१ पत्रुस 3:5 - जिरेल

⁵ परमेश्‍वरगी साबा च्‍योकराङ खिओ सिन भर परे खित्‍कान्‍ते गोमा गोमाबे फेम्‍मे मिओनगीङ होदोकराङ खिन ओतान। थेबा दाक्‍पोन ख्‍योबो अधीनला देत्‍ला थेबाला मान खिन ओतान।

१ पत्रुस 3:5 Iomraidhean Croise

लूका 2:37

ख्‍योबोते स्‍यिनामेकी थोजोराङ देत्‍कीन था थे लो खाल स्‍यीताङ स्‍यी गाला ओतान। थेचेन ङीन नुप परमेश्‍वर मन्‍दिरदु परमेश्‍वरला प्रार्थना खिन देत्‍कीन ओतान। परमेश्‍वरला झन छ्ये ज्‍वा थुप्‍स्‍यीत सिन थे बेला बेलाला बर्तङ देत्‍कीन ओतान।

शक्ति काम 1:14

थेबाताङ थेरू गोमा येशूताङ ख्‍याम्‍कान्‍ते फेम्‍मे मिओन, येशू आमा मरियम थेमे येशू न्‍वातेबाङ ओतान। थेबाबरी गाङेराङ ङ्योम्‍बुराङ परमेश्‍वरला प्रार्थना खिन देत्‍कीन ओतान।

शक्ति काम 9:36

योप्‍पादु तबीता सिराज्‍यीक फेम्‍मे मि ओतान। थेङ येशू चेला ओतान। तबीता साबाते खास्‍याक साबाते ईन। थेकी मि काल्‍बेईला लेमु खिन ओतान। थेमे दुक्‍पा ङेताते मिओनलाङ दुक्‍पाला आउदी खाला तेइन ओतान।

एफिसी 5:33

परमेश्‍वर बातला साबाते थे बात ख्‍यावा फेम्‍मे विषयलाङ साबाते ईन। थोगी ख्‍योकोन गाङेकी दाक्‍पोन ज्‍यानला माया खाबा च्‍योकराङ खाला फेम्‍मेला ङिङज्‍ये खि। थेमे फेम्‍मे मिओनगीङ दाक्‍पोन ख्‍योबोला मान खि।

१ तिमोथी 2:10

बरू परमेश्‍वरला माने खित्‍कान्‍ते फेम्‍मे मिओनगी खिता फापाच्‍योक खाला थेबेकी लेमु काम खिता फाप्‍क्‍यो।

१ तिमोथी 2:15

फेम्‍मे मिकी थोक खाबा ईन्‍सीनोङ परमेश्‍वरगी थेबाला फिजे सुक देक्‍जीन ताला जोए खिओ। थोक ईन्‍सीनोङ थेबेकी छ्ये मिक्‍किता खाला येशू ख्रीष्‍टला विश्‍वास खिन देता फाप्‍क्‍यो, ज्‍येनला ङिङज्‍ये खिता तोङा मेङगो थेमे परमेश्‍वरला मन परे खित्‍च्‍येते कामताङ बात खिन देता फाप्‍क्‍यो।

१ तिमोथी 5:10

दोस्‍यिककामा मेन, थेबाचेन लेमु कामगी लाईदु मिन चले खाबाते मि ओङा फाप्‍क्‍यो। थोक साबाते च्‍यि सासीन फुज्‍युङ फुमुला लेमु खाईन हुर्के खाबाते, खाम्‍बादु वाबाते मिला लेमु खित्‍कान्‍ते, परमेश्‍वर सन्‍तानओन खाम्‍बादु ओङजीन काम्‍बा टुला तेरकान्‍ते, दुक्‍पा ओताते मिओनला ताकान्‍ते थेमे ज्‍येनोङ होदोक्‍ते लेमुते काम खित्‍च्‍ये छ्य्‌वापा स्‍येत खिन देताते फेम्‍मे मि ओङा फाप्‍क्‍यो।

१ तिमोथी 5:5

ख्‍योबो स्‍यिइन ताकान सुङ मेत्‍कीन पक्‍काराङ दुक्‍पा ङेताते फेम्‍मे मिचेन परमेश्‍वरगी थे मोरोङला तेइओ सिन ङीन नुप थेत्ताङ प्रार्थना खिन देत्‍क्‍यो।

हिब्रू 11:11

परमेश्‍वरगी साबा च्‍योकराङ खिओ सिन अब्राहामगी थेला विश्‍वास खाबेकीराङ थे खोरोङ थेमे फेम्‍मेते सारा थोक गान्‍दा गाम्‍मा गाला ओत्‍सीनोङ थेबेते फिजा केसुङ। सारा नोमुङ फिजा क्‍या मुथुप्‍च्‍या ओत्‍सीनोङ परमेश्‍वरगी जमान खाबा च्‍योकराङ खिओ सिन अब्राहामगी थेला विश्‍वास खाबेकी थेबेते फिजा केसुङ।

१ पत्रुस 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। थेकी ङुरूङला आउदी ङिङज्‍ये खाईन लोक्‍ला केर ज्‍युताच्‍योक खाईन साम्‍बाते जुनी बिन्‍सुङ। थेकी येशू ख्रीष्‍टला स्‍यिसादुकी सोम्‍बो लोक्‍पा ओतेकी थेकी खिओ साबाच्‍योक पक्‍काराङ खिओ सिन ङुरूङ आश खाईन गुकीन देताते बात नोमुङ फरक परे मिक्‍किओ।