१ पत्रुस 2:1 - जिरेल

¹ बात दोक ईन्‍देकी था ख्‍योकोनगी मेलेबा काम सिराते छ्याःङ माकेत। ज्‍येनला ढाँर खित्‍च्‍येते थेमे मिकी खेराङला चुक लेमु ईन्‍दाका सिरस्‍यीत सिरच्‍ये सेमगी छ्याःङ काम माकेत। थोकराङ खाला मिला डार खित्‍च्‍येते थेमे मि मोत्‍च्‍येते बान्‍दा माकेत।

१ पत्रुस 2:1 Iomraidhean Croise

मत्ती 15:7

ख्‍योकोन चुक्‍तेन्‍दे ईन्‍दाका। यशैयेकी परमेश्‍वरगी थाङबो ख्‍योकोन विषयला सिर च्‍युताते बात खिन दोक सिन साबाते बात ख्‍योकोनगी खिन ओताते कामताङ लेमु खाला डिइदुक। परमेश्‍वरगी साबाते बात थेकी दोक सिन साबा ओतान।

मत्ती 23:28

ख्‍योकोनगी खिन ओताते काम थोङला ज्‍येनगी ख्‍योकोनचेन परमेश्‍वरगी खि साबाच्‍योक खित्‍कान्‍ते आउदी धर्मती दुका सिन सिओ। ख्‍योकोन परमेश्‍वरगी खि साबाच्‍योक बान्‍दा मिक्‍किकान्‍ते खालि मेलेबा मेलेबा कामकामा खित्‍कान्‍ते मि ईन सिन थेबेकी छ्याराङ मेस्‍येओ।

मत्ती 24:51

थेकी थोक खिन देता ओता थेप्‍सीन मालिकतेकी थेला च्‍यि खाओङा? मालिकतेकी थेलानी तुप्‍ला सेत्‍ला नरककुण्‍डमा लुक्‍यो। थेमा होथे च्‍योकराङ दाक्‍पोनगी खिओ सालाङ थोक मिक्‍किकान्‍ते मिओन ओङगो। थेमाचेन गाङेराङ स्‍येदाङगी सा थागीन खोक्‍पो खाला ङुइन देत्‍क्‍यो।

मत्ती 7:5

ख्‍योकोन चुक्‍तेन्‍दे ईन्‍दाका। थोङला दाक्‍पोन गल्‍ती छ्या स्‍येबा खि। थेमेकामा खेराङ आज्‍यो न्‍वाकी खाबाते गल्‍ती बात खि।

मर्कूस 12:15

ङ्योकोनगी थेला तिरो ज्‍येला फाप्‍कीताना माफाप्‍ते?” सिन सासुङ। थेबेकी च्‍यि सेमगी थोक साबाते ईन्‍दे सिन छ्या स्‍येकीन थेकी थेबाला “ख्‍योकोन च्‍यिला ङे सेम ता छोल्‍गीते? खै ङाला चाँदी डबलज्‍यीक नाङते। थेमे ङा ख्‍योकोनला सिरामीन,” सिन सिदुक।

लूका 11:44

थुर्सा ओत्‍साला थुर्सा ईन सिन छ्या मास्‍येसीन मिओन थे लाक्‍तु ख्‍याम्‍ला बिटुले खिओ। ख्‍योकोन होथोक्‍ते थुर्सा च्‍योक्‍तेराङ ईन। ख्‍योकोनताङ साङ खानामेई ज्‍येन ज्‍येन मिङ मेलेबा डुइदुक। थोगी ख्‍योकोनला था आउदी मेलेबा ओङगो,” सिन सिदुक।

लूका 12:1

थेजीन ङोला ङ्वा मुथुप्‍च्‍या मि येशू खादु जम्‍मा ओङगीन ओतान। थे दोन्‍दुराङ ड्वाप सिन थेबा आउदी खाला च्‍येपा च्‍येप खिन ओतान। थेमे गोमाचेन येशूकी चेलातेबाताङ बात खिन “फरिसी पाटी मिओनताङ च्‍याङबो खिसा है। थेबाताङनी स्‍योबेनला लुच्‍येते सोडा ओत। थेबाताङ सोडा ओत साबाते च्‍यि सासीन थेबेकीनी खेकीकामा लेमुते बात खिओ। सेमगी नाङचेन मेलेबा मेलेबा बात ब्‍वाकीन ज्‍याक्‍पा ओङगो।

लूका 6:42

दोक मेन्‍दा ईन्‍सीन ख्‍योकोनगी दाक्‍पोनगी खाबाते छ्येज्‍यीक गल्‍तीराङ माताबा खाला खेराङ आज्‍यो न्‍वाकीते टेक्‍टेस्‍यिक गल्‍ती तेन्‍च्‍या मेतान। ख्‍योकोन चुक्‍तेन्‍दे ईन्‍दाका। थोङला दाक्‍पोन गल्‍ती छ्या स्‍येबा खि। थेमेकामा खेराङ आज्‍यो न्‍वाकी खाबाते गल्‍ती बात खि।

यूहन्‍ना 1:47

नथानेलला थे खोरोङ ओत्‍सापा ओङा थोङगीन येशूकी “लो तो, दिचेन लेमुते इस्राएली ईन। दि सेमगी नाङ मेलेबा सिराते छ्याःङ मिन्‍दुक,” सिन सासुङ।

रोमी 1:29

थोगी थेबेकी परमेश्‍वरगी खिता मेङगो सिन साबाते मेलेबाते कामताङ बातकामा खित्‍च्‍येते, लोभ खित्‍च्‍येते थेमे खालि ज्‍येनला खेदापानी खित्