क्‍यो सिराच्‍योक माकेत।

रोमी 16:27

थेत्ताङकामा दोक खाला काम खित्‍च्‍येते छ्येज्‍यीक बुद्धि ओत। दोक छ्येते परमेश्‍वरला गाङेकी येशू ख्रीष्‍ट छ्य्‌वापेकी सधैँभरि जय जय ओङस्‍यीत सिन सिइ। आमेन।

रोमी 3:2

थोक सिरकानला ङा च्‍यि सिते सासीन यहूदी ओङाला काल्‍बेई फाइदा ओत। गाङे भन्‍दा गोमानी परमेश्‍वरगी थेबाताङ बात खाईन थेबाला थे खोरोङ बात बिन्‍दा ओत।

१ कोरिन्‍थी 10:31

बात दोक दोक ईन्‍देकी ख्‍योकोनगी साजीन ईन्‍स्‍यीत, थुङजीन ईन्‍स्‍यीत जे खित्‍जीनोङ खालि परमेश्‍वरला छ्ये जोच्‍येते कामकामा खि।

१ कोरिन्‍थी 12:4

परमेश्‍वर आत्‍मेकी मिओनला खुदुक खुदुक काम खित्‍च्‍येते सीपताङ शक्ति तेरग्‍यो। मिओनला खुदुक खुदुक काम खित्‍च्‍येते सीपताङ शक्ति बिन्‍सीनोङ परमेश्‍वर आत्‍माचेन दोक्‍पोईराङ ईन।

१ कोरिन्‍थी 3:10

परमेश्‍वरगी ङाला दया खाईन थे खोरोङ काम खि साबा ओतेकी ङे खाम्‍बा ज्‍वाप्‍ला आउदी सिपालु ओताते मिकी च्‍योकराङ खाईन जग तिङाप। ज्‍येनगीचेन दि जगी लाक खाम्‍बा जोइन ओत। तर खाम्‍बा जोकान्‍ते मिकी थे खोरोङगी चुक खाला जोइन ओते सिन लेमु खाला छ्या स्‍येबा फाप्‍क्‍यो।

१ कोरिन्‍थी 6:20

थेकी ख्‍योकोनला आउदी काल्‍बेई मोल च्‍याल्‍गीन ङ्योबाते ईन। थोगी ख्‍योकोनगी काम बात जे खासीनोङ परमेश्‍वरला मन परे खित्‍च्‍येतेकामा खि। दोक खाला थेला मान खि।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

२ कोरिन्‍थी 9:13

ख्‍योकोनगी थेबे लाईदु खाबाते दि कामगी खित्‍सादु ख्‍योकोनगी ख्रीष्‍टते गा लाङच्‍येते बात ङेन्‍गीन थेरू खि साबा च्‍योकराङ लेमु खाबाते थोङला थेबेकी परमेश्‍वरते जय जय खिओ। ख्‍योकोनगी थेबाला थेमे ज्‍येनला गोच्‍येते तेरा थुपासम्‍म बिन्‍गीन लेमु खाबे लाईदुङ थेबेकी परमेश्‍वरते जय जय खिओ।

एफिसी 1:19

थेमे ख्रीष्‍टला विश्‍वास खित्‍कान ङुरूङ नाङ परमेश्‍वरगी चुक छ्येज्‍यीक शक्तिकी काम खिन ओते सिन ख्‍योकोनला छ्या स्‍ये ज्‍युत्‍स्‍यीत सिनोङ प्रार्थना खिओ। थेकी ङुरूङ नाङ जुन छ्येज्‍यीक शक्तिकी काम खिन दुक होथे शक्तिकीराङ

एफिसी 4:29

थोकराङ खाला ख्‍योकोनगी दोक्‍पोईकी ज्‍येनज्‍यीक सेमला फोक्‍च्‍येते बात नोमुङ माकेत। बरू सु मिला च्‍यि बेलाला चुक सिरा लेमु ओङच्‍या दुका थे विचार खाला बात खि।

एफिसी 5:20

थेमे जस्‍तो ओङसीनोङ जहिलेङ आबा परमेश्‍वरगी खाबाते कामगी लाईदु प्रभु येशू ख्रीष्‍ट छ्य्‌वापेई थेला धन्‍यवाद सि।

