१ पत्रुस 2:17 - जिरेल

¹⁷ मि गाङेला मान खि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। परमेश्‍वरताङ ज्‍यीबा खि। गेल्‍बोला मान खि।

१ पत्रुस 2:17 Iomraidhean Croise

मत्ती 22:21

थोक सिरजीन थेबेकी “रोमी गेल्‍बोते,” सिन सासुङ। थेमे थेकी “थोक ईन्‍देकी रोमी गेल्‍बोला तेरा फाप्‍च्‍येते थेला बिन, परमेश्‍वरला तेरा फाप्‍च्‍येतेचेन परमेश्‍वरलाराङ बिन,” सिन सिदुक।

यूहन्‍ना 13:35

दोक खाईन ख्‍योकोनगी खेराङ नाङ ङिङज्‍ये खितरीङ खासीन ख्‍योकोन ङे चेला दुका सिन मि गाङेकी छ्या स्‍येक्‍यो,” सिन सासुङ।

रोमी 12:10

खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खितरीङ खि, ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि।

रोमी 13:7

थोगी खेराङगी सुला चुक खिता फाप्‍कीका थेमे च्‍यि च्‍यि तेरा फाप्‍कीका थे काम लेमु खाला खि। च्‍यि सासीन तिरो दुत्‍कान्‍तेबाला तिरो छ्योल, कर ज्‍येला फाप्‍सीन थेङ छ्योल थेमे लुङबाला राज्‍य खित्‍कान्‍ते मिओनला मान खिता लेमु ईन सिन थेबाला मान खि।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

एफिसी 5:21

प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिन ङा ङाराङ ईन सिराच्‍योक मिक्‍किता खाला ख्‍योकोन दोक्‍पोईकी ज्‍येनज्‍यीक बात ङेन्‍च्‍येते खि।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

१ तिमोथी 6:1

थेमे येशूला विश्‍वास खित्‍कान्‍ते मिओन नाङ योक्‍पो योङमु गाङेकी खोपरोङ मालिकओनगी साबाते ङेन्‍ला थेबाला मान खिता फाप्‍क्‍यो। थेबेकी थोक माक्‍याबाते ज्‍येनगी थोङसीन परमेश्‍वर विरोध खिओ थेमे ङुरूङगी लोप्‍कीन ओताते बात लेमु मेन सिओ।

हिब्रू 13:1

थेमे खेराङ गाङेराङ आज्‍यो न्‍वा ईन्‍देकी दोक्‍पोईकी ज्‍येनज्‍यीकला ङिङज्‍ये खिन देत।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 2:13

प्रभु येशू मि ईन्‍देकी ख्‍योकोनगी लुङबादु राज्‍य खित्‍कानताङ ज्‍येन छ्ये छ्ये मि गाङे अधीनला देत्‍ला नियम कानून लेमु खाला ङेन। लुङबेते गाङे भन्‍दा छ्येते गेल्‍बोराङ ईन्‍देकी थेला मान खि।

१ पत्रुस 5:5

थेमे स्‍याराते मिओनलाङ ङा च्‍यि सिते सासीन ख्‍योकोनगी दाक्‍पोन भन्‍दा छ्येकी लाःपा कोताते ङेन। थेमे दि बातचेन ङा ख्‍योकोन गाङेला सिओ। च्‍यि सासीन ख्‍योकोन सुङगीङ ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि। परमेश्‍वर बातलाङ “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।