१ पत्रुस 3:11 - जिरेल

¹¹ मेलेबा काम खिता ताङला लेमु काम खिता फाप्‍क्‍यो। थेमे चुक खाला गाङेताङ डिक्‍ला थुन्‍ला देता थुप्‍कीका थे छ्य्‌वापाराङ स्‍येत खिता फाप्‍क्‍यो।

१ पत्रुस 3:11 Iomraidhean Croise

मत्ती 5:45

थोक खासीन ख्‍योकोनला स्‍वर्गने देत्‍कान्‍ते ख्‍योकोन आबा परमेश्‍वर फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी लेमु काम खित्‍कान्‍ते ईन्‍सीनोङ मेलेबा काम खित्‍कान्‍ते ईन्‍सीनोङ, थेकी साबा साबाच्‍योक खित्‍कान्‍ते ईन्‍सीनोङ थोक मिक्‍किकान्‍ते ईन्‍सीनोङ मि गाङे लाईदु ङीमा स्‍यार च्‍युत्‍ला थेमे छ्यार्बा देक च्‍युत्‍ला गाङेला ङिङज्‍ये खिओ।

मत्ती 5:9

ज्‍येनला डिक्‍पा खाला तेरकान्‍ते मिओन भाग्‍यमानी ईन। च्‍यिला सासीन परमेश्‍वरगी थेबाला थे खोरोङ फुज्‍युङ फुमु ईन सिओ।

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

मर्कूस 14:7

दुक्‍पा ङेताते मिओननी सधैँ ओत्‍कीन ओत। थेमे ख्‍योकोनगी थेबाला तेरा चालाते जहिलेङ तेरा थुप्‍क्‍यो। ङानी था काल्‍बासाक ख्‍योकोनताङ देत्‍च्‍येते मेन।

लूका 1:79

थेकी वाला परमेश्‍वरताङ ठाल्‍गीन थे लाईदु स्‍याप छेतराङ गाला ओताते मिओनला दि पापताङ लोभकी खाङाते मुन्‍दाकते ठाउँदुकी डेल्‍ग्‍यो। दोक खाला थेकी ङुरूङला छ्याःङ ज्‍यीबा मिक्‍किता खाला जुनीकाल्‍बा क्‍योङ ज्‍युत्‍क्‍यो,” सिन सिदुक।

लूका 6:35

ख्‍योकोनगीचेन खेराङ शत्रुओनलाङ ङिङज्‍ये खि, थेबाला लेमु खि। सुइँदाला खइँदा किन्‍जीन किम्‍बाराङ लिन्‍दाप सिन मातेर। ङे खि साबा च्‍योकराङ खासीन गाङे भन्‍दा छ्येते परमेश्‍वरगी ख्‍योकोनला तिरी छ्येज्‍यीक मान तेरग्‍यो। थेमे ख्‍योकोनला थे फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी बैगुनीताङ मेलेबा काम खित्‍कान्‍ते मिओनलाङ ङिङज्‍ये खिओ।

लूका 6:9

थेमे येशूकी थे खोरोङ गल्‍ती तेन्‍दाप सिन देताते मिओनला “लो ङा ख्‍योकोनला बातज्‍यीक ठामीन, सन्‍चारी छोमु लेमु काम खिता डिगीताना मेलेबा काम खिता डिगीते? मिला सोन ज्‍युता लेमु ईन्‍दाना स्‍यिर ज्‍युता लेमु ईन्‍दे? परमेश्‍वर नियमताङ डिक्‍च्‍येते काम खाङ ईन्‍दे?” सिन

यूहन्‍ना 17:15

ङे दिबाबरीला दुरूकी तेन्‍ला खेरा फाप्‍क्‍यो सिन साबाते मेन। बरू मिला मेलेबा खित्‍कान्‍ते शैतान लाःक्‍तुकी दिबाला जोए खाला स्‍योक सिन ङा बिन्‍ती खिओ।

रोमी 12:18

ज्‍येनगी जस्‍तो खासीनोङ थुपासम्‍म ख्‍योकोनचेन थेबाताङ डिक्‍ला थुन्‍लाराङ देत।

रोमी 14:17

दि बातओन ङे च्‍यिला खाबाते ईन्‍दे सासीन परमेश्‍वर राज्‍यदु स्‍यूबाते मिओन नाङ दि सा थुङा ओङगो, थे सा थुङा मेङगो सिरच्‍येते बात छ्याःङ छ्येते बात मेन। छ्येते बातचेन परमेश्‍वर आत्‍मे छ्य्‌वापेई परमेश्‍वरगी खि साबा साबाच्‍योक खित्‍च्‍येते, दाक्‍पोन नाङ डिक्‍ला थुन्‍ला देत्‍च्‍येते थेमे गा खिन देत्‍च्‍येतेराङ ईन।

रोमी 14:19

बात दोक ईन्‍देकी ङुरूङगी दाक्‍पोन नाङ मिडिक्‍च्‍येते होदोक्‍ते बात खिता ताङला डिक्‍ला थुन्‍ला देता फाप्‍क्‍यो। थेमे चुक खासीन दाक्‍पोन नाङ लेमु ओङगीका थोकराङ खित्‍च्‍ये छ्य्‌वापाकामा गाङेकी स्‍येत खिता फाप्‍क्‍यो।

