१ पत्रुस 2:6 - जिरेल

⁶ परमेश्‍वर बातला परमेश्‍वरगी “लो दि बात लेमु खाला ङेन। ङा सियोन सारदु ङाराङगी छाने खाबाते दोज्‍यीक ज्‍य्‌वाक्‍यो। थे मेताला छ्याःङ खिता मुथुप्‍च्‍या थे दो आउदी काम लै खित्‍च्‍येते ईन। परमेश्‍वरगी सियोन सारदु ज्‍याक्‍पाते दो साबाते मिकीकामा ङुरूङला लेमु खिता थुप्‍क्‍यो सिन थेला विश्‍वास खित्‍कान्‍ते मिओनला थेकी नोमुङ ङोचा मोलोङो,” सिन साबा ओत।

१ पत्रुस 2:6 Iomraidhean Croise

मत्ती 12:18

चुक सासीन “दिला ङे ङाराङ काम खिताला छाने खाबाते ईन। ङा दिला ङिङज्‍ये खिओ थेमे दित्ताङ खुशीङ ओत। ङा दिला ङाराङ आत्‍मा तेरग्‍यो। थेमे दिकीराङ ङे जात जातकी मिला काका पाका मिक्‍किता खाला न्‍याय खिओ सिन लाप्‍ला तेरग्‍यो।

मर्कूस 12:10

च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ।

लूका 20:17

थेबेकी थोक सिरजीन येशूकी “थोक सासीन परमेश्‍वर बातला दोक सिन टिबाते च्‍यि साबाते ईन्‍दे ओना? थेरू चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ,’ सिन साबा ओत।

लूका 23:35

थेरू ताप्‍ला वाबाते मिओनचेन थोक थोक ओङाते गाङे तेइनराङ ओतान। यहूदीओन छ्ये छ्ये मिकीचेन खोल्‍ला ठोकस्‍यिङ सिराच्‍योक खिन “दिला तोना, दिकी ज्‍येन ज्‍येनलानी सोन्‍दा खासुङ। लो था दि परमेश्‍वरगी छाने खाईन तोङगो साबाते ख्रीष्‍टराङ दुका सासीन थे खोरोङला चुक खाला सोन ज्‍युत्‍च्‍या ईन्‍दाका, तेइना ओना,” सिन सासुङ।

यूहन्‍ना 7:38

ङाला विश्‍वास खित्‍कान्‍ते मि सेमगी नाङचेन परमेश्‍वर बातला साबा ओता च्‍योकराङ ‘जुनी ङेत्‍च्‍येते छ्यु दोल्‍गीनराङ देत्‍क्‍यो’,” सिन सिदुक।

शक्ति काम 1:16

“आज्‍यो न्‍वावे, येशूला पक्रे खित ओङकान्‍ते मिओनला थे खाङ ईन्‍दे सिन तेन्‍ला तेरकान्‍ते यहूदाला चुक ओङगीते सिन परमेश्‍वर आत्‍मेकी गेल्‍बो दाऊदला थाङबोका सिर च्‍युता ओतान। परमेश्‍वर बातला साबाते थे बात साबा च्‍योकराङ ओङा फाप्‍सुङ।

रोमी 10:11

थोगीराङ परमेश्‍वर बातला “थेला विश्‍वास खित्‍कान्‍ते मिओनला थेकी नोमुङ ङोचा मोलोङो,” सिन साबा ओत।

एफिसी 1:4

च्‍यि सासीन थे खोरोङ दोन्‍दु सेम खुदुक गालाते थेमे छ्याःङ गल्‍ती मेताते मि ओङस्‍यीत सिन ख्रीष्‍टकी खित्‍सादु थेकी ङुरूङला दि सा नाम ज्‍वा भन्‍दा गोमाराङ छाने खाबा ओतान। ङुरूङला ङिङज्‍ये खाईन

एफिसी 2:20

येशू ख्रीष्‍टकी खटे खाबाते मिओनताङ परमेश्‍वर बात खित्‍कान्‍ते मिओनगी तिङाते जगी लाक गारो चिबाच्‍योक खाईन ख्‍योकोनला ज्‍याक्‍पा ओत। थे जगीते आउदी काम लै खित्‍च्‍येते थे मेताला छ्याःङ खिता मुथुप्‍च्‍येते दोचेन येशू ख्रीष्‍टराङ ईन।

२ तिमोथी 3:16

परमेश्‍वर बातला टिबाते बात मिओनगी खोपरोङ बुद्धिकी टिबाते मेन्‍देकी गाङे परमेश्‍वरगी मिओनला थे खोरोङ आत्‍मे छ्य्‌वापेकी टिक च्‍युताते ईन। थेमे परमेश्‍वर बात चुकला काम लै खिते सासीन सत्‍यते बात च्‍यि ईन्‍दे सिन लोपाला, दाक्‍पोनगी चुक खाबाते गल्‍ती खाबाते ईन्‍दाका सिन छ्या स्‍येला च्‍याला चुक खिता फाप्‍च्‍या ईन्‍दाका सिन लोपाला थेमे परमेश्‍वरगी खि साबा साबा च्‍योकराङ खित्‍च्‍येते लोपाला काम लै खिओ।

१ पत्रुस 2:4

ख्‍योकोन येशू ख्रीष्‍ट दोन्‍दु ग्‍युक। थेचेन कर्मीओनगी कामराङ लै मिक्‍किओ सिन क्‍युराते तर परमेश्‍वरगी आउदी काम लै खित्‍च्‍येते सिन छाने खाबाते दो ईन। थे सोम्‍बो ओत।

१ पत्रुस 2:8

परमेश्‍वर बातलाराङ “थे दोला मि काल्‍बेई नार्दोक देइओ। ठाःक छेतज्‍यीक ओताते थे दोला मि काल्‍बेई ठोके खाला रिल्‍ग्‍यो,” सिनोङ टिला दुक। परमेश्‍वर बातला नामज्‍योक मेसेत्‍कान्‍ते मिओनराङ थोक खाला रिल्‍ग्‍यो। थोक्‍ते मिओनला होदोक ओङ ज्‍युत्‍क्‍यो सिन परमेश्‍वरगी गोमाका साबा ओतान।

२ पत्रुस 1:20

ज्‍येनतोक भन्‍दाङ दि बातचेन ख्‍योकोनगी लेमु खाला छ्या स्‍येबा फाप्‍क्‍यो। च्‍यि सासीन परमेश्‍वर बातला टिबा ओताते परमेश्‍वरगी सिर च्‍युताते बाततेबा दोक्‍पोईओङ परमेश्‍वर बात खित्‍कान्‍ते मिओन खोपरोङगी जोकीन साबाते बात मेन।

२ पत्रुस 3:16

प्रभु येशू ग्‍युरला ओङच्‍येते बात थेकी थे खोरोङ चिट्ठी गाङेला टिबा ओत। ईन्‍दानी थेकी टिबाते कोई कोई बातकी अर्थ खोबाला आउदी दुक्‍पाङ ओत। थोगीराङ परमेश्‍वर बात लेमु खाईन छ्या स्‍येबा मेताते सेम ङि ओताते मिओनगी थे चिट्ठी बाततेबा खोपरोङ अर्थ लै खाला लोप्‍कीदुक। थेबेकीचेन परमेश्‍वर बातला साबाते ज्‍येन बादोङ होदोकराङ खाला लोप्‍क्‍यो। दोक खाबेकी थेबे गोःनामा परमेश्‍वर सजाय फाप्‍क्‍यो।