एफिसी 6:10

थोरूमोङ बातज्‍यीक च्‍यि सासीन प्रभु ख्रीष्‍टताङ जीउज्‍यीकराङ ओङेकी थेकी ख्‍योकोनला थे खोरोङ छ्येज्‍यीक शक्ति बिन्‍दा ओत सिन टोक मेज्‍येता खाला छ्याःङ ज्‍यीबा मिक्‍किता खाला देत।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

फिलिप्‍पी 2:11

थेमे थेबा गाङेकी येशू ख्रीष्‍टराङ छ्येते ईन, थेराङ प्रभु ईन सिन सिराराङ फाप्‍क्‍यो। गाङेकी थेला थोक खाला छ्ये जोला आबा परमेश्‍वरते जय जय खिताराङ फाप्‍क्‍यो।

कलस्‍सी 4:6

थेबाताङ बात खित्‍जीन थेबे सेमला फोक्‍च्‍येते बात मिक्‍किता खाला खा छ्येत लेमु खाला बात खि। थोक खासीन थेबेकी खइँदा बात ठिजीन थे बात चुक खाला सिरा लेमु ईन्‍ताका सिन विचार खाला लाःपा थुप्‍क्‍यो।

१ थिस्‍सलोनिकी 2:4

ङ्योकोनलानी परमेश्‍वरगीराङ दिबेकी ङे साबा च्‍योकराङ खिओ सिन गा लाङच्‍येते बात लोप्‍च्‍येते काम जिम्‍मा बिन्‍दाते ईन। थोगी ङ्योकोननी मिओनला खुशी ज्‍वाप्‍ला मेन्‍देकी ङेराङ सेमगी नाङ च्‍यि दुका सिन लेमु खाला छ्या स्‍येकान्‍ते परमेश्‍वर खुशी ओङस्‍यीत सिन गा लाङच्‍येते बात लोप्‍क्‍यो।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

१ तिमोथी 6:16

थेकामा नोमुङ मिस्‍यिओ। थे सुङ दोन्‍दु ड्वा मुथुप्‍च्‍ये नाम्‍दाकला देत्‍क्‍यो। थेला सुङगीङ थोङा मेत, सुङगीङ थोङाङ मुथुबो। दोक छ्येते परमेश्‍वरला गाङेकी मान खिनराङ देत्‍स्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

तीतस 2:1

थेमे खुईचेन येशू ख्रीष्‍ट मिओनला थेबेकी ङेन्‍दा फाप्‍च्‍येते बातताङ डिक्‍च्‍येते बातकामा लोप।

तीतस 2:15

दि बाततेबा खुई थेरू गाङेला लोप। थेबाला दि बातओन लेमु खाला ङेन सि। सुइँदेकी दि बातला नामज्‍योक मेसेत्‍तुक सासीन थेबाला थोप। छ्याःङ ज्‍यीबा मिक्‍किता खाला खुई दि कामओन खि। दोक खित्‍जीन खोरोङला खुईते दोक खित्‍च्‍येते च्‍यि अधिकार ओते सिराच्‍योक खित्‍च्‍येते लाम सुङलाङ मातेर।

हिब्रू 13:7

खेराङला ताकान्‍ते छ्ये छ्ये मि बात ठेम्‍बा खि। थेबेकी ख्‍योकोनला परमेश्‍वर बात लापा ओतान। दुक्‍पा किम्‍मु जस्‍तो ओङजीनोङ स्‍यि स्‍यिसाकराङ थेबेकी चुक खाईन परमेश्‍वरला विश्‍वास खाबा ओताने थे ताला ख्‍योकोनगीङ थेबेकी खाबा च्‍योकराङ खि।

हिब्रू 5:12

ईन्‍दानी दि बेलासाकला ख्‍योकोन ज्‍येनला परमेश्‍वर बात लोपा थुप्‍कान ड्वा फाप्‍च्‍येते ईन। थोरूमसाकोङ ख्‍योकोनलानी परमेश्‍वर बातला च्‍यि साबा ओते, थोक साबाते च्‍यि ईन्‍दे सिन शुरू शुरूला लोपा फाप्‍च्‍येते बातओनका लोपा फाप्‍कीदुक। ख्‍योकोनगी परमेश्‍वर बात खजो खोकीका सिन विचार खासीन ख्‍योकोननी थोरूमोङ नुमा लुता फाप्‍च्‍येते बालकते फिजा च्‍योकराङ दुक। नामचेन ख्‍योकोन दाक्‍पोनगी मुरला साच्‍येते साप पच्‍चे खित्‍कान डुइते?

याकूब 1:19

थेमे ङिङज्‍येते आज्‍यो न्‍वावे, दि बात टोक माज्‍येत। च्‍यि सासीन खेराङला लोप्‍कान्‍ते मिओन बातला लेमु खाला नामज्‍योक सेत, बात खित्‍जीन लेमु खाला विचार खालाकामा खि थेमे होत्ता स्‍येदाङ खित्‍च्‍येते बान्‍दा माकेत।

याकूब 1:26

सुइँदेकी ङानी परमेश्‍वरगी खि साबाच्‍योक खित्‍कान्‍ते मि ईन खिदुक तर खोपरोङ खाचेन थाताला मोज्‍योदुक सासीन थोक्‍ते मिकीनी दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबाते ईन। थोक्‍ते मिकी जस्‍तोराङ लेमु काम खासीनोङ थोक खाबेकी थेला छ्याःङ फाइदा मेङगो।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 2:5

परमेश्‍वरगी जुनी बिन्‍दाते ख्‍योकोनोङ दो च्‍योक्‍तेराङ ईन। दोक्‍ते दोई छ्य्‌वापेई परमेश्‍वरगी थे खोरोङ आत्‍मा देत्‍च्‍येते मन्‍दिर जोच्‍येते ईन्‍देकी ख्‍योकोनगी थेला मेङगो मिसिरा खाला थोक खित छ्युत। दोक ओङनामेई ख्‍योकोनगी परमेश्‍वरला मन परे खित्‍च्‍येतेबा चढे खित्‍कान्‍ते पूजारी ओङला थेला मन परे खित्‍च्‍येते काम खिता थुप्‍क्‍यो। दोकचेन ख्‍योकोनगी येशू ख्रीष्‍टकी खाबाते कामगी खित्‍सादु खिता थुप्‍क्‍यो।

१ पत्रुस 4:10

परमेश्‍वरगी ङुरूङ गाङेला खुदुक खुदुकते सीपताङ शक्ति बिन्‍दा ओत। थेकी दाक्‍पोनला जे खित्‍च्‍येते सीपताङ शक्ति बिन्‍ला दुक थे छ्य्‌वापेई ज्‍येनला लेमु ओङच्‍येते काम खि।

१ पत्रुस 4:16

तर मिओनगी ख्‍योकोनला ख्रीष्‍टियान ईन सिन दुक्‍पा तेरगीदुक सासीन ख्‍योकोनगी छ्याःङ ङोचा खिता माफाबो, बरू खेराङ ख्रीष्‍टियान ईन सिन गा खिन परमेश्‍वरते जय जय खि।

१ पत्रुस 5:11

दोक खित्‍कान्‍ते परमेश्‍वरगी सधैँभरि गाङेपा गाङेला राज्‍य खिनराङ देत्‍स्‍यीत। आमेन।

यहूदा 1:25

परमेश्‍वर थेकामा ईन। ङुरूङला पापकी सजायदुकी डेल्‍कान्‍ते थेराङ ईन। थेते जय जय ओङस्‍यीत, थे आउदी छ्ये ईन, थेकी गाङेपा गाङेला राज्‍य खिओ थेमे थेत्ताङ जस्‍तोङ खित्‍च्‍येते अधिकार ओत। ङुरूङ प्रभु येशू ख्रीष्‍ट छ्य्‌वापेकी ङुरूङगी जुग जुगनामेई थरिङसाक ओता च्‍योकराङ थे सधैँभरि दोकराङ ओङला देत्‍स्‍यीत सिन सिइ। आमेन।