१ पत्रुस 2:22 - जिरेल

²² “थेकी नोमुङ छ्याःङ पाप खाबा मेतान, ढाँरोङ खाबा मेतान।”

१ पत्रुस 2:22 Iomraidhean Croise

मत्ती 27:19

थेमे पिलातस अड्डादुराङ देता ओते बेलाला फेम्‍मेतेकी थेला “थे छ्याःङ गल्‍ती मेताते मिला छ्याःङ मेलेबा माकेत। च्‍यिला सासीन थे मिला सजाय बिन्‍सीन आउदी मेलेबा ओङगो सिन ङे दाङ ग्‍वाका मेलेबाज्‍यीक मिलाम थोङसुङ,” सिन लोन ताङसुङ।

मत्ती 27:4

थेमे थेकी थेबाला “छ्याःङ दोष मेताते मिला ङे थाराङ धोका बिन्‍दुक, ङेनी पापका खादुक,” सिन सिरजीन थेबेकीचेन “ङ्योकोनलाका च्‍यि सिते? था खोरोङ जेसुकै खि,” सिन सिदुक।

लूका 23:41

दोक ईन्‍सीनोङ ङुरूङला दोक खाबातेनी ठीकराङ ओत। च्‍यिला सासीन दि सजाय ङेत्‍च्‍येते गल्‍ती ङुरूङगी खाबा ओत। तर दिकीनी छ्याःङ गल्‍ती खाबा मेत,” सिन ङारसुङ।

लूका 23:47

थे स्‍यिजीन थेरू चुक चुक ओङसुङा सिन थे मिल्‍टेरी क्‍याप्‍टेनगीङ थोङसुङ। थेमे थेकी “दि मि साँच्‍चीराङ मेलेबा मि मेन्‍दाक्‍वा,” सिन परमेश्‍वरला छ्ये जोसुङ।

यूहन्‍ना 1:47

नथानेलला थे खोरोङ ओत्‍सापा ओङा थोङगीन येशूकी “लो तो, दिचेन लेमुते इस्राएली ईन। दि सेमगी नाङ मेलेबा सिराते छ्याःङ मिन्‍दुक,” सिन सासुङ।

यूहन्‍ना 8:46

ख्‍योकोन नाङ खाङगीचेन ङाला खुई दि दि पाप खासुङ सिन सिरा थुप्‍कीते? थोक मेन सासीन ङे साँचोते बात खित्‍जीन ख्‍योकोन च्‍यिला ङे बात पत्ते मिक्‍किते?

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।

१ यूहन्‍ना 3:5

मिओनगी खाबाते पापकी सजाय भोगे खाला थेबाला पापदुकी डेलालाराङ येशू ख्रीष्‍ट दुरू वाबाते ईन सिन ख्‍योकोनला छ्याराङ ओत। थेकी नोमुङ पाप खाबा मेत।

छ्या स्‍ये च्‍युताते बात 14:5

थेबेकी नोमुङ सुङलाङ छ्याःङ ढाँर खाबा मेतान। थेबाला सुङगीङ दिबेकी दोक दोक गल्‍ती खाबा ओत सिन सिरा मुथुबो।