१ पत्रुस 3:13 - जिरेल

¹³ ख्‍योकोनगी लेमु खित्‍च्‍ये छ्य्‌वापाकामा स्‍येत खाईन थोकराङ खानामेई ख्‍योकोनला सुई मेलेबा खितेरो?

१ पत्रुस 3:13 Iomraidhean Croise

रोमी 13:3

लुङबे नियम ङेन्‍ला लेमु काम खित्‍कान्‍ते मिओनगीचेन सजाय ङेत्‍कीता सिन छ्याःङ ज्‍यीबा खिता माफाबो। मेलेबा काम खित्‍कान्‍तेबेकीचेन ज्‍यीबा खिता फाप्‍क्‍यो। थोगी ख्‍योकोनला राज्‍य खित्‍कान्‍तेबाताङ ज्‍यीबा मिक्‍किता खाला देता सेम ओत्‍सीन लुङबे नियम ङेन्‍ला लेमु काम खि। दोक खासीन थेबा सुङगीङ ख्‍योकोनला मेलेबा काम खासुङ सिन मिसिरो।

रोमी 8:28

थेमे दि बादोङ ङुरूङला लेमुराङ खाला छ्या ओत। च्‍यि सासीन परमेश्‍वरला ङिङज्‍ये खित्‍कान्‍ते मिओनलाचेन दुक्‍पा किम्‍मु जेराङ ओङसीनोङ परमेश्‍वरगी लेमुराङ ओङ ज्‍युत्‍क्‍यो। थेबे लाईदु थे खोरोङगी खिओ साबाते काम खिताप सिन परमेश्‍वरगी थेबाला थे खोरोङ दोन्‍दु स्‍योक सिन काताङाते ईन।

१ कोरिन्‍थी 14:1

थोगी ख्‍योकोनगी चुक खाला ज्‍येनला ङिङज्‍ये खिता थुप्‍कीका सिरच्‍ये छ्य्‌वापा विचार खि। थेमे परमेश्‍वर आत्‍मेकी तेरच्‍येते खुदुक खुदुकते सीपताङ शक्ति चुक खाला ङेदोङा सिरच्‍ये छ्य्‌वापा सेम लै खि। थोक्‍ते सीपताङ शक्ति नाङदुङ परमेश्‍वरगी सिर च्‍युताते बात खित्‍च्‍येते शक्ति ङेतालाचेन ख्‍योकोनगी आउदी सेम खि।

एफिसी 5:1

थोगी परमेश्‍वरला ताला ख्‍योकोनगीङ थेकी च्‍योकराङ खि। थे खोरोङ फुज्‍युङ फुमु ईन सिन थेकी ङिङज्‍ये खाबाते मि ईन्‍देकी ख्‍योकोनगी होदोक खि।

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

१ तिमोथी 5:10

दोस्‍यिककामा मेन, थेबाचेन लेमु कामगी लाईदु मिन चले खाबाते मि ओङा फाप्‍क्‍यो। थोक साबाते च्‍यि सासीन फुज्‍युङ फुमुला लेमु खाईन हुर्के खाबाते, खाम्‍बादु वाबाते मिला लेमु खित्‍कान्‍ते, परमेश्‍वर सन्‍तानओन खाम्‍बादु ओङजीन काम्‍बा टुला तेरकान्‍ते, दुक्‍पा ओताते मिओनला ताकान्‍ते थेमे ज्‍येनोङ होदोक्‍ते लेमुते काम खित्‍च्‍ये छ्य्‌वापा स्‍येत खिन देताते फेम्‍मे मि ओङा फाप्‍क्‍यो।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

३ यूहन्‍ना 1:11

ङिङज्‍येते र्‍वा खुईचेन ज्‍येनगी मेलेबा बानी मालोप, लेमुते बानीकामा लोप। लेमुते कामताङ बात खित्‍कान्‍ते मिचेन परमेश्‍वरताङ डिक्‍कान्‍ते ईन। मेलेबा काम खित्‍कान्‍ते मिकीनी परमेश्‍वरला थोङाराङ मेत।