१ पत्रुस 3:15 - जिरेल

¹⁵ बरू येशू ख्रीष्‍टराङ खेराङ मालिक ईन सिन टोक माज्‍येत, थेला मान खि। थेमे परमेश्‍वरगी तिरी तेरग्‍यो साबातेबा ङेत्‍क्‍यो सिन खेराङगी आश खाबाते पक्‍काराङ ङेत्‍क्‍यो सिन ख्‍योकोन चुक खाला सिते सिन ठिकान गाङेला ख्‍योकोनगी जहिलेङ लाःप्‍ला बिन। थेबे सेमला फोक्‍च्‍येते बात छ्याःङ मिक्‍किता खाला थोक्‍ते मिओनताङ ख्‍योकोनगी खा छ्येत लेमु खाला बात खि।

१ पत्रुस 3:15 Iomraidhean Croise

शक्ति काम 21:39

थेकी थोक सिरजीन पावलगी “ङा थे मि मेन हजूर। ङानी यहूदीका ईन। ङा सिलिसिये अञ्‍चलते टार्सस सारगी मि ईन। थे छ्येते सार ईन सिन गाङेपे मिला छ्या ओत। हजूर खुई ङाला दि मिओनताङ बातज्‍यीक बात ङि खिता नाङ,” सिन सासुङ।

शक्ति काम 24:25

मिओनगी परमेश्‍वरगी साबा साबा च्‍योकराङ खिता फाप्‍च्‍येते, दाक्‍पोन सेम काबूला ज्‍य्‌वाबा फाप्‍च्‍येते थेमे परमेश्‍वरगी मि गाङे न्‍याय खित्‍च्‍येते दिन ओङगो सिनोङ लाप्‍कीन बिन्‍सुङ। थेकी दि बातओन खित्‍जीन ज्‍यीबा लाबेकी फेलिक्‍सकी थेला “लो थरिङ दोस्‍यिकराङ ओङसुङ। ज्‍येन बात खिताला फुर्सत ङेत्‍नामेई ङा ङारो ना लोक्‍ला खोल्‍ला कातोङामीन,” सिन थेला थेरूकी ताङसुङ।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।

कलस्‍सी 1:5

परमेश्‍वरगी था तिरी खेराङला स्‍वर्गने तेरग्‍यो सिन साबातेबा ङेत्‍क्‍यो सिन खेराङगी आश खाईन देताते पक्‍काराङ ङेत्‍क्‍यो सिन छ्या स्‍येबेकीराङ ख्‍योकोनगी थोक लेमु खिन ओताते ईन। परमेश्‍वरगी खेराङला तेरग्‍यो साबाते ङेत्‍क्‍यो सिनचेन ख्‍योकोनगी सत्‍यते बात थोनामेई छ्या स्‍येबा ओत। सत्‍यते बातचेन गा लाङच्‍येते बात ईन।

कलस्‍सी 4:6

थेबाताङ बात खित्‍जीन थेबे सेमला फोक्‍च्‍येते बात मिक्‍किता खाला खा छ्येत लेमु खाला बात खि। थोक खासीन थेबेकी खइँदा बात ठिजीन थे बात चुक खाला सिरा लेमु ईन्‍ताका सिन विचार खाला लाःपा थुप्‍क्‍यो।

तीतस 1:2

ङे थेबे नाङ दि काम खित्‍जीन थेबेकी नोमुङ मिसिन्‍च्‍येते जुनी ङेत्‍क्‍यो सिरच्‍येते बात पक्‍काराङ ईन सिन आश खाला गुला देता थुप्‍क्‍यो। दोक खाला मिओनला नोमुङ मिसिन्‍च्‍येते जुनी तेरग्‍यो सिन परमेश्‍वरगी थाङबो जुगलाराङ साबा ओतान। थेकी नोमुङ ढाँर मिक्‍किओ।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

हिब्रू 6:1

बात दोक ईन्‍देकी था ङुरूङगी ख्रीष्‍ट सु ईन्‍दे, थेकी च्‍यि खासुङा सिन शुरू शुरूला लोपा फाप्‍च्‍येते बातओनकामा लोप्‍कीन मेदेता खाला होदोक्‍ते बात लेमु खाला खोबा थुप्‍कान्‍ते पाकोते मि च्‍योक ओङा फाप्‍क्‍यो। च्‍यि सासीन थाचेन ङुरूङगी नरककुण्‍डमा स्‍यूक्‍च्‍येते काम खिता ताङला परमेश्‍वर छ्य्‌वापा लै खाला थेला विश्‍वास खित्‍च्‍येते,

१ पत्रुस 1:17

थेमे परमेश्‍वरताङ प्रार्थना खित्‍जीन ख्‍योकोन थेला आबा सिन सिओ। थेकी सुङलाङ काका पाका मिक्‍किता खाला सुई चुक खाला दुका थे ताला न्‍याय खिओ। थोगी खेराङ दुरू मि लुङबे मि च्‍योकराङ ईन सिन सम्‍झे खाला सोन्‍ला देत देतसाकराङ ख्‍योकोनगी परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन लेमु खिन देत।

१ पत्रुस 3:2

ख्‍योकोन लेमु बानी बिवारा ओताते थेमे थेबाला मान खाबाते थोङनामेई थेबेकीङ प्रभु येशूला विश्‍वास खिओ।

१ पत्रुस 3:4

बरू ख्‍योकोनगी ङा ङाराङ ईन सिराच्‍योक माकेत, गाङेताङ खा छ्येत लेमु खाला डिक्‍ला थुन्‍ला देत। होदोक दोक खित्‍कान्‍ते फेम्‍मे मिलाराङ परमेश्‍वरगी लेमुते फेम्‍मे मि ईन सिओ।