१ पत्रुस 3:8 - जिरेल

⁸ था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।

१ पत्रुस 3:8 Iomraidhean Croise

मत्ती 18:33

खुईङ खोरोङ र्‍वाला ङे खोल्‍ला खाबा च्‍योकराङ खिता फाप्‍च्‍या मेतान?’ सिन

लूका 10:33

थेमे रकस्‍यिक तिरी थे लामला ख्‍याम्‍गीन ओताते सामरीज्‍यीगोङ थे मिला थोक जोकीन ज्‍याक्‍सादु लेप्‍तुक्‍लो। थे मिला थोङजीन थे सामरीला आउदी ङिङज्‍ये लादुक्‍लो।

शक्ति काम 2:1

पेन्‍तिकोस छोमुङ येशूला विश्‍वास खित्‍कान्‍तेबा गाङेराङ ठाउँज्‍यीकराङ रूकीन देता ओतान।

शक्ति काम 27:3

थेरूई पानीजहाज चले खानामेई ङारो च्‍योक्‍ते ङ्योकोन सीदोन सिरसादु लेप्‍सुङ। थेमे थे क्‍याप्‍टेनगी थेरू पावल र्‍वातेबेकी थेला गोच्‍येतेबा तेरा ङेत्‍स्‍यीत सिन थेबाला ठेता खित ताङगीन लेमु खासुङ।

शक्ति काम 28:7

थे लुङबे छ्येते मि पब्‍लियस सिरातेते थे फेरोला जग्‍गा जिमीन ओताक्‍वा। थेकी ङ्योकोनला थे खोरोङ खाम्‍बादु खेरगीन साप थुङा बिन्‍गीन आउदी लेमु खासुङ। ङीमा सुमसाक ङ्योकोन थे खाम्‍बादु देताप।

शक्ति काम 4:32

येशूला विश्‍वास खित्‍कान गाङेराङ आउदी लेमु खाला डिक्‍ला थुन्‍ला देत्‍कीन ओतान। थेबा खोपरोङताङ जेराङ ओत्‍सीनोङ सुङगीङ दि ङेतेताङ थे खुईते सिराच्‍योक मिक्‍किता खाला गोला सेइन ओतान।

रोमी 12:10

खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खितरीङ खि, ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि।

रोमी 15:5

दोक खाला ङुरूङ सेम मेसेता खाला देता थुप्‍स्‍यीत सिन परमेश्‍वरगी ङुरूङला आँट तेरग्‍यो। ङुरूङला दोक खित्‍कान्‍ते परमेश्‍वरगीराङ ख्‍योकोनगी येशू ख्रीष्‍टकी च्‍योकराङ दाक्‍पोन फाइदा माताबा खाला काम खित्‍जीन ख्‍योकोन गाङेला डिक्‍ला देत्‍च्‍येते सेम तेरस्‍यीत सिन ङा प्रार्थना खिओ।

१ कोरिन्‍थी 1:10

आज्‍यो न्‍वावे, ङुरूङ प्रभु येशू ख्रीष्‍टकीराङ ङाला दोक खित्‍च्‍येते अधिकार बिन्‍दा ओतेकी ङा ख्‍योकोनला च्‍यि सिते सासीन ख्‍योकोनगी खेराङ नाङ फाटो ओङच्‍येते काम माकेत। बरू गाङेकी सेमज्‍यीकराङ खाला डिक्‍ला काम खि।

१ कोरिन्‍थी 12:26

च्‍यिला सासीन दिबे नाङ दोक्‍पोईला खइँदा सुक थोत्‍सीन जीउ खाङराङ दुक्‍पा ओङगो। थेमे दोक्‍पोईला खइँदा लेमु ओङसीन जीउ खाङराङ लेमु ओङगो।

एफिसी 4:2

च्‍यि सासीन ख्‍योकोनगी नोमुङ ङा ङाराङ ईन सिराच्‍योक माकेत, गाङेताङ खा छ्येत लेमु खि, होत्ताराङ स्‍येदाङ माकेत थेमे दोक्‍पोईकी ज्‍येनज्‍यीकला ङिङज्‍ये खिन सुङताङ होपकी जोप मिक्‍किता खाला बरू सै खाला देत।

एफिसी 4:31

थेमे सुङताङ स्‍येदाङ खुरला मादेत, पालोईला स्‍येदाङ फुङ पुङच्‍येते माकेत, सुङताङ स्‍येदाङ माकेत, ज्‍येनताङ थोम्‍मु माकेत, सुङलाङ मामोत, मि बात खित्‍च्‍येते होदोक्‍ते बानी गाङे थोङ।

एफिसी 4:32

बरू दोक्‍पोईकी ज्‍येनज्‍यीकला ङिङज्‍ये खाला दुक्‍पाला तो। थेमे ख्रीष्‍टकी खाबाते कामगी खित्‍सादु परमेश्‍वरगी खेराङ पाप माफ बिन्‍दा च्‍योकराङ खाला ख्‍योकोनगीङ दाक्‍पोनला मेलेबा खित्‍कानला माफ बिन।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

फिलिप्‍पी 3:16

जे ईन्‍सीनोङ दाक्‍पोनगी थातासाक छ्या स्‍येबाते बात ङुरूङगी टोक मेज्‍येता खाला देता फाप्‍क्‍यो।

कलस्‍सी 3:12

परमेश्‍वरगी ख्‍योकोनला थे खोरोङ सन्‍तान सिन छाने खाईन ख्‍योकोन सेम खुदुक जोबा ओत, थेकी ख्‍योकोनला आउदी खाला ङिङज्‍ये खिओ। ख्‍योकोन बात दोक ईन्‍देकी ख्‍योकोनगी चुक चुक खिता फाप्‍कीते सासीन पीर फापा ओतातेबाला पीर माकेत सिन सिरा फाप्‍क्‍यो, ज्‍येनगी दुक्‍पाला ता फाप्‍क्‍यो, ङा ङाराङ ईन सिराच्‍योक खिता मेङगो, गाङेताङ खा छ्येत लेमु खिता फाप्‍क्‍यो, होत्ताराङ स्‍येदाङ खिता मेङगो,

हिब्रू 13:1

थेमे खेराङ गाङेराङ आज्‍यो न्‍वा ईन्‍देकी दोक्‍पोईकी ज्‍येनज्‍यीकला ङिङज्‍ये खिन देत।

याकूब 2:13

च्‍यिला सासीन ज्‍येनला ङिङज्‍ये मिक्‍किकान्‍ते मिला तिरी न्‍याय खिते छोमु परमेश्‍वरगी दया मिक्‍किओ। ज्‍येनला ङिङज्‍ये खित्‍कान्‍तेलाचेन न्‍याय खित्‍जीन परमेश्‍वरगी दया खिओ।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

याकूब 5:11

जतिराङ दुक्‍पा ओङजीनोङ खपे खिन देत्‍कान्‍ते मि भाग्‍यमानी ईन सिन ङुरूङला छ्या ओत। थाङबो अय्‍यूबकी चुक दुक्‍पा खपे खाबा ओताने थेमे थे दुक्‍पा खपे खाईन सिन्‍नामेकी प्रभु परमेश्‍वरगी थेला चुक लेमु खाबा ओताने सिन ख्‍योकोनला छ्याराङ ओत। प्रभु परमेश्‍वरचेन मिओनला आउदी ङिङज्‍ये खित्‍कान्‍ते ईन। थे आउदी दया खित्‍कान्‍ते ईन।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 2:17

मि गाङेला मान खि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। परमेश्‍वरताङ ज्‍यीबा खि। गेल्‍बोला मान खि।

१ पत्रुस 5:5

थेमे स्‍याराते मिओनलाङ ङा च्‍यि सिते सासीन ख्‍योकोनगी दाक्‍पोन भन्‍दा छ्येकी लाःपा कोताते ङेन। थेमे दि बातचेन ङा ख्‍योकोन गाङेला सिओ। च्‍यि सासीन ख्‍योकोन सुङगीङ ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि। परमेश्‍वर बातलाङ “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।

२ पत्रुस 1:7

दिकामा मेन, खेराङ च्‍योकराङ परमेश्‍वरला विश्‍वास खित्‍कानला दुक्‍पाला लेमु खि थेमे ज्‍येनला ङिङज्‍ये खि।

१ यूहन्‍ना 3:14

ङुरूङगी स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओत सिन ङुरूङला छ्या ओत। च्‍यिला सासीन ङुरूङ दाक्‍पोन आज्‍यो न्‍वाला ङिङज्‍ये खिओ। ज्‍येनला ङिङज्‍ये मिक्‍किकान्‍ते मिचेन स्‍यिला सजाय ङेत्‍सादुकी थोरूमोङ थारा मेङगो।