१ पत्रुस 3:1 - जिरेल

¹ थोकराङ खाला फेम्‍मे मिवे, ख्‍योकोनगी दाक्‍पोन ख्‍योबो अधीनला देत्‍ला थेबाला मान खि। थेबा कोईकी परमेश्‍वर बात ङेन्‍दा मेत्‍सीनोङ ख्‍योकोन चालचलनताङ बानी लेमु थोङनामेई थेबाला थे बात ङेन सिन सिराराङ माफापा खाला थेबेकीङ प्रभु येशूला विश्‍वास खिता थुप्‍क्‍यो।

१ पत्रुस 3:1 Iomraidhean Croise

मत्ती 18:15

थेमे खेराङ आज्‍यो न्‍वाकी खेराङला खइँदा मेलेबा खासीन ख्‍योकोनगी दोक खि। च्‍यि सासीन जसकी खेराङला मेलेबा खिदुक गोमा खेराङ दोक्‍पोईकामा थे ओत्‍सादु गाल्‍ला थेकी थोक खाबाते लेमु मेन सिन थेला सम्‍झे खाला बिन। खेराङ ङिकामा ओत्‍जीन थेकी ‘ङे गल्‍ती खाबाप, स्‍येदाङ माकेत,’ सिन सासीन ख्‍योकोन याङराङ आज्‍यो न्‍वा च्‍योकराङ ओङला डिक्‍ला देता थुप्‍क्‍यो।

रोमी 10:16

थोक खाईन इस्राएलीओनगी थे बात थोबा ओता ईन्‍सीनोङ थोकान्‍तेबा गाङेकी थे गा लाङच्‍येते बातला नामज्‍योकराङ मासेत्‍सुङ। थेबेकी थोक खासुङ सिन यशैयेकी “ए प्रभु परमेश्‍वर, ङ्योकोनगी साबाते बात गाङेकी थोसीनोङ सुई नामज्‍योक सेत्‍सुङारो?” साबाते बातताङराङ डिइओ।

रोमी 6:17

गोमा ख्‍योकोन पापकी योक्‍पो च्‍योकराङ ओता ईन्‍सीनोङ थाचेन ख्‍योकोनगी खेराङला लापाते परमेश्‍वर बात सत्‍यते दुका सिन लेमु खाईन ङेन्‍गीन थेरू खि साबा च्‍योकराङ खिताला स्‍यूसुङ। ख्‍योकोन दोक खुदुक गालाते बातकी लाईदु परमेश्‍वरला धन्‍यवाद तेरगी।

रोमी 7:2

फाङमे बातराङ विचार खि। परमेश्‍वर नियमला फाङमे बात चुक ओते सासीन फाङमा खाबाते फेम्‍मे मि ख्‍योबो मास्‍यिथुप ज्‍येनताङ ड्वा मेङगो। ख्‍योबोते स्‍यिसीनकामा थे ज्‍येनताङ गाल्‍सीन ओङगो सिन साबा ओत।

१ कोरिन्‍थी 11:3

था ङा ख्‍योकोनला बातज्‍यीक बात ङि सिरामीन। च्‍यि सासीन ख्‍योओ मि भन्‍दा ख्रीष्‍ट छ्ये ईन। थेमे फेम्‍मे मि भन्‍दा ख्‍योओ मि छ्ये ईन। थोकराङ खाला ख्रीष्‍ट भन्‍दा परमेश्‍वर छ्ये ईन।

१ कोरिन्‍थी 14:34

येशू ख्रीष्‍ट मिओन ख्‍योकोन जम्‍मा ओङा ओते बेलाला फेम्‍मे मि सुङगीङ बात खिता मेङगो। परमेश्‍वर नियमला साबा च्‍योकराङ खाला थेबाचेन खोपरोङ ख्‍योबो अधीनला देत्‍ला खाराक्‍पाराङ देता फाप्‍क्‍यो।

१ कोरिन्‍थी 7:16

ख्‍योकोन येशूला विश्‍वास खित्‍कान्‍ते फेम्‍मे मिकी दाक्‍पोन ख्‍योबो खेराङताङ माठाल्‍सीन थेकीङ येशूला विश्‍वास खाला पापकी सजायदुकी थारग्‍यो सिन चुक खाला सिरा थुप्‍कीते? थोकराङ खाला ख्‍योओ मिकीङ ङात्ताङ ङ्योम्‍बु देत्‍सीन ङे फेम्‍मेकीङ ङीमाई येशूला विश्‍वास खाला पापकी सजायदुकी थारग्‍यो सिन चुक खाला सिरा थुप्‍कीतेरो?