रोमी 5:1

थोक खाईन थे खोरोङला विश्‍वास खित्‍कान ङुरूङला परमेश्‍वरगी दोषी मेन साबा ओतेकी ङुरूङ थेत्ताङ डिक्‍पा ओत। ङुरूङ प्रभु येशू ख्रीष्‍टकी ङुरूङला थेत्ताङ डिक्‍पा खाईन बिन्‍दाते ईन।

रोमी 7:19

लेमु खिता चाल्‍सीनोङ थोक मिक्‍किता खाला ङा ङाराङगी मिक्‍किओ साबाते कामराङ खिन देत्‍क्‍यो।

रोमी 7:21

थोगी ङे जति लेमु खिता चाल्‍सीनोङ थोक खिता माथुप्‍ला खालि ङे दोक माक्‍याबाला मेङच्‍येते च्‍योकराङ खाला मेलेबाते कामकामा खिता फाप्‍कीदुक।

रोमी 8:6

दाक्‍पोन खुशीला ख्‍याम्‍कान्‍ते मिचेन थोक खाबेकी खित्‍सादु सजाय ङेत्‍ला स्‍यिइओ। परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो। थेमे सेमला ढुक्‍क लोङगो।

गलाती 5:22

परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिलाचेन थेकी फलफूल गोन ज्‍युताच्‍योक खाला लेमु कामताङ बात खित ज्‍युत्‍क्‍यो। थोगी थोक्‍ते मिकीचेन ज्‍येनला ङिङज्‍ये खिओ, थे गा खिन देत्‍क्‍यो थेमे सेमदु ढुक्‍क खाला देत्‍क्‍यो। थोक्‍ते मि होत्ताराङ स्‍येदाङ मिक्‍किओ, थेकी ज्‍येनला दया खिओ थेमे लेमु खिओ, थेकी खिओ साबा च्‍योकराङ खिओ,

गलाती 6:10

बात दोक ईन्‍देकी ज्‍येनला लेमु खित्‍च्‍येते मौका ओत्‍केलाराङ ङुरूङगी मि गाङेला लेमु खिता फाप्‍क्‍यो। थोरूम काल्‍बा च्‍योक्‍तेचेन ङुरूङगी येशू ख्रीष्‍टला विश्‍वास खाईन खाम्‍बाज्‍यीक मि च्‍योकराङ ओङा ओताते मिओन नाङ दोक खिता फाप्‍क्‍यो।

कलस्‍सी 3:15

ख्रीष्‍टकी ख्‍योकोनला सेम ढुक्‍क खाला देत ज्‍युत्‍च्‍येते ईन्‍देकी ख्‍योकोन सेमज्‍यीकराङ खाला डिक्‍ला थुन्‍ला देत। ख्‍योकोन जीउज्‍यीकराङ ओङाते गाङेराङ डिक्‍ला थुन्‍ला देत्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। परमेश्‍वरगी खाबाते गाङे कामगी लाईदु ख्‍योकोनगी थेला धन्‍यवाद बिन।

१ तिमोथी 6:18

थेबाला सम्‍पत्ति सोक्‍पा साटोला ज्‍येनलाङ ता फाप्‍क्‍यो सिन खोपरोङ सम्‍पत्ति ज्‍येनताङ गोला सो सि। दोक खिन लेमुते कामकामा खि सि।

हिब्रू 12:14

थुपासम्‍म ख्‍योकोन ज्‍येन गाङेताङ डिक्‍ला थुन्‍ला देत। सेम खुदुक गालाते मिओनगी खिता फापा च्‍योकराङ परमेश्‍वरला मन परे खित्‍च्‍येते कामताङ बातकामा खि। दोक मिक्‍किकान्‍ते सुङगीङ प्रभु परमेश्‍वरला थोङा मेङेदो।

हिब्रू 13:16

थेमे दोक्‍पोईकी ज्‍येनज्‍यीकला लेमु खित्‍च्‍येतेताङ ज्‍येनताङ गोला साच्‍येते खिन देत। थेला मन परे खित्‍च्‍येते भोग बिन्‍दा च्‍योक्‍तेचेन होदोक दोक खित्‍च्‍येते ईन।

याकूब 4:17

सुइँदेकी दाक्‍पोनगी चुक खिता फाप्‍कीते, च्‍यि खिता फाप्‍कीते सिन छ्या स्‍येकीन स्‍येकीनोङ थोक माक्‍यासीन थेकी पाप खाबाते ईन।

१ पत्रुस 3:12

च्‍यिला सासीन थे खोरोङगी खि साबा च्‍योककामा खित्‍कान्‍ते मिला प्रभु परमेश्‍वरगी लेमु खाला तेइओ, थेकी थेबेकी खाबाते प्रार्थनाङ ङेन्‍ग्‍यो। मेलेबा खित्‍कान्‍ते मिओनलाचेन थेकी थोङाराङ सै मिक्‍किओ, थेकी थेबेते छ्याःङ वास्‍ता मिक्‍किओ,” सिन साबा ओत।

३ यूहन्‍ना 1:11

ङिङज्‍येते र्‍वा खुईचेन ज्‍येनगी मेलेबा बानी मालोप, लेमुते बानीकामा लोप। लेमुते कामताङ बात खित्‍कान्‍ते मिचेन परमेश्‍वरताङ डिक्‍कान्‍ते ईन। मेलेबा काम खित्‍कान्‍ते मिकीनी परमेश्‍वरला थोङाराङ मेत।