१ पत्रुस 2:23 - जिरेल

²³ थे खोरोङला मनपरी सिरकानला थेकी छ्याःङ साबा मेतान, दुक्‍पा तेरजीन थोक खित्‍कान्‍तेबाला थेकी ख्‍योकोनला थाहा छ्येदोङ सिन साबा मेतान। बरू थे खोरोङ बात गाङे सुङलाङ काका पाका मिक्‍किता खाला न्‍याय खित्‍कान्‍ते परमेश्‍वरला छ्या ओत सिन थेकी थेलाराङ भर परे खाबा ओतान।

१ पत्रुस 2:23 Iomraidhean Croise

लूका 23:41

दोक ईन्‍सीनोङ ङुरूङला दोक खाबातेनी ठीकराङ ओत। च्‍यिला सासीन दि सजाय ङेत्‍च्‍येते गल्‍ती ङुरूङगी खाबा ओत। तर दिकीनी छ्याःङ गल्‍ती खाबा मेत,” सिन ङारसुङ।

लूका 23:46

थेमे येशूकी कस्‍स्‍ये खाईन “आबा, ङा ङे आत्‍मा खुई लाःक्‍तुराङ सोम्‍पे खिओ,” सिन साकीन ग्‍याङ स्‍यिसुङ।

लूका 23:9

थेमे थेकी येशूला बात काल्‍बेई ठिसुङ। तर येशूकीचेन थेला बातज्‍यीगोङ माक्‍यासुङ।

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

शक्ति काम 4:29

थेमे था प्रभु परमेश्‍वर, ङ्योकोनला मेलेबा खिओ सिन ज्‍यीबा लोङकान्‍ते मिओन बादोङ खोल्‍ला छ्याराङ ओत। थोगी ङ्योकोनला खुई लोप साबाते बात छ्याःङ ज्‍यीबा मिक्‍किता खाला लोप्‍च्‍येते आँट नाङ।

शक्ति काम 7:59

दोक खाईन थेबा गाङेकी सरे पुङलु खाईन थेला दोईकी ग्‍याप्‍सुङ। थेबेकी थोक खित्‍जीन स्‍तिफनसकीचेन “ए प्रभु येशू, ङे आत्‍मा खोरोङ लाःक्‍तु लोङ,” सिन प्रार्थना खासुङ।

शक्ति काम 9:1

थेमे शावलगीचेन प्रभु येशू चेलाओनला थोरूमोङ खेदा खिता ताङा मेतान। थेकी थेबाला झन झन दुक्‍पा बिन्‍ला सेता छोल्‍गीन ओतान।

रोमी 2:5

परमेश्‍वरगी दोक दया खासीनोङ थेकी साबाते मेङेन्‍दा खाईन ख्‍योकोन डेब्रो खाईन देत्‍ला दुक। थेमे मेलेबाते काम खिताङ ताङा मिन्‍दुक। दोक खिन देता ओतेकी था तिरी परमेश्‍वरगी स्‍येदाङगी चूर गाल्‍ला सुङलाङ काका पाका मिक्‍किता खाला न्‍याय खिता छोमु ख्‍योकोनगी झन छ्येज्‍यीक सजाय ङेत्‍क्‍यो।

एफिसी 6:9

थेमे मालिकतेबा ख्‍योकोनगीङ दाक्‍पोन योक्‍पो योङमुला लेमु खि। थेबाला ज्‍यीबा तेन्‍ला तेन्‍ला काम माकोत। ख्‍योकोनतेङ स्‍वर्गने मालिक ओत। थेचेन थेबेतेङ ख्‍योकोनतेङ मालिक ईन। थेमे थेकी सुङलाङ काका पाका मिक्‍किता खाला न्‍याय खिओ सिन ख्‍योकोनगी टोक माज्‍येत।

२ थिस्‍सलोनिकी 1:5

ख्‍योकोनगी थोक खिन ओताते ताला परमेश्‍वरगी सुङलाङ काका पाका मिक्‍किता खाला न्‍याय खिओ सिन छ्या स्‍येक्‍यो। चुक सासीन परमेश्‍वर राज्‍यने देता ङेत्‍क्‍यो सिन ख्‍योकोनगी थरिङोला दुक्‍पा भोगे खिन ओताते ताला ख्‍योकोनगी लेमु खासुङ सिन परमेश्‍वरगी ख्‍योकोनला थे खोरोङ राज्‍यने देत ज्‍युत्‍क्‍यो।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।

हिब्रू 12:3

पापीओनगी थेला चुक खाईन खितासम्‍म विरोध खाईन दुक्‍पा बिन्‍दा ओताने सिरच्‍येते बात ठेम्‍बा खि। थे बात सम्‍झे खासीन दुक्‍पा भोगे खिता फाप्‍जीन ख्‍योकोन सेम मेसेता खाला देता थुप्‍क्‍यो, दि भन्‍दा ल्‍हाक्‍पा दुक्‍पाचेन ङे खपे खिता मुथुबो सिराच्‍योक खाला हरेस सा माफाबो।

१ पत्रुस 3:9

खेराङला मेलेबा खित्‍कानला थोकराङ खाला किम्‍बा माज्‍येल, खेराङला मनपरी सिरकानलाङ थोकराङ माकेत, बरू लेमु ओङस्‍यीत सिन थेबाला आशी बिन। ख्‍योकोनगी होदोक खित्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्‍योकोनगी थोक खासीन थेकी ख्‍योकोनलाङ आशी तेरग्‍यो।

१ पत्रुस 4:19

बात दोक ईन्‍देकी परमेश्‍वरगी साबाच्‍योक लेमु काम खित्‍जीन दुक्‍पा ङेत्‍कीदुक सासीन थोक्‍ते मिकी दि बात गाङे परमेश्‍वरला छ्या ओत सिन खोपरोङला जोकान्‍ते थेमे खिओ साबा च्‍योकराङ खित्‍कान्‍ते परमेश्‍वरला पूरो खाला भर परे खाला लेमु काम खिन देता फाप्‍क्‍यो।

छ्या स्‍ये च्‍युताते बात 19:11

थोक थोक ओङगीन सिन्‍नामेकी ङे स्‍वर्ग गाङे ओङे फेता ओता थोङसुङ। थेरू घोडा कार्मुज्‍यीक ओतान। थेमे थे घोडे लाक जेक्‍कान्‍ते मिनचेन खिओ साबा च्‍योकराङ खित्‍कान्‍तेताङ नोमुङ ढाँर मिक्‍किकान्‍ते ईन। थेकी सुङलाङ काका पाका मिक्‍किता खाला न्‍याय खित्‍च्‍येते थेमे लडाइँ खित्‍च्‍येते खित्‍च्‍याक्‍वा।