१ पत्रुस 2:19 - जिरेल

¹⁹ खेराङगी छ्याःङ गल्‍ती खाबा मेत्‍जीनोङ थेबेकी थाराङ ख्‍योकोनला दुक्‍पा तेरजीन ङाला दोक ओङाते परमेश्‍वरला छ्या ओत सिन सम्‍झे खिन थेबाला छ्याःङ मिसिरा खाईन दुक्‍पा खपे खासीन परमेश्‍वरगी ख्‍योकोनगी लेमु खासुङ सिन सिओ।

१ पत्रुस 2:19 Iomraidhean Croise

लूका 6:32

थेमे ख्‍योकोनगी खेराङला ङिङज्‍ये खित्‍कान्‍ते मिओनलाकामा ङिङज्‍ये खासीन परमेश्‍वरगी ख्‍योकोनला च्‍यि मान तेरगीतेरो? दाक्‍पोनला ङिङज्‍ये खित्‍कानलानी ज्‍येनगी पापी साबाते मिओनगीङ ङिङज्‍येराङ खिओ।

यूहन्‍ना 15:21

ङे मि ईन्‍देकीराङ थेबेकी ख्‍योकोनला खेदापानी खित्‍च्‍येते ईन। च्‍यिला सासीन ङाला दुरू तोङकान्‍तेला थेबेकी छ्याराङ मेस्‍येओ।

शक्ति काम 11:23

थे एन्‍टिओखियादु लेप्‍ला ताजीन परमेश्‍वरगी थेरू मिओनलाङ दया खाईन थे खोरोङ छ्य्‌वापा लै खित्‍च्‍येते मौका बिन्‍दा थोङगीन थेला आउदी गा लासुङ। थेमे थेकी “जस्‍तोराङ ओङसीनोङ ख्‍योकोनगी प्रभु येशूला विश्‍वास खिता नोमुङ मातोङ,” सिन थेबाला आँट बिन्‍सुङ।

रोमी 13:5

बात दोक ईन्‍देकी ख्‍योकोनगी खालि सजाय ङेत्‍कीता सिरच्‍ये ज्‍यीबेकीकामा मेन, लुङबे नियम ङेन्‍च्‍येते लेमुराङ ईन सिन साला लुङबाला राज्‍य खित्‍कान्‍ते मिओन अधीनला देत।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 8:1

आज्‍यो न्‍वावे, थाचेन ङा ख्‍योकोनला म्‍यासिडोनिये लुङबादु ठाउँ ठाउँला जम्‍मा ओङकान्‍ते येशू ख्रीष्‍ट मिओनगी परमेश्‍वरगी खोपरोङला दया खाबेकी खित्‍सादु चुक चुक खासुङा सिन सिरामीन।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

हिब्रू 10:2

पशुतेबा भोग बिन्‍ला मि पाप सधैँभरि लाईदु माफ ओङच्‍या ईन्‍दा ईन्‍सीन थेमे थोक खानामेई था ईन्‍सीन ङे पाप पूरो खाईन माफ ओङसुङ सिन मि ढुक्‍क खाईन देता थुपा ईन्‍सीन च्‍यि थोक खाला भोग तेरगीनराङ देत्‍च्‍या ओतानरो?

१ पत्रुस 2:20

तर खेराङगी काम ङ्ये च्‍युतेकी खित्‍सादु दुताक ङेत्‍जीन खानामा ऊ मनेराङ मेदेन्‍दा खाईन देत्‍सीनोङ दि च्‍यि अचम्‍बे बात ईन्‍देरो। थोक मेन्‍गीन दाक्‍पोन काम लेमु खिन खिन थाराङराङ दुताक ङेत्‍जीन छ्याःङ मिसिरा खाईन देत्‍सुङ सासीन परमेश्‍वरगी ख्‍योकोनगी लेमु खासुङ सिन सिओ।

१ पत्रुस 4:15

ख्‍योकोनगी मि सेतेकी खित्‍सादु कि सुइँदेते खइँदा कुबेकी खित्‍सादु कि मेलेबा काम खाबेकी खित्‍सादु कि मि काम ङ्ये च्‍युतेकी खित्‍सादु सजाय ङेत्‍तुक्‍लो सिराचेन लेमु मेन।