एफिसी 5:33

परमेश्‍वर बातला साबाते थे बात ख्‍यावा फेम्‍मे विषयलाङ साबाते ईन। थोगी ख्‍योकोन गाङेकी दाक्‍पोन ज्‍यानला माया खाबा च्‍योकराङ खाला फेम्‍मेला ङिङज्‍ये खि। थेमे फेम्‍मे मिओनगीङ दाक्‍पोन ख्‍योबोला मान खि।

कलस्‍सी 3:18

थेमे फेम्‍मे मिवे, दाक्‍पोन ख्‍योबो अधीनला देत। ख्‍योकोन प्रभु येशूताङ जीउज्‍यीकराङ ओङा ओताते मिकी दोक खिता लेमु ईन।

कलस्‍सी 4:5

येशू ख्रीष्‍ट मि मेन्‍दाते मिओनताङ चुक खाला बात खिता फाप्‍कीते, थेबे दोन्‍दु च्‍यि काम खिता लेमु ईन्‍दे सिन लेमु खाला विचार खाला खि। दोक्‍ते काम खिता ङेत्‍च्‍येते समय था काल्‍बा मेत सिन छ्या स्‍येला टोले मिक्‍किता खाला दोक खिन देत।

२ थिस्‍सलोनिकी 1:8

परमेश्‍वरला माने मिक्‍किकान्‍ते थेमे ङुरूङ प्रभु येशूते गा लाङच्‍येते बात मेङेन्‍कान्‍ते मिओनला थेबेकी ङेता फाप्‍च्‍येते सजाय तेरग्‍यो।

हिब्रू 11:8

अब्राहामोङ परमेश्‍वरगी थे खोरोङला ज्‍येनज्‍यीक लुङबा तेरग्‍यो, थेपा ग्‍युक सिन सानामेई थेला विश्‍वास खाईन थे खोरोङ लुङबा ताङगीन ख्‍याम्‍सुङ। थोक खाला ख्‍याम्‍जीन ङा दि ठाउँदुराङ डुइन ओत सिन थेला छ्याःङ छ्या मेतान।

हिब्रू 5:9

दोक खाईन परमेश्‍वरगी खि साबाते जति पूरो खाबा ओतेकी थे खोरोङ बात ङेन्‍कान्‍तेबाला थेकी पूरो खाला पापदुकी टाल्‍ला सधैँ स्‍वर्गने देत ज्‍युत्‍क्‍यो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 3:2

ख्‍योकोन लेमु बानी बिवारा ओताते थेमे थेबाला मान खाबाते थोङनामेई थेबेकीङ प्रभु येशूला विश्‍वास खिओ।

१ पत्रुस 3:7

थेमे ख्‍योओ मिवे, फेम्‍मे मि खेराङ छेत ङार्मा मेङगो सिरच्‍येते बात टोक मेज्‍येता खाला ख्‍योकोनगी दाक्‍पोन फेम्‍मेला लेमु खि। परमेश्‍वरगी थेबालाङ ख्‍योकोनला च्‍योकराङ खाला दया खाला नोमुङ मिसिन्‍च्‍येते जुनी तेरग्‍यो सिरच्‍येते बादोङ टोक माज्‍येत। ख्‍योकोन खेराङ खेराङगी चुक खिता फाप्‍च्‍या ईन्‍दाका थोकराङ खासीन परमेश्‍वरगी ख्‍योकोनगी खाबाते प्रार्थना ङेन्‍ग्‍यो।

१ पत्रुस 4:17

थेमे था परमेश्‍वरगी मि गाङे न्‍याय खित्‍च्‍येते बेला लेपा खासुङ। था थेकी गोमा ङुरूङ न्‍याय खिओ। दोक खाला थे खोरोङ मिओनतेनी थेकी न्‍याय खिओ सासीन झन थे खोरोङ गा लाङच्‍येते बात मेङेन्‍कान्‍ते मिओनला चुकका खाओङा।