१ पत्रुस 3:22 - जिरेल

²² थेचेन थरिङोला स्‍वर्गने गाल्‍गीन परमेश्‍वर सामे छ्य्‌वापा देता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे थे अधीनलाराङ ओत।

१ पत्रुस 3:22 Iomraidhean Croise

मत्ती 22:44

च्‍यिला सासीन दाऊद खोरोङगीराङ दोक सिन साबा ओत। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबाते बात टिबा ओत।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

मर्कूस 12:36

च्‍यिला सासीन ख्रीष्‍टकी विषयला बात खित्‍जीन परमेश्‍वर आत्‍मे छ्य्‌वापेई गेल्‍बो दाऊद खोरोङगीराङ दोक सिन टिबा ओत। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबाते बात टिबा ओत।

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

लूका 20:42

च्‍यिला सासीन ख्रीष्‍टकी विषयला बात खित्‍जीन भजन किताबला गेल्‍बो दाऊद खोरोङगीराङ दोक सिन टिबा ओत। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबाते बात टिबा ओत।

यूहन्‍ना 13:32

ङे परमेश्‍वर चुक छ्ये ईन्‍दे सिन छ्या स्‍ये च्‍युत्‍नामेई परमेश्‍वरगीङ थे खोरोङ फुज्‍युङला चुक छ्येज्‍यीक मान बिन्‍दा ओते सिन तेन्‍ला तेरग्‍यो। दि काम परमेश्‍वरगी था होत्ता खिओ।

शक्ति काम 1:11

“ए गालीलपे मिवे, ख्‍योकोन च्‍यिला दोक खाला नामने ताला देत्‍कीते? येशूला परमेश्‍वरगी स्‍वर्गने खेरसुङ। आनाङ ख्‍योकोनगी थेला चुक खाईन थेने ड्वा थोङा ओताने, था तिरी ङीमाई लोक्‍ला थे होथोकराङ खाला देमा ग्‍युरला ओङगो,” सिन सिदुक।

शक्ति काम 3:21

थे थरिङोला स्‍वर्गने देता ओत। परमेश्‍वर बात खित्‍कान्‍तेबेकी परमेश्‍वरगी तिरी जेसुकै लेमु जोइओ सिन परमेश्‍वरगी सिर च्‍युताते बाततेबा गाङे साबा च्‍योकराङ मायाङथुप थे थेनेराङ देत्‍क्‍यो।

रोमी 8:34

थोकराङ खाला था सुङगीङ थेबाला सजाय मेतेरो। च्‍यिला सासीन येशू ख्रीष्‍ट थेबे लाईदु स्‍यिइन सिन्‍दा ओत। थे थोक खाईन स्‍याप्‍तेकामा मेन, स्‍यिसादुकी समेदोङ सोम्‍बो लोगीन थानी परमेश्‍वर सामे छ्य्‌वापा देता ओत। थेमे थेरू देत्‍ला थेकी ङुरूङ लाईदु थेत्ताङ बात खाला तेरग्‍यो।

रोमी 8:38

थोगी ङे दि बात लेमु खाईन छ्या स्‍येबा ओत। च्‍यि सासीन दुरू सोन्‍ला देत देतसाक जे ओङसीनोङ थेमे स्‍यिनामेकीङ परमेश्‍वरगी ङुरूङला ङिङज्‍ये खिता मोतोङो। परमेश्‍वर दूतओनगी ईन्‍स्‍यीत, ल्‍हा लुओनगी ईन्‍स्‍यीत, थरिङोला ङेत्‍च्‍येते दुक्‍पा किम्‍मु बातकी ईन्‍स्‍यीत, था तिरी आइ परे खित्‍च्‍येते बातकी ईन्‍स्‍यीत, ल्‍हन्‍डीक स्‍यिन्‍डीपकी ईन्‍स्‍यीत थेमे खेनला स्‍वर्गने ओतातेबेकी ईन्‍स्‍यीत, थुल्‍ला नरककुण्‍डमा ओतातेबेकी ईन्‍स्‍यीत परमेश्‍वरगी जोबातेबरी जो ईन्‍सीनोङ जे ईन्‍सीनोङ सुङगीङ थेमे छ्याःङगीङ ङुरूङला ङिङज्‍ये खित्‍कान्‍ते परमेश्‍वर छ्य्‌वापेकी डेला मुथुबो। ङुरूङ प्रभु येशू ख्रीष्‍टकी खित्‍सादु थेकी ङुरूङला ङिङज्‍ये खिता नोमुङ तोङराङ मोतोङो।

१ कोरिन्‍थी 15:24

थेमे शैतान ईन्‍स्‍यीत, ल्‍हा ल्‍हन्‍डीक जोराङ ईन्‍स्‍यीत, स्‍वर्गदु, नरककुण्‍डमा थेमे सा नाम खाङ राज्‍य खित्‍कान्‍तेबा गाङेला पूरो खाईन ग्‍याल्‍गीन सिन्‍नामेकीचेन ख्रीष्‍टकी थे खोरोङ राज्‍य आबा परमेश्‍वरला सोम्‍पे खिओ। थेकी थेबा गाङेला ग्‍याल्‍गीन सिन्‍नामेईचेन दि जुगोङ सिन्‍ग्‍यो।

कलस्‍सी 3:1

परमेश्‍वरगी ख्‍योकोनला ख्रीष्‍टताङराङ सोम्‍बो लोगीन साम्‍बाते जुनी बिन्‍दा ओत। थोगी था ख्‍योकोनगी स्‍वर्गने सु ओते, चुक चुक ओङगीते सिन थेने बात विचार खि। स्‍वर्गनेचेन ख्रीष्‍ट ओत, थे थेने परमेश्‍वर सामे छ्य्‌वापा देता ओत सिन टोक माज्‍येत।

हिब्रू 1:13

थे खोरोङ दूतओन नाङ परमेश्‍वरगी सुङलाङ नोमुङ “ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,” सिन साबा मेत।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 1:6

थे खोरोङ छ्येते फुज्‍युङतेला दि सा लुङबामा तोङजीन याङराङ परमेश्‍वरगी “ङे दूत गाङेकी थेते जय जय खित्‍स्‍यीत,” सिन साला दुक।

हिब्रू 10:12

तर येशू ख्रीष्‍टकीचेन मि पाप गाङे पूरो खाला माफ तेराला बाजिईकामा थे खोरोङ ज्‍यान बिन्‍गीन स्‍यिसुङ। था थेकी लोक्‍ला दि काम नोमुङ खिता माफाबो। दोक खाईन स्‍यिइन थेचेन परमेश्‍वर सामे छ्य्‌वापा गाल्‍गीन देता ओत।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

हिब्रू 8:1

था छ्येते बातचेन दिराङ ईन। च्‍यि सासीन ङुरूङते गाङे भन्‍दा छ्येते पूजारी चुक छ्ये ईन्‍दे सासीन थेनी स्‍वर्गने छ्येज्‍यीक शक्ति ओताते परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 9:24

च्‍यिला सासीन ख्रीष्‍ट गाल्‍गीन स्‍यूबाते ठाउँचेन स्‍वर्गने ओतातेते नक्‍कल खाईन परमेश्‍वर देताला सिन मिओनगी जोबाते पाल च्‍योक्‍ते मेन। ख्रीष्‍टनी स्‍वर्गने परमेश्‍वर दोन्‍दुराङ गाला ओत। थे दोन्‍दुराङ देत्‍ला थरिङोला थेकी ङुरूङ लाईदु परमेश्‍वरताङ बात खिओ।