१ पत्रुस 3:21 - जिरेल21 थे भलदुकी थोक खाईन नूहताङ थे मिओन सोन्दाते बातचेन थरिङोला परमेश्वरगी मिला पापदुकी डेल्च्येते बप्तिस्मा तेरच्येते बातताङ डिइओ। चुक खाला सासीन छ्युला लुक्ला बप्तिस्मा तेरच्येते काम ठु खाला जीउकी ङेक्च्युक क्युरच्येते च्योक मेन। बप्तिस्मा लिन्कान्ते मिकीनी परमेश्वरगी ङाला पापदुकी टाल्ला ङे सेम लेमु जोरस्यीत सिन बप्तिस्मा लिन्च्येते ईन। परमेश्वरगी थोक्ते मिला पापदुकी डेल्च्येतेचेन येशू ख्रीष्ट सोम्बो लोक्पा ओतेकीराङ ईन। Faic an caibideil |
१ पत्रुस 3:21
30 Iomraidhean Croise
थोक ईन्सीनोङ परमेश्वरगी गाङे भन्दा गोमा जोबाते मि आदम पालोमेकी मोशे पालोसाक मि सुङ कालगी खादुकी थारा माथुप्सुङ। च्यिला सासीन आदमगी च्योक परमेश्वर थे खोरोङ खेकीराङ दोक माकेत साबाते माङेन्गीन पाप खाबाच्योक मेन्सीनोङ थेबेकीङ पापचेन खाबा ओतान। थेमे परमेश्वरगी तोङगो साबाते मित्ताङ आदमला दाँजे खाला ताजीन थेबे नाङ कोई कोई बात डिक्च्या कोई बात मिडिक्च्या थोङगीदुक।
आज्यो न्वावे, ख्योकोनगी लेमु खाला खोस्यीत सिन थाल्लासाक खाबाते गाङे बात ङे अपोल्लोसताङ ङाराङ बात खुलाकीन खाबाते ईन। परमेश्वर बातला खि साबा च्योकराङ खाला काम खि। थोक खित्च्येते बानी ख्योकोनगी ङ्योकोन छ्य्वापेई लोप। थेमे ख्योकोनगी फलाना चुक लेमु खित्कान्ते ईन्दे सिन दोक्पोईला छ्ये जोच्येतेताङ ज्येनज्यीकलाचेन थेङ सु ईन्देरो सिराच्योक खित्च्येते बानी थोङ।
थेमे दि बात ङ्योकोन छ्याःङ ज्यीबा मिक्किता खाला सिरा थुप्क्यो। च्यि सासीन ज्येनगी दोन्दु ईन्स्यीत, ख्योकोन दोन्दु ईन्स्यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्योबा खाईन परमेश्वरगी खि साबा च्योकराङ खाईन लेमुते कामताङ साँचोते बातकामा खाबा ओत। ङेराङ स्येतताङ बुद्धिकी खित्सादु ङ्योकोनगी थोक खिता थुपाते मेन। परमेश्वर दयेकी खित्सादुराङ थोक खिता थुपाते ईन।
चुक सासीन ख्योकोनला बप्तिस्मा तेरजीन ख्योकोन छ्युई नाङ नुप्जीन ख्रीष्टताङराङ स्यिइन थेत्ताङ दिबाते ईन। थेमे छ्युदुई थेन्जीन परमेश्वरगी ख्योकोनला ख्रीष्टताङराङ सोम्बो लोक्पाते ईन। ख्रीष्टला स्यिसादुकी सोम्बो लोक्कान्ते परमेश्वरताङ छ्येज्यीक शक्ति ओत सिन थेला विश्वास खाबेकी थेकी ख्योकोनला थोक खाबाते ईन।
ङे खोल्ला होथे मिओनला दोक खि, थोक माकेत सिन कोत साबातेचेन थेबेकी ज्येनतेबाला ङिङज्ये खित्स्यीत सिनराङ ईन। थोक खाला ङिङज्ये खिताला थेबे सेम लेमु ओङा फाप्क्यो, दाक्पोनला ङे दोक खिता ठीक मेन सिराच्योक लाबाते काम छ्याःङ खिता मेङगो, थेमे खेकीकामा मेन्देकी येशू ख्रीष्टला पक्काराङ खाला विश्वास खिता फाप्क्यो।
येशू ख्रीष्टला विश्वास खाईन ङेन्दाते बात ङेन्दा मोतोङा खाला जति दुक्पा ओङसीनोङ थे बातला साबा च्योकराङ खि। नोमुङ मिसिन्च्येते जुनी ङेत्स्यीत सिन परमेश्वरगी खोल्ला थे खोरोङ दोन्दु स्योक सिन काताङाते ईन मेन? थेजीन खुई मि काल्बेई ङोन्दु ङा प्रभु येशू ख्रीष्टला विश्वास खिओ सिनोङ साबा ओत। था थे नोमुङ मिसिन्च्येते जुनी खुई खोरोङ लाःक्तुकी स्योर माज्युत।
बात दोक दोक ईन्देकी छ्याःङ शंका मिक्किता खाला परमेश्वरला विश्वास खिन सेमदु पाप सिराते छ्याःङ मोज्योबा खाला ङुरूङ थे दोन्दु ड्वा फाप्क्यो। च्यिला सासीन येशू ख्रीष्टकी खाबाते कामगी खित्सादु ङुरूङ पाप गाङे माफ ओङेकी था ईन्सीन ङे पाप पूरो खाईन माफ ओङसुङ सिन ङुरूङ ढुक्क खाला देता थुप्च्या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।
थोक खानामेईनी बिटुले खाबाते मि चोके खिओ सासीन ख्रीष्ट स्यिजीन थे जीउदुकी थेन्दाते ठागी खित्सादु था ईन्सीन मेलेबाते कामगी सजाय ङेत्ला ङा नरककुण्डमा स्यूक्पा माफाबो सिन ख्योकोन ढुक्क खाला देता थुप्क्यो। दोक ओङला ख्योकोनगी सोम्बोते परमेश्वरगी खि साबा साबाते खिन थेला माने खिता थुप्क्यो। च्यिला सासीन छ्याःङ गल्ती खाबा मेताते ख्रीष्ट परमेश्वर आत्मे शक्ति ङेत्कीन परमेश्वरला थे खोरोङ ज्यानराङ बिन्गीन स्या ओत।
ख्योकोनगी काम बात जे खित्जीनोङ हत्तेरिका ङे थोक खिता ओङच्या मेतान सिराच्योक लाङच्येते छ्याःङ माकेत। दोक्ते काम मिक्किता खाईन देत्सीन खेराङ ख्रीष्टकी मि ईन्गीन लेमु कामताङ बातकामा खाबा ओत्सीनोङ मेन्दा मेन्दे बात खाला खेराङला दोष लै खित्कान्ते मिओनगी खोपरोङगी ख्योकोन लेमु मि मेन साबाते बात ठीक मेन्दाक्वा सिन छ्या स्येला ङोचेकी खाराक्पा देत्क्यो।
Sanasan