१ पत्रुस 2:20 - जिरेल

²⁰ तर खेराङगी काम ङ्ये च्‍युतेकी खित्‍सादु दुताक ङेत्‍जीन खानामा ऊ मनेराङ मेदेन्‍दा खाईन देत्‍सीनोङ दि च्‍यि अचम्‍बे बात ईन्‍देरो। थोक मेन्‍गीन दाक्‍पोन काम लेमु खिन खिन थाराङराङ दुताक ङेत्‍जीन छ्याःङ मिसिरा खाईन देत्‍सुङ सासीन परमेश्‍वरगी ख्‍योकोनगी लेमु खासुङ सिन सिओ।

१ पत्रुस 2:20 Iomraidhean Croise

मत्ती 26:67

थेमे ईन्‍सीन थेबेकी येशूला छ्येतकी नाङपा छ्यिम्‍तोर देइनकामा दुङाला स्‍यूसुङ। कोई कोईकीचेन मोथोङा खाला ल्‍हाकनापेकी डाम्‍पे लाई नाङपा देइनकामा

मत्ती 5:47

ख्‍योकोनगी दाक्‍पोन मिलाकामा मान खाईन लेमु बात खासीन थे च्‍यि अचम्‍बते बात ईन्‍देरो? दाक्‍पोन मिलाकामा ङिङज्‍ये खित्‍च्‍येतेनी परमेश्‍वरला छ्या मेस्‍येकान्‍ते मिओनगीङ खिओ।

मर्कूस 14:65

थेमे ईन्‍सीन थेबे नाङ कोई कोईकी येशूला छ्यिम्‍तोर ग्‍याप्‍सुङ। थेमे थे मिक उप्‍ला देइनकामा “थाल्‍ला खोल्‍ला देक्‍कान्‍ते सु ईन्‍दे ओना, सिते?” सिन सिराला स्‍यूसुङ। थेबेकी थोक खानामेई थे खाम्‍बे पालेओनगीङ खेरगीन येशूला दुसुङ।

लूका 6:32

थेमे ख्‍योकोनगी खेराङला ङिङज्‍ये खित्‍कान्‍ते मिओनलाकामा ङिङज्‍ये खासीन परमेश्‍वरगी ख्‍योकोनला च्‍यि मान तेरगीतेरो? दाक्‍पोनला ङिङज्‍ये खित्‍कानलानी ज्‍येनगी पापी साबाते मिओनगीङ ङिङज्‍येराङ खिओ।

१ कोरिन्‍थी 4:11

थोरूमसाकोङ ङ्योकोन साप थुङा माङेत्‍ला पालोताङ पालो त्‍वाबा तुक्‍पाराङ ख्‍याम्‍गीन ओत। खोलाक डाकस्‍याक डिकस्‍यिकराङ काल्‍ला ख्‍याम्‍ग्‍यो। थेमे मिओनगी ङ्योकोनला छ्याःङ दया मोज्‍योबा खाला दुङगीदुक। ङेराङते सिराते खाम्‍बा जग्‍गा छ्याःङ मेताच्‍योक खाला ङ्योकोन युगीन देत्‍क्‍यो।

गलाती 4:18

ईन्‍दाका बात लेमु ईन्‍सीन ख्‍योकोनगी ज्‍येनगी बात ङेन्‍ला थेबालाङ ङा ख्‍योकोनताङ ङ्योम्‍बु ओत्‍जीन ङाला च्‍योकराङ खाला मान खिता लेमु ईन। ङा ङ्योम्‍बु ओत्‍सीनोङ मेत्‍सीनोङ दोक खिता जहिलेङ लेमु ईन।

एफिसी 5:10

थेमे जहिलेङ ख्‍योकोनगी खित्‍च्‍येते कामताङ बात प्रभु ख्रीष्‍टला मन परे खित्‍च्‍येते ईन्‍दाना मेन्‍दे सिन छ्या स्‍येलाकामा खि।

फिलिप्‍पी 4:18

ख्‍योकोनगी इपाफ्रोडिटस लाःक्‍तु ताङाते पैसा ङे गाङे ङेत्‍सुङ। था ङे लाःक्‍तु ङाराङला गोबा भन्‍दाङ ल्‍हाक्‍पा पैसा ओत। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्‍योकोनगी ङाला ताङाते पैसाङ परमेश्‍वरला स्‍यीम्‍बु लाङच्‍येते होथे ठीमा च्‍योक्‍तेराङ ईन।

१ पत्रुस 2:19

खेराङगी छ्याःङ गल्‍ती खाबा मेत्‍जीनोङ थेबेकी थाराङ ख्‍योकोनला दुक्‍पा तेरजीन ङाला दोक ओङाते परमेश्‍वरला छ्या ओत सिन सम्‍झे खिन थेबाला छ्याःङ मिसिरा खाईन दुक्‍पा खपे खासीन परमेश्‍वरगी ख्‍योकोनगी लेमु खासुङ सिन सिओ।

१ पत्रुस 3:14

खेराङगी दोक खाला लेमु काम खित्‍जीनोङ सुइँदेकी ख्‍योकोनला दुक्‍पा तेरगीदुक सासीन ख्‍योकोन भाग्‍यमानी ईन। थोक खाला दुक्‍पा तेरकान्‍तेबाताङ ख्‍योकोनगी छ्याःङ ज्‍यीबा माकेत, सुर्ताङ खिता माफाबो।

१ पत्रुस 3:17

ख्‍योकोनगी लेमु काम खाईन दुक्‍पा भोगे खाबातेराङ परमेश्‍वरला लेमु लाङगीदुक सासीन बरू मेलेबा काम खाला दुक्‍पा भोगे खिता भन्‍दा लेमु काम खाला दुक्‍पा भोगे खिताराङ लेमु ईन।