१ पत्रुस 3:16 - जिरेल

¹⁶ ख्‍योकोनगी काम बात जे खित्‍जीनोङ हत्तेरिका ङे थोक खिता ओङच्‍या मेतान सिराच्‍योक लाङच्‍येते छ्याःङ माकेत। दोक्‍ते काम मिक्‍किता खाईन देत्‍सीन खेराङ ख्रीष्‍टकी मि ईन्‍गीन लेमु कामताङ बातकामा खाबा ओत्‍सीनोङ मेन्‍दा मेन्‍दे बात खाला खेराङला दोष लै खित्‍कान्‍ते मिओनगी खोपरोङगी ख्‍योकोन लेमु मि मेन साबाते बात ठीक मेन्‍दाक्‍वा सिन छ्या स्‍येला ङोचेकी खाराक्‍पा देत्‍क्‍यो।

१ पत्रुस 3:16 Iomraidhean Croise

मत्ती 5:11

थेमे ङाला विश्‍वास खाबेकी खित्‍सादु ज्‍येनगी ख्‍योकोनला मेलेबा मि ईन साला मनपरी सिओ, ख्‍योकोनला खेदापानी खिओ थेमे ईनराङ मेन्‍दे बात जोला ख्‍योकोनला मेन्‍दा मेन्‍दे दोष लै खिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

शक्ति काम 24:16

ङीमाई पक्‍काराङ दोक ओङगो सिन ङा दि जुनीला थुपासम्‍म जहिलेङ परमेश्‍वरगी साबा साबा च्‍योकराङ खित्‍च्‍येते थेमे ज्‍येनला लेमु ओङच्‍येते कामकामा खिता छोल्‍ग्‍यो।

शक्ति काम 28:22

खो थे नासरत पाटी मि ईन्‍देकी थे पाटी चुक्‍ते ईन्‍दे सिन ङ्योकोनला लेमु खाला लाप्‍ला नाङ। च्‍यिला सासीन जुन ठाउँकी मिकीङ थे पाटी मेलेबा ईन सिन खिदुक,” सिन सिदुक।

रोमी 9:1

थेमे येशू ख्रीष्‍टताङ जीउज्‍यीकराङ ओङाते मि ईन्‍देकी ङा ईन्‍दाते बातकामा खिओ। ङे खिन ओताते दि बात ढाँर खाबाते मेन सिन ङाराङ सेमगी नाङ ओताते परमेश्‍वर आत्‍मेकीङ ङाला छ्या स्‍ये च्‍युता ओत।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

१ तिमोथी 1:19

प्रभु येशू ख्रीष्‍टला विश्‍वास खिन ङेन्‍दाते बात ङेन्‍गीन देता मातोङ। थेमे थोरूमसाक खिन ओता च्‍योकराङ खाला दाक्‍पोनला ङे दोक खिता ठीक मेन सिराच्‍योक लाबाते काम छ्याःङ माकेत। कोई कोईकी होथोक मिक्‍किता खाईन प्रभु येशू ख्रीष्‍टला विश्‍वास खिता ताङेकी थेबाला छ्येज्‍यीक हानी ओङा ओत।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

२ तिमोथी 1:3

थेमे परमेश्‍वरताङ प्रार्थना खित्‍जीन ङा ङीन नुप जहिलेङ खुई लाईदुङ प्रार्थना खिन खुई लाईदु थेला धन्‍यवाद सिओ। ङा ङाराङ ज्‍युज्‍यु पुर्खेकी माने खिन वाबाते परमेश्‍वरला थेबेकी च्‍योकराङ खाला थेला जस्‍तो खाला माने खिता फाप्‍च्‍येते ईन थोकराङ खाला माने खिओ।

तीतस 2:8

खुई लोप्‍च्‍येते बातला दि मेन्‍दे बात ईन सिन सुङगीङ सिरा मेङेत्‍स्‍यीत सिन लेमु खाला लोप। दोक दोक खासीन ङुरूङ विरोध खित्‍कान्‍ते मिओनगी थेबेकी दि दि मेलेबा खासुङ सिरच्‍येते लाम छ्याःङ माङेत्‍ला खोपरोङराङ खर्के देइओ।

हिब्रू 13:18

थेमे ङ्योकोन लाईदु परमेश्‍वरला प्रार्थना खिन देता मातोङ। जे खित्‍जीनोङ सेमदु पापताङ लोभ सिराते छ्याःङ मोज्‍योबा खाला खिता छोल्‍कान ईन्‍देकी ङे दोक खिता ठीक मेन सिराच्‍योक लाबाते काम ङेराङगी छ्याःङ खाबा मेत सिन ङ्योकोनला लेमु खाला छ्या ओत।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 2:15

छ्याःङ विचार मिक्‍किता खाला ख्‍योकोनला मेन्‍दा मेन्‍दे दोष लै खित्‍कान्‍ते मिओनगी थोक्‍ते मेन्‍दे बात खिता तोङस्‍यीत सिन ख्‍योकोनगी लेमु काम खि। ख्‍योकोनगी दोकराङ खित्‍स्‍यीत सिरच्‍येते परमेश्‍वर सेम ओत।

१ पत्रुस 2:19

खेराङगी छ्याःङ गल्‍ती खाबा मेत्‍जीनोङ थेबेकी थाराङ ख्‍योकोनला दुक्‍पा तेरजीन ङाला दोक ओङाते परमेश्‍वरला छ्या ओत सिन सम्‍झे खिन थेबाला छ्याःङ मिसिरा खाईन दुक्‍पा खपे खासीन परमेश्‍वरगी ख्‍योकोनगी लेमु खासुङ सिन सिओ।

१ पत्रुस 3:21

थे भलदुकी थोक खाईन नूहताङ थे मिओन सोन्‍दाते बातचेन थरिङोला परमेश्‍वरगी मिला पापदुकी डेल्‍च्‍येते बप्‍तिस्‍मा तेरच्‍येते बातताङ डिइओ। चुक खाला सासीन छ्युला लुक्‍ला बप्‍तिस्‍मा तेरच्‍येते काम ठु खाला जीउकी ङेक्‍च्‍युक क्‍युरच्‍येते च्‍योक मेन। बप्‍तिस्‍मा लिन्‍कान्‍ते मिकीनी परमेश्‍वरगी ङाला पापदुकी टाल्‍ला ङे सेम लेमु जोरस्‍यीत सिन बप्‍तिस्‍मा लिन्‍च्‍येते ईन। परमेश्‍वरगी थोक्‍ते मिला पापदुकी डेल्‍च्‍येतेचेन येशू ख्रीष्‍ट सोम्‍बो लोक्‍पा ओतेकीराङ ईन।

१ पत्रुस 4:4

तर था ख्‍योकोनगी थोक्‍ते मेलेबा काम खिता ताङेकी थोरूमसाक होथोक्‍ते कामराङ खिन ओताते मिओनचेन ख्‍योकोन च्‍यिला खोपरोङगी च्‍योकराङ मिक्‍किका सिन छक्‍क परे खिदुक। थेमे ख्‍योकोनला ईन्‍दा मेन्‍दा साला ख्‍योकोन विरोध खिदुक।