१ पत्रुस 2:16 - जिरेल

¹⁶ थेमे सुङगीङ अधीनला मेताच्‍योक खाला काम खि। दोक साबाते खेराङला जे खिता सेम लाङगीदुक थेराङ खिता ङेत्‍क्‍यो साबाते मेन। जे खित्‍जीनोङ ख्‍योकोनगी परमेश्‍वर काम खित्‍कान्‍ते मिओनगी चुक खिता फाप्‍कीते थोकराङ खि।

१ पत्रुस 2:16 Iomraidhean Croise

मत्ती 23:13

धर्मे गुरूओनताङ फरिसी पाटी मिवे, ख्‍योकोन चुक्‍तेन्‍दे ईन्‍दाका। था ख्‍योकोनला आउदी मेलेबा ओङगो। च्‍यिला सासीन चुक खाला स्‍वर्गे राज्‍यने स्‍यूक्‍पा थुप्‍कीते सिन ख्‍योकोनगी मिओनला लोपराङ मोलोप्‍तुक। थोक ईन्‍देकी मिओन थेने स्‍यूक्‍पाराङ मुथुप्‍तुक। दोक खाला खेराङनी थेने स्‍यूक्‍पा माङेत्‍सुङ माङेत्‍सुङ थेने स्‍यूक्‍पा सेम खित्‍कान्‍तेबालाङ ख्‍योकोनगी स्‍यूकराङ मुज्‍युत्‍तुक।

यूहन्‍ना 15:22

ङा दुरू माबा ईन्‍सीनताङ थेबाला छ्याःङ मालापा ईन्‍सीन थेबेकी पाप खाबाते ईन सिन सिरा ओङच्‍या मेतान। थानी थेबेकी ङ्योकोनगी छ्याःङ पाप खाबा मेत सिन सिराराङ मेङेदो।

रोमी 6:18

थोक खाईन परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबा साबा ङेन्‍दा फाप्‍क्‍यो।

रोमी 6:22

तर परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबाते ङेन्‍ला थेला मन परे खित्‍च्‍येते कामताङ बात खिता थुप्‍क्‍यो। दोक खाईन परमेश्‍वरगी खि साबाच्‍योक खिन गाल्‍नामेई ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

१ कोरिन्‍थी 7:22

बात चुक ईन्‍दे सासीन सुइँदा मि योक्‍पो योङमु ईन्‍सीनोङ प्रभु परमेश्‍वरगी थेला थे खोरोङ दोन्‍दु स्‍योक सिन काताङनामेकी थोक्‍ते मि योक्‍पो योङमु मेन्‍देकी प्रभु येशू मि ईन। थोकराङ खाला सुइँदा मि योक्‍पो योङमु मेन्‍सीनोङ प्रभु परमेश्‍वरगी थे खोरोङ दोन्‍दु स्‍योक सिन काताङनामेकी थोक्‍ते मिओनचेन ख्रीष्‍टकी योक्‍पो योङमु ईन।

गलाती 5:1

ख्रीष्‍टकी खाबाते कामगी खित्‍सादु ङुरूङगी परमेश्‍वर नियम अधीनला देता माफाबो। ङुरूङगी गोमाबा खिन ओताच्‍योक नोमुङ खिता माफाबो। बात थोक ईन्‍देकी था ख्‍योकोनगी खुरा मुथुप्‍च्‍येते खुर्बु खुरा छोलाच्‍योक खाला परमेश्‍वरगी यहूदीओनला बिन्‍दाते नियम ङेन्‍ला थेरू खि साबा साबा खिता माछोल।

गलाती 5:13

आज्‍यो न्‍वावे, ख्‍योकोन थे खोरोङ नियम अधीनला देता माफाप्‍स्‍यीत सिन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोक सिरजीनमेईराङ थोक ईन्‍सीन थानी जे खासीनोङ ओङच्‍याक्‍वा सिन खेराङ सेमला लाबा लाबा माकेत। बरू ख्‍योकोनगी दाक्‍पोन नाङ ङिङज्‍ये खितरीङ खिन दोक्‍पोईकी ज्‍येनज्‍यीकला लेमु खि।

एफिसी 6:6

थेबेकी खेराङला आउदी लेमु खाला काम खित्‍कान्‍ते दुका सिरस्‍यीत सिन थेबे मिगी दोन्‍दुकामा स्‍याप स्‍याप खाला काम खित्‍जुम माकेत। ख्रीष्‍ट खेराङ मालिक ईन सिन टोक मेज्‍येता खाला परमेश्‍वरगी खि साबाते लेमु खाईन ङेन्‍दा च्‍योकराङ खाला खेराङ काम लेमु खाला खि।

कलस्‍सी 3:24

थेकी तिरी थे खोरोङ मिओनला इनाम सिन तेरग्‍यो साबाते जति ख्‍योकोनगीङ ङेत्‍क्‍यो सिन ख्‍योकोनला छ्याराङ ओत। ख्‍योकोनगी खिन ओताते काम खेराङ मालिक प्रभु ख्रीष्‍ट लाईदु ईन सिन टोक माज्‍येत।

१ थिस्‍सलोनिकी 2:5

ख्‍योकोनताङ ओत्‍जीनोङ ङ्योकोनगी खोलु सिराते बान्‍दा माक्‍या। थोकराङ खाईन सेमदुचेन ख्‍योकोनगी खइँदा तेरगीता सिन लोभ खाईनोङ थे बात मालाप। दि बात ख्‍योकोनला सिरा माफाप्‍तासीन। ङ्योकोनगी साबाते बात ढाँर खाबाते मेन सिन परमेश्‍वरला छ्या ओत।

याकूब 1:25

थोक ईन्‍सीनोङ परमेश्‍वरगी मि गाङेला लेमु ओङाला ङेन साबाते नियम ङेन्‍ला थेरू खि साबाते टोक मेज्‍येता खाला खि साबा च्‍योकराङ खिन देत्‍कान्‍ते मिलाचेन परमेश्‍वरगी पापताङ दुक्‍पादुकी डेल्‍ग्‍यो। थेमे थेकी जे काम खासीनोङ परमेश्‍वरगी आशी बिन्‍ला थेला साबा च्‍योक ओङ ज्‍युत्‍क्‍यो।

याकूब 2:12

बात दोक ईन्‍देकी पापताङ दुक्‍पादुकी डेल्‍कान्‍ते परमेश्‍वरगी ङेन साबाते नियमला खि साबा ओता च्‍योकराङ खासुङाना माक्‍यासुङा थे ताला तिरी न्‍याय खिओ सिरच्‍येते बात टोक मेज्‍येता खाला काम बात जे खासीनोङ ख्‍योकोनगी परमेश्‍वरगी खि साबाच्‍योक खाला खि।

२ पत्रुस 2:19

थेबेकी मिकी दाक्‍पोन खुशीकी जे खासीनोङ ओङगो, छ्याःङ मेलेबा मेङगो सिन ज्‍येनला लोप्‍कीदुक। तर खोपरोङला खिता सेम लाबाते काम मिक्‍किता खाला देताराङ माथुप्‍ला थेबेकी दाक थोक्‍ते मेलेबा काम खिदुक। दोक खाला थेबा पापकी योक्‍पो च्‍योकराङ ओङगीन देत्‍ला दुक। च्‍यिला सासीन जेकी मिला ग्‍याल्‍गीदुक मिचेन होथे योक्‍पोराङ ईन।

यहूदा 1:4

ङे च्‍यिला थे बात ङेन्‍दा तोङा मेङगो साबाते ईन्‍दे सासीन कोई कोई मि खाराक्‍पा ख्‍योकोन नाङ स्‍यूकीन सिन्‍दा ओत। थेबाचेन परमेश्‍वरगी माकेत साबा साबाते काम खित्‍कान्‍ते मि ईन। थेबेकी ङुरूङ परमेश्‍वरगी मिला दया खाला पापदुकी डेल्‍च्‍येते बातला चुक खिका सासीन परमेश्‍वरगी दाक्‍पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्‍डीबाजी थेमे होदि च्‍योक्‍ते खिता मेङच्‍येते काम खिदुक। थेमे ङुरूङ मालिक येशू ख्रीष्‍टलाङ माने मिक्‍किदुक। गाङेपा गाङेला राज्‍य खित्‍कान्‍ते थेकामा ईन। होथोक्‍ते मिओनगी चुकस्‍यिक सजाय ङेत्‍कीते सिन परमेश्‍वर बातला गोमाका टिबा ओत।