१ पत्रुस 2:24 - जिरेल

²⁴ ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।

१ पत्रुस 2:24 Iomraidhean Croise

मत्ती 27:26

थोगी पिलातसकी बारब्‍बाला जेलदुई ताङसुङ। थेमे येशूलाचेन कोर्रा लै खाला च्‍याला स्‍यिङगी थामला टाँए खाला सेत सिन मिल्‍टेरीओनला बिन्‍गीन ताङसुङ।

मत्ती 5:20

बात दोक ईन्‍देकी ङा च्‍यि सिते सासीन धर्मे गुरूओनताङ फरिसी पाटी मिकी खिताच्‍योक खाला मेन्‍देकी लेमु खाईन परमेश्‍वर नियम ङेन्‍सीनकामा ख्‍योकोन स्‍वर्गे राज्‍यने स्‍यूक्‍पा ङेत्‍क्‍यो।

मत्ती 8:17

थेकी थोक खाबेकी थाङबो परमेश्‍वर बात खित्‍कान्‍ते यशैयेकी “थेकी ङुरूङला रोगताङ नाचादुकी ठाक्‍पा खाईन बिन्‍सुङ,” सिन साबाते बात साबा च्‍योकराङ ओङसुङ।

मर्कूस 15:15

थे खोरोङगी जे खित्‍जीनोङ छ्याःङ सीप लै मिक्‍किच्‍या थोङगीन पिलातसकी मिओनला खुशी ज्‍वाप्‍ला बारब्‍बाला जेलदुई ताङसुङ। थेमे येशूलाचेन कोर्रा लै खाला च्‍याला स्‍यिङगी थामला टाँए खाला सेत सिन मिल्‍टेरीओनला बिन्‍गीन ताङसुङ।

लूका 4:18

थेरू चुक सिन टिबा ओताने सासीन “प्रभु परमेश्‍वरगी ङाला थे खोरोङ आत्‍मा बिन्‍दा ओत। थेकी ङाला छ्याःङ मेताते मिओनला गा लाङच्‍येते बात लोपाला खटे खाबाते ईन। दोस्‍यिककामा मेन, थेकी ङाला जेलदु देता ओत्‍कानला था थेरूकी थेन्‍दा ङेत्‍क्‍यो सिन सि, अन्‍धओनला थोङा थुप्‍च्‍या जो, ज्‍येनगी अन्‍याय खाईन दुक्‍पा ङेताते मिओनला दुक्‍पादुकी ठोल

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

यूहन्‍ना 19:1

थेमे पिलातसकी येशूला थेरूई खेरगीन कोर्रा लै खित च्‍युत्‍सुङ।

शक्ति काम 10:35

थेमे जातला छ्ये टेक्‍टे जे ईन्‍सीनोङ थेला माने खित्‍कानताङ थेकी खि साबा साबाच्‍योक खित्‍कान गाङेला परमेश्‍वरगी मन परे खिओ सिन ङे लेमु खाईन छ्या स्‍येसुङ।

शक्ति काम 10:39

थेकी यरूशलेमदु थेमे यहूदीओन देताते लुङबा गाङेपा थोक खाईन खाबाते कामओन गोमा थेत्ताङ ख्‍याम्‍कान्‍ते ङ्योकोन ङेराङ मिगीराङ थोङाते ईन। यहूदीओनगी तिरी थेला लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन सेता ओतान।

शक्ति काम 13:29

थोक खाईन परमेश्‍वर बातला थोक थोक ओङगो सिन गोमाका टिबाते बात गाङे साबा च्‍योकराङ ओङ च्‍युत्‍नामेई थेबेकी थेला टाँए खाईन सेताते स्‍यिङगी थामदुकी थेन्‍गीन खेरगीन दिसुङ।

शक्ति काम 5:30

ख्‍योकोनगी येशूला स्‍यिङगी थामला टाँए खाईन सेत च्‍युता ओतान। ईन्‍सीनोङ ङुरूङ ज्‍युज्‍यु पुर्खेकी माने खाबाते परमेश्‍वरगी थेला स्‍यिसादुकी सोम्‍बो लोक्‍पा ओत।

रोमी 6:11

होदि बातओन सम्‍झे खाला था ख्‍योकोनगी पापकी लाईदु खेराङ स्‍याप छेतराङ ईन्‍देकी गोमाबा च्‍योक पाप खिन देता माफाबो। बरू येशू ख्रीष्‍टताङ जीउज्‍यीकराङ ओङगीन था ख्‍योकोन परमेश्‍वरगी खि साबा साबा च्‍योकराङ खिता थुप्‍क्‍यो सिरच्‍येते बात छ्या स्‍येबा खि।

