१ पत्रुस 2:7 - जिरेल

⁷ थोगी थे दो साबाते येशू ख्रीष्‍टला विश्‍वास खित्‍कान्‍तेबा ख्‍योकोन लाईदु थे आउदी काम लै खित्‍च्‍येते दो ईन। ईन्‍सीनोङ थेला विश्‍वास मिक्‍किकान्‍तेबे लाईदु थे चुक्‍ते ईन्‍दे सिन परमेश्‍वर बातला “जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ,” सिन टिला दुक।

१ पत्रुस 2:7 Iomraidhean Croise

मत्ती 21:42

थेबेकी थोक सानामेई येशूकी “च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ। प्रभु परमेश्‍वरगीराङ थे दोला दोक जोबाते ईन। थेकी थोक अचम्‍ब काम खाबाते ङ्योकोनगी थोङा ओत,’ सिन टिबा ओत।

लूका 2:32

दि वाबेकी खित्‍सादु था ज्‍येन ज्‍येन जातकी मिकी परमेश्‍वर खुई दया खाला पापताङ दुक्‍पादुकी डेल्‍ग्‍यो सिन छ्या स्‍येक्‍यो। थेमे खुई छाने खाबाते इस्राएली ङ्योकोनगी मान ङेत्‍क्‍यो,” सिन बात खासुङ।

लूका 2:34

थेमे थेकी आबातेताङ आमातेलाङ आशी बिन्‍गीन च्‍याकीन थे फिजे आमा मरियमला “परमेश्‍वरगी खटे खाबाते दि फिजाला ङुरूङ इस्राएली नाङ कोईकी दिला परमेश्‍वरगी ताङाते ईनराङ मेन सिन विरोध खिओ। थोक खित्‍कान्‍तेबाला परमेश्‍वरगी सजाय तेरग्‍यो। कोईकीचेन दिला परमेश्‍वरगी ताङाते ईन सिन पत्ते खिओ। थोक खित्‍कानलाचेन परमेश्‍वरगी आशी बिन्‍ला लेमु खिओ।

लूका 20:17

थेबेकी थोक सिरजीन येशूकी “थोक सासीन परमेश्‍वर बातला दोक सिन टिबाते च्‍यि साबाते ईन्‍दे ओना? थेरू चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ,’ सिन साबा ओत।

यूहन्‍ना 4:42

थेमे थेबेकी थे फेम्‍मे मिला “थानी खुई साबाते बात थोबेकी खित्‍सादु मेन, येशूकी साबाते बाततेबा ङेराङगीराङ थोबेकी ङ्योकोन थेला विश्‍वास खिताला स्‍यूबाते ईन। थेमे दि सा लुङबे मिओनला पापदुकी डेल्‍कान्‍तेचेन थेराङ ईन सिन ङ्योकोनगी छ्या स्‍येसुङ,” सिन सासुङ।

शक्ति काम 26:19

थोक खाला स्‍वर्गनेकी वाला ङाला ठेता खित्‍कान्‍ते प्रभु येशूकी खि साबाते बात मेङेन्‍दा खाईन ङानी देताराङ माथुप्‍सुङ सरकार।

रोमी 10:21

इस्राएलीओन चुक्‍ते मि ईन्‍दे सिन बात खित्‍जीनचेन परमेश्‍वरगी साबाते बात यशैयेकी “थेबा ङे साबाते ङेनराङ मेङेन्‍कान्‍ते खालि ङात्ताङ स्‍येदाङकामा खिन देत्‍कान्‍ते मि ईन। थेबा थोक्‍ते मि ईन्‍सीनोङ ङे थेबाला याङ याङ ङा ओत्‍सादु स्‍योक, ङा ख्‍योकोनला लेमु खिओ सिन ङिङज्‍ये खिनराङ देतान,” सिन साबा ओत।

रोमी 15:31

ख्‍योकोनगी चुक सिन प्रार्थना खिसे सासीन ङा यरूशलेमपा डोजीन थेपा यहूदिये अञ्‍चलदु ओताते येशू ख्रीष्‍टला विश्‍वास मिक्‍किकान्‍ते यहूदीओनगी ङाला मेलेबा खिता मुथुप्‍स्‍यीत थेमे ज्‍येन ज्‍येन जातकी मिकी जम्‍मा खाबाते ङे यरूशलेमदु परमेश्‍वर सन्‍तानओनला खेरच्‍येते थे पैसा थेबेकी गा खिन लिन्‍स्‍यीत सिन प्रार्थना खि।

२ कोरिन्‍थी 2:16

ङ्योकोनगी लोप्‍कीन ओताते बात माङेन्‍ला नरककुण्‍डमा स्‍यूक्‍कान्‍ते मिओन लाईदु दि बात मि स्‍यिच्‍येते थुक च्‍योकराङ ईन सासीन दि बात ङेन्‍ला ख्रीष्‍टकी पापदुकी डेल्‍गीन ओताते मिओन लाईदुचेन नोमुङ मिसिन्‍च्‍येते जुनी ङेत्‍च्‍येते बात ईन। दाक्‍पोनगीराङ दोक छ्येते बातकी जिम्‍मा लाला काम खिता थुप्‍कान्‍ते मि सु ओतेरो?

कलस्‍सी 2:10

थेमे ख्रीष्‍टकी खित्‍सादुराङ ख्‍योकोनगी परमेश्‍वरगी तेरच्‍येते साम्‍बाते जुनी ङेत्‍कीन खेराङला गोच्‍येते जति गाङे ङेता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे ख्रीष्‍टकी अधीनला ओत। होदिबा गाङे भन्‍दा छ्येतेचेन थेराङ ईन।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

हिब्रू 11:31

थे सारदुराङ ओताते राहाब रन्‍डीकी परमेश्‍वरगी थे सार इस्राएलीओनला तेरग्‍यो सिन परमेश्‍वरला विश्‍वास खाबा ओतान। थेमे थे लुङबा चुक दुका सिन चिवा खित डोकान्‍ते इस्राएलीओनला थेकी लेमु खाबा ओतान। थोगीराङ परमेश्‍वर बातला नामज्‍योक मेसेत्‍कान्‍ते थे सारगी मि गाङेला सेत्‍जीन इस्राएलीओनगी थेलाचेन मासेत्‍सुङ।

हिब्रू 4:11

ङुरूङ पुर्खेकी परमेश्‍वर बातला नामज्‍योक मासेतेकी परमेश्‍वरगी देत ज्‍युता चालाच्‍योक खाईन ढुक्‍क खाईन देता ङेता मेतान। थोगी थेबाला च्‍योक मेङस्‍यीत सिन ङुरूङगीचेन परमेश्‍वरगी साबा च्‍योकराङ खाला दाक्‍पोनला ढुक्‍क खाला देत ज्‍युत्‍स्‍यीत सिन थे बात ङेन्‍च्‍ये छ्य्‌वापाकामा स्‍येत खिता फाप्‍क्‍यो।

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।

१ पत्रुस 2:4

ख्‍योकोन येशू ख्रीष्‍ट दोन्‍दु ग्‍युक। थेचेन कर्मीओनगी कामराङ लै मिक्‍किओ सिन क्‍युराते तर परमेश्‍वरगी आउदी काम लै खित्‍च्‍येते सिन छाने खाबाते दो ईन। थे सोम्‍बो ओत।

१ पत्रुस 2:8

परमेश्‍वर बातलाराङ “थे दोला मि काल्‍बेई नार्दोक देइओ। ठाःक छेतज्‍यीक ओताते थे दोला मि काल्‍बेई ठोके खाला रिल्‍ग्‍यो,” सिनोङ टिला दुक। परमेश्‍वर बातला नामज्‍योक मेसेत्‍कान्‍ते मिओनराङ थोक खाला रिल्‍ग्‍यो। थोक्‍ते मिओनला होदोक ओङ ज्‍युत्‍क्‍यो सिन परमेश्‍वरगी गोमाका साबा ओतान।