१ पत्रुस 2:2 - जिरेल

² बरू बालकते फिजेकी याङ याङ नुमा थुङा सेम खाबाच्‍योक खाला ख्‍योकोनगीङ परमेश्‍वर बात ङेन्‍ला थेरू खि साबा साबा खित्‍च्‍ये छ्य्‌वापाकामा सेम खि। परमेश्‍वर बातचेन मि बात मेन्‍देकी गाङे सत्‍यते बात ईन। दि बात ङेन्‍ला थेरू खि साबा च्‍योकराङ खिन गाल्‍नामेई ख्‍योकोन मेलेबा काम खिता ताङला पाको डुइओ।

१ पत्रुस 2:2 Iomraidhean Croise

मत्ती 18:3

“लो दि फिजाला तो। स्‍वर्गे राज्‍यदु छ्ये टेक्‍टे सिराते बात ख्‍योकोनगी विचार खाबाच्‍योक मेङगो। फिजाओनचेन ङा ङाराङ ईन सिराच्‍योक मिक्‍किओ। ख्‍योकोनोङ छ्ये खिता ताङला फिजाओन च्‍योकराङ ओङा फाप्‍क्‍यो। थोक मायाङथुप ख्‍योकोन नोमुङ स्‍वर्गे राज्‍यदु स्‍यूक्‍पा मेङेदो।

मत्ती 19:14

तर येशूकीचेन “फिजाओनला दुरू खुला माङ सिन माङार। थेबाला ङा ओत्‍सादु ओङ छ्युत। दि फिजाओन थेमे होदिबा च्‍योकराङ ङा ङाराङ ईन सिराच्‍योक मिक्‍किकान्‍ते मिओनराङ स्‍वर्गे राज्‍यने स्‍यूक्‍पा ङेत्‍क्‍यो,” सिन सिदुक।

मर्कूस 10:15

फिजाओन च्‍योक मिक्‍किता खाला ङा ङाराङ ईन सिराच्‍योक खित्‍कान्‍ते मिचेन सुङ परमेश्‍वर राज्‍यने स्‍यूक्‍पा मेङेदो। दि बात ख्‍योकोनगी टोक माज्‍येत,” सिन सिदुक।

लूका 18:17

फिजाओन च्‍योक मिक्‍किता खाला ङा ङाराङ ईन सिराच्‍योक खित्‍कान्‍ते मिचेन सुङ परमेश्‍वर राज्‍यदु स्‍यूक्‍पा मेङेदो। दि बात ख्‍योकोनगी टोक माज्‍येत,” सिन सिदुक।

रोमी 6:4

थोक खाला बप्‍तिस्‍मा तेरजीन ङुरूङ थेत्ताङराङ स्‍यिइन दिबाते ईन। आबा परमेश्‍वरगी थे खोरोङ छ्येज्‍यीक शक्तिकी ख्रीष्‍टला स्‍यिसादुकी सोम्‍बो लोक्‍पा ओत। था ङुरूङगी गोमाबा खाबाच्‍योक पाप मिक्‍किता खाला थे खोरोङगी खि साबा च्‍योकराङ खिता थुप्‍स्‍यीत सिन परमेश्‍वरगी ख्रीष्‍टला बिन्‍दा च्‍योक्‍ते साम्‍बाते जुनी ङुरूङलाङ बिन्‍दा ओत।

१ कोरिन्‍थी 14:20

आज्‍यो न्‍वावे, था ख्‍योकोनगी लेमुताङ मेलेबा डेला मुथुप्‍कान्‍ते फिजा च्‍योक माकेत बरू छारगीन लेमु खाईन बुद्धि स्‍यूबाते मिकी च्‍योक खाला काम खि। मेलेबाते कामचेन छ्याःङ खिता मास्‍येबाते बालकते फिजा च्‍योक ओङला देत।

एफिसी 2:21

परमेश्‍वर सन्‍तान गाङेला सेमज्‍यीकराङ खाला डिक्‍पा खाला परमेश्‍वर देताला सिन दि जगी लाक प्रभु येशू ख्रीष्‍टकी मन्‍दिर जोइन ओत।

एफिसी 4:15

ङुरूङगीचेन मेन्‍दे बात खिता साटोला बरू दाक्‍पोन नाङ ङिङज्‍ये खिन परमेश्‍वरते सत्‍यते बातकामा खिता फाप्‍क्‍यो। दोक खिन डोजीन ङुरूङ कामताङ बात गाङे ख्रीष्‍टकी च्‍योकराङ लेमु खिता थुप्‍कान डुइन गाल्‍ला ङुरूङ गोः च्‍योकराङ ईन्‍दाते ख्रीष्‍टताङ झन जीउज्‍यीकराङ डुइन डुइओ।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

१ पत्रुस 1:23

परमेश्‍वरगी ख्‍योकोनला लोक्‍ला केर ज्‍युताच्‍योक खाईन साम्‍बाते जुनी बिन्‍दा ओत। दि काम थेकी थे खोरोङ बातकी छ्य्‌वापेई खाबाते ईन। पालोई स्‍यिला डोच्‍येते मि छ्य्‌वापेई फिजा केबाच्‍योक मेन्‍देकी नोमुङ फरक परे मिक्‍किच्‍येते थे खोरोङ बातकी छ्य्‌वापेई परमेश्‍वरगी ख्‍योकोनला दि साम्‍बाते जुनी बिन्‍दाते ईन। थे खोरोङ बातकी छ्य्‌वापेई परमेश्‍वरगी मि नाङ काम खिओ, परमेश्‍वर बातला जे साला दुक थे पक्‍काराङ ओङगो।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।