रोमी 6:13

च्‍यि सासीन गोमाबा ख्‍योकोनगी खेराङ लाक्‍पाताङ खेकी खित्‍सादु, मिगी तासादु, खेराङ सेमगी खित्‍सादु मेलेबाते कामताङ बात खिन ओतान। थोक खाला ख्‍योकोनगी परमेश्‍वरगी साबाते मेङेन्‍गीन ओतान। था थोक खिता थोङ। बरू खेराङ स्‍यिसादुकी सोम्‍बो लोगीन साम्‍बाते जुनी ङेताते मिओन ईन्‍देकी परमेश्‍वरगी खि साबाते ङेन्‍ग्‍यो सिन खेराङ जुनी थे लाःक्‍तुराङ सोम्‍पे खि। थोक खासीन खेराङ लाक्‍पाताङ खेकी खित्‍सादु, मिगी तासादु पाप खिता माफाबो। परमेश्‍वरगी खि साबा च्‍योकराङ लेमु काम खिता थुप्‍क्‍यो।

रोमी 6:16

दाक्‍पोन खुशीकीराङ ज्‍येन मि काम खित गाल्‍नामेई थे मिकी मालिकतेकी कोताते मिक्‍किओ सिरा मेङेदो। जे खि सासीनोङ थेकी ङेन्‍दाराङ फाप्‍क्‍यो सिन ख्‍योकोनला छ्याराङ ओत। होदि बात च्‍योकराङ ख्‍योकोनगी पाप खासीन ख्‍योकोन पापकी योक्‍पो च्‍योकराङ ओङला पाप खिन देता फाप्‍क्‍यो। दोक खिन देत्‍नामेई ख्‍योकोन पापकी सजाय ङेत्‍ला स्‍यिइओ। परमेश्‍वरला दाक्‍पोन मालिक सिन थेकी साबाते ङेन्‍सीनचेन थेकी ख्‍योकोनला सजाय मेतेरा खाला दोषी मेन सिओ।

रोमी 6:2

ङुरूङगी पाप खिन देता मेङगो। था पापकी लाईदु ङुरूङ स्‍याप छेतराङ गाल्‍गीन सिन्‍दा ओत। दोक ईन्‍देकी ङुरूङगी चुक खाला थोरूमोङ पाप खिनराङ देता थुप्‍कीते? दोकनी खिताराङ मुथुबो।

रोमी 6:22

तर परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबाते ङेन्‍ला थेला मन परे खित्‍च्‍येते कामताङ बात खिता थुप्‍क्‍यो। दोक खाईन परमेश्‍वरगी खि साबाच्‍योक खिन गाल्‍नामेई ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

रोमी 6:7

च्‍यिला सासीन स्‍याप्‍ते मिकी छ्याःङ पाप खिता मुथुबो। स्‍याप्‍ते मिला दोक खि, थोक माकेत सिन सिराराङ मुथुबो।

रोमी 7:6

तर थाचेन दोक खि, थोक माकेत, दोक माक्‍यासीन सजाय ङेत्‍ला स्‍यिइओ सिरच्‍येते परमेश्‍वर नियम लाईदु ङुरूङ स्‍याप छेतराङ ओङा ओतेकी था ङुरूङ थे नियम अधीनला मेत। परमेश्‍वरला माने खित्‍च्‍या सिन गोमाबा ङुरूङगी थे नियमला खि सिन टिबा च्‍योकराङ खिता चालाप। परमेश्‍वर आत्‍मा ङेता ओतेकी थानी ङुरूङगी परमेश्‍वरला चुक खाला माने खिता फाप्‍कीते होथोकराङ खाला माने खिता थुप्‍क्‍यो।

१ कोरिन्‍थी 15:3

थेजीन ङे ख्‍योकोनला गाङे भन्‍दा छ्येते बात दिराङ ईन सिन ङाराङगी छ्या स्‍येबाते बात लाप्‍कीन बिन्‍दा ओत। च्‍यि सासीन परमेश्‍वर बातला गोमाका साबा च्‍योकराङ खाईन ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान,

२ कोरिन्‍थी 6:17

लोक्‍ला प्रभु परमेश्‍वरगी “थोगी ङाला माने मिक्‍किकान्‍ते मिओनताङ ख्‍योकोन ङ्योम्‍बुराङ रूला मादेत। थेबाताङ ठाल्‍ला थारीला देत। ङाला मन परे मिक्‍किच्‍येते काम छ्याःङ माकेत। दोक खाईन ङे साबा च्‍योकराङ खासीन ङा ख्‍योकोनला ङाराङ दोन्‍दु स्‍योक साला लेमु खिओ।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।

एफिसी 5:9

चुक सासीन नाम्‍दाकला देत्‍कान्‍ते मिकीचेन लेमुते कामताङ बात खिओ, परमेश्‍वरगी खि साबा साबाच्‍योक खिओ थेमे साँचोते बातकामा खिओ।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

कलस्‍सी 2:14

चुक सासीन ङुरूङगी खाबाते पापबरी थेकी गाङे टिकीन ज्‍याक्‍पा ओतान। थोक खाईन टिबाते स्‍यिउला ङुरूङ दोषी ईन, सजाय तेरा फाप्‍क्‍यो सिनोङ टिबा ओतान। थेकी थे स्‍यिउ स्‍यिङगी थामला काँटी ग्‍याप्‍कीन टाँए खाईन ङुरूङ पापी ईन, ङुरूङगी सजाय ङेता फाप्‍क्‍यो सिन थेरू टिबा ओताते बातबरी गाङे मेटे खासुङ।

