१ पत्रुस 3:9 - जिरेल

⁹ खेराङला मेलेबा खित्‍कानला थोकराङ खाला किम्‍बा माज्‍येल, खेराङला मनपरी सिरकानलाङ थोकराङ माकेत, बरू लेमु ओङस्‍यीत सिन थेबाला आशी बिन। ख्‍योकोनगी होदोक खित्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्‍योकोनगी थोक खासीन थेकी ख्‍योकोनलाङ आशी तेरग्‍यो।

१ पत्रुस 3:9 Iomraidhean Croise

मत्ती 19:29

ङे बात ङेन्‍ला ङात्ताङ ख्‍याम्‍बे लाईदु खाम्‍बा कि आबा आमा कि आज्‍यो न्‍वा आज्‍यी नुमु कि फुज्‍युङ फुमु कि जग्‍गा जिमीन तोङकान्‍तेबाला परमेश्‍वरगी आबा आमा, आज्‍यो न्‍वा आज्‍यी नुमु, फुज्‍युङ फुमु च्‍योक्‍तेताङ खाम्‍बा थेमे जग्‍गा जिमीन ज्‍येनोङ झन काल्‍बेई तेरग्‍यो। थेमे थेबेकी नोमुङ मिसिन्‍च्‍येते जुनीङ ङेत्‍क्‍यो।

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

मत्ती 5:39

ङाचेन ख्‍योकोनला च्‍यि सिते सासीन सुइँदेकी खेराङला मेलेबा खासीन ख्‍योकोनगी थेबाला स्‍येदाङ मासेत। बरू सुइँदेकी खेराङला सामे डाम्‍पापा डाम्‍स्‍याकज्‍यीक ग्‍याप्‍सीन ख्‍योकोनगी थेला ज्‍येनते डाम्‍पाङ सेत्‍ला बिन।

मत्ती 5:44

ङाचेन ख्‍योकोनला च्‍यि सिते सासीन युल्‍बालाकामा मेन, शत्रुओनलाङ ङिङज्‍ये खि। थेमे खेराङला खेदापानी खित्‍कान्‍ते मिओनलाङ लेमु ओङस्‍यीत सिन परमेश्‍वरताङ प्रार्थना खि सिन सिओ।

मर्कूस 10:17

थेमे येशू थेरूई ख्‍याम्‍बा खाबा ओते बेलाला मिज्‍यीगी छ्य्‌वाकीन वाकीन थे काम्‍बाला से खिन “गुरू, खो लेमु मि ईन सिन ङाला छ्या ओत। थोगी नोमुङ मिसिन्‍च्‍येते जुनी ङेताला ङे च्‍यि खिता फाप्‍कीते, लाप्‍ला नाङना,” सिन सिदुक।

लूका 10:25

थेमे पालोई धर्मे गुरूज्‍यीगी येशू ओत्‍सादु वाकीन थे सेम ता चाल्‍सुङ। थेकी “गुरू, नोमुङ मिसिन्‍च्‍येते जुनी ङेताला ङे च्‍यि खिता फाबोङा, लाप्‍ला नाङना,” सिन सिदुक।

लूका 18:18

थेमे पालोई यहूदीओनते छ्येते मिज्‍यीगी येशूला “गुरू, खो लेमु मि ईन सिन ङाला छ्या ओत। थोगी नोमुङ मिसिन्‍च्‍येते जुनी ङेताला ङे च्‍यि खिता फाप्‍कीते, लाप्‍ला नाङना,” सिन सिदुक।

रोमी 12:14

थेमे ज्‍येनगी खेराङला खेदापानी खित्‍जीन थोक खित्‍कान्‍ते मिओनला मोता सराप माकेत। बरू थेबाला लेमु ओङस्‍यीत सिन आशी बिन।

रोमी 12:17

दोस्‍यिककामा मेन, सुइँदेकी ख्‍योकोनला मेलेबा खासुङ सासीन थेबालाङ थोकराङ खाला किम्‍बा ज्‍येल्‍च्‍येते माकेत। खेराङला ज्‍येनगी छ्याःङ दोष लै खिता मेङेत्‍स्‍यीत सिन खालि लेमुते कामकामा खि।

रोमी 8:28

थेमे दि बादोङ ङुरूङला लेमुराङ खाला छ्या ओत। च्‍यि सासीन परमेश्‍वरला ङिङज्‍ये खित्‍कान्‍ते मिओनलाचेन दुक्‍पा किम्‍मु जेराङ ओङसीनोङ परमेश्‍वरगी लेमुराङ ओङ ज्‍युत्‍क्‍यो। थेबे लाईदु थे खोरोङगी खिओ साबाते काम खिताप सिन परमेश्‍वरगी थेबाला थे खोरोङ दोन्‍दु स्‍योक सिन काताङाते ईन।

रोमी 8:30

थेमे परमेश्‍वरगी गोमामेई थे खोरोङ फुज्‍युङ च्‍योकराङ ज्‍वा चालाते मिओनला थे खोरोङ दोन्‍दु स्‍योक सिन काताङगीन च्‍याकीन दोषी मेन सासुङ। थोक खानामेई थेकी थेबाला मान बिन्‍गीन थे खोरोङगी ज्‍वा चाला च्‍योकराङ लेमु जोसुङ।

गलाती 3:14

ज्‍येन ज्‍येन जातकी मिकीङ परमेश्‍वरगी अब्राहामला तेरग्‍यो साबाते आशी ङेत्‍स्‍यीत थेमे थेला विश्‍वास खित्‍कान्‍ते मि ङुरूङ गाङेकी परमेश्‍वरगी तेरग्‍यो साबाते थे खोरोङ आत्‍मा ङेत्‍स्‍यीत सिन येशू ख्रीष्‍ट थोक खाईन परमेश्‍वरगी ङुरूङला सराप बिन्‍ला तेरच्‍येते सजाय छ्य्‌वापेई डेलाला स्‍याप्‍ते ईन।

एफिसी 4:32

बरू दोक्‍पोईकी ज्‍येनज्‍यीकला ङिङज्‍ये खाला दुक्‍पाला तो। थेमे ख्रीष्‍टकी खाबाते कामगी खित्‍सादु परमेश्‍वरगी खेराङ पाप माफ बिन्‍दा च्‍योकराङ खाला ख्‍योकोनगीङ दाक्‍पोनला मेलेबा खित्‍कानला माफ बिन।

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

हिब्रू 12:17

थोक खाबेकी खित्‍सादु तिरी आबातेकी छ्येते फुज्‍युङतेला तेरच्‍येते आशी थेकी माङेत्‍सुङ। आबातेला आशी नाङ सिन ङुला फिरला खित्‍जीनोङ थेकी गोमा थे खोरोङगी थोक मेलेबा खाबाते बात खुदुक ज्‍वापराङ माथुप्‍सुङ। दि बात ख्‍योकोनला छ्याराङ ओत।

हिब्रू 6:14

थेकी चुक साबा ओताने सासीन “ङा खोल्‍ला साँच्‍चीराङ आउदी खाला आशी तेरग्‍यो। थेमे खुई सखा सन्‍तान फेल च्‍युत्‍ला काल्‍बेई जोइओ,” सिन साबा ओतान।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।