१ पत्रुस 4:10 - जिरेल10 परमेश्वरगी ङुरूङ गाङेला खुदुक खुदुकते सीपताङ शक्ति बिन्दा ओत। थेकी दाक्पोनला जे खित्च्येते सीपताङ शक्ति बिन्ला दुक थे छ्य्वापेई ज्येनला लेमु ओङच्येते काम खि। Faic an caibideil |
१ पत्रुस 4:10
29 Iomraidhean Croise
थेजीनसाक ख्योकोन चुक खिन देता फाप्कीते सासीन मालिकतेकी कोत्कीन ज्याक्पाते ङेन्ला लेमु खाला काम खित्कान्ते मि च्योकराङ ओङा फाप्क्यो। थोक्ते मिलाचेन मालिकतेकी थे खोरोङ खइँसापा डोजीन थे खाम्बादुराङ काम खित्कान्ते ज्येनतेबाला लेमु खाला साप थुङा बिना सिन खाम्बे कामओन जिम्मा बिन्ला डुइओ।
थोक सिरजीन थेबेकीङ थे गेल्बोला थे खोरोङ सामे छ्य्वापा ज्याक्पाते मिओनगी साबा च्योकराङ सिनकामा ‘प्रभु, ङ्योकोनगी खो नाम तुक्पाराङ देताते कि कोम्बा खाबाते थोङा ओताने? थेमे खो नाम मि लुङबे मि च्योक खाईन कि पेर्दुङबाराङ देता ओताने? थोकराङ खाईन खो नाम नाबाते कि जेलदु देताते थोङगीनोङ ङ्योकोनगी खोल्ला छ्याःङ खाबा मेताने?’ सिन सिओ।
थेमे ज्येन मेरा ङिचेन योअन्नाताङ सुसन्ना सिरातेन्दे ओतान। योअन्नाचेन चूजा सिराते मि फेम्मे ओतान। चूजाचेन हेरोद गेल्बो दरवारदु काम खित्कान्ते छ्येज्यीक मि ओतान। दिबाकामा मेन्देकी ज्येन ज्येन फेम्मे मिङ थेबाताङ ङ्योम्बुराङ ख्याम्बा ओतान। दिबा गाङेकी खोपरोङ पैसेकी येशूताङ थे चेलाओनला दोक खाला गा लाङच्येते बात लोप्कीन ख्याम्जीन साप थुङाला गोच्येते जेसुकै बिन्ला मद्धत खिन ओतान।
खोपरोङ खुशीकीराङ थेबेकी थोक खाबा ओतान। ईन्दाका थेबेकी दोक खिता फाप्च्येतेराङ ईन। च्यिला सासीन परमेश्वरगी खोपरोङला आशी बिन्गीन लेमु खानामेई यहूदी परमेश्वर सन्तानओनगी ज्येन ज्येन जातकी मिलाङ थे बात लाप्कीन बिन्देकी थेबेकीङ परमेश्वरगी तेरच्येते आशी ङेत्च्या ओङाते ईन। दोक खाईन थेबेकी यहूदीओनला परमेश्वरगी बिन्दाते आशी ङेत्नामेई थेबेकीङ खोपरोङताङ ओताते सम्पत्ति यहूदीओनताङ गोला साच्येते ठीकराङ ईन।
ङे थोक मेलेबा खाबा ईन्सीनोङ परमेश्वरगी ङाला दया खाईन ज्येनला येशू ख्रीष्ट बात लोप्कान्ते मि जोसुङ। परमेश्वरगी ङाला दया खाबाते थाराङ खेरो मागाल्सुङ। ङेचेन ङाराङ च्योकराङ येशू ख्रीष्टकी खटे खाबाते मि गाङेकी भन्दा दुक्पा खाईन खाईन ल्हाक्पा काम खाबा ओत। ईन्सीनोङ ङे खाबाते काम ङाराङ स्येतताङ बुद्धिकी खाबाते मेन। दि गाङे परमेश्वर दयेकी खित्सादु खिता थुपाते ईन।
थेकीराङ मिओनला खुदुक खुदुकते काम खित्च्येते सीपताङ शक्ति बिन्गीन कोईला थे खोरोङगी खटे खाबाते मि थेमे कोईला परमेश्वर बात खित्कान्ते मि जोसुङ। थोकराङ खाईन कोईला ठाउँ ठाउँला गाल्ला गा लाङच्येते बात लोप्कान्ते मि थेमे कोईला परमेश्वर सन्तानओनला ताकान्ते थेमे परमेश्वर बात लोप्कान्ते मि जोसुङ।
दोक खाला येशू ख्रीष्ट मिओनला ताकान्ते छ्येते मिकीचेन परमेश्वरगी खि साबाते काम खित्च्येते ईन्देकी सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थोक्ते मि दाक्पोन बातलाकामा जिद्धी मिक्किकानज्यीक, होत्ता स्येदाङ मिक्किकानज्यीक, छ्याङ रक्सी काल्बा मुथुङकानज्यीक, मिला लाःक मोतोङकानज्यीक थेमे सम्पत्ति ज्वाप सिन पैसे लोभला मुस्यूक्कानज्यीक ओङा फाप्क्यो।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
दि चिट्ठी ङे सिल्वानसला टिक च्युताते ईन। सिल्वानसचेन खिओ साबा च्योकराङ खित्कान्ते मि ईन। दि ङेते ङाराङ न्वा च्योकराङ ईन। जति दुक्पा ओङजीनोङ ख्योकोन सेम मेसेता खाला देत्स्यीत सिन आँट तेराला थेमे परमेश्वरगी पक्काराङ दया खिओ सिन ख्योकोनगी लेमु खाला छ्या स्येस्यीत सिन ङे थुम्मी खाईन दि चिट्ठी टिबाते ईन। परमेश्वरगी खेराङला दया खिनराङ देत्स्यीत सिन थेला माने खिन देता मातोङ।
Sanasan