कलस्‍सी 2:20

ख्‍योकोन ख्रीष्‍टताङ स्‍याप्‍ते मि ईन, मेनरो? थोक ईन्‍सीनोङ ख्‍योकोन च्‍यिला दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति माने खिता फाप्‍क्‍यो सिराच्‍योक खिते? दोक्‍ते रीतिथिति था छ्याःङ माने खिता माफाबो।

कलस्‍सी 3:3

च्‍यिला सासीन खेराङ ख्रीष्‍टताङ स्‍यिइन सिन्‍दाते मि ईन्‍देकी ख्‍योकोन गोमाबा खाबाच्‍योक खित्‍च्‍ये छ्य्‌वापेई ठाल्‍गीन सिन्‍दा ओत। ख्‍योकोनगी ख्रीष्‍टताङ ङेताते साम्‍बाते जुनी चुक्‍ते ईन्‍दे सिन परमेश्‍वरगी थरिङोला ज्‍येनला छ्या स्‍ये च्‍युता मेत। ख्रीष्‍ट परमेश्‍वरताङ स्‍वर्गने ङ्योम्‍बु ओतेकी मिओनगी मोथोङो।

हिब्रू 10:10

दोक खाईन स्‍यिइन येशू ख्रीष्‍टकी परमेश्‍वरगी खिता चालाच्‍योक खाबा ओत। था लोक्‍ला नोमुङ दोक खिता माफाप्‍च्‍या खाईन थेकी थे खोरोङ ज्‍यानराङ बिन्‍गीन स्‍यिइन ङुरूङ सेम खुदुक जोबा ओत।

हिब्रू 10:5

थोक ईन्‍देकीराङ देमा वाकीन ख्रीष्‍टकी परमेश्‍वरताङ बात खिन “मिओनगी भोग बिन्‍दातेताङ चढे खाबाते परमेश्‍वर खोल्‍ला छ्याःङ मोगोओ। खुई ङाला मि जुनी लाकीन दुरू केर च्‍युताते ईन।

हिब्रू 12:13

बत्ते खित्‍जीन गले खाबाते मि दाक्‍पोन मिरिल्‍स्‍यीत सिन सोझोते लामला छ्योङाच्‍योक खाला खेराङ लेपा फाप्‍सासाक लेपा थुप्‍स्‍यीत सिन ख्‍योकोनगीङ थे छ्य्‌वापाकामा स्‍येत खि।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

याकूब 5:16

दोक ईन्‍देकी ख्‍योकोनगी ङे दि पाप खाबाप, थे पाप खाबाप सिन दाक्‍पोन नाङ दोक्‍पोईकी ज्‍येनज्‍यीकला लोःप। थेमे खेराङ ठाक्‍स्‍यीत सिन दोक्‍पोईकी ज्‍येनज्‍यीक लाईदु प्रार्थना खि। परमेश्‍वरगी खि साबाते ङेन्‍कान्‍ते मिकी प्रार्थना खानामेकी छ्ये छ्ये काम ओङा थुप्‍क्‍यो।

१ यूहन्‍ना 2:29

थेकी मेलेबा कामताङ बात सिराते नोमुङ छ्याःङ खाबा मेत सिन ख्‍योकोनला छ्याराङ ओत। थोगी लेमुते कामताङ बात खित्‍कान्‍ते मिचेन गाङे परमेश्‍वर फुज्‍युङ फुमु ओङाते मि ईन सिनोङ ख्‍योकोनला छ्याराङ ओत।

१ यूहन्‍ना 3:7

फिजावे, सुङगीङ ख्‍योकोनला छक्‍के खाला येशू ख्रीष्‍ट छ्य्‌वापेई ठाल मुज्‍युत्‍स्‍यीत। परमेश्‍वरगी खि साबाच्‍योक खित्‍कान्‍ते मिकीचेन येशू ख्रीष्‍टकी खाबा च्‍योकराङ खिओ। येशू ख्रीष्‍टचेन लेमुते कामताङ बातकामा खित्‍कान्‍ते ईन।

छ्या स्‍ये च्‍युताते बात 22:2

थे सारगी मूल लामदुई ख्‍याम्‍गीन ओतान। थे चाङबो फारकेनताङ छुरकेन छेउ ङिकारपा नोमुङ मिसिन्‍च्‍येते जुनी ङेत्‍च्‍येते फलफूल दोङबो ओतान। थे दोङबोला दावाईओङ खाली मेदेता खाला दावे ठाङमा थरी रेरे फलफूल गोन्‍गीनराङ देत्‍च्‍याक्‍वा। थे दोङबो दाम्‍मातेबाचेन लुङबा लुङबे मिला ठाक्‍पा खित्‍च्‍येते मेन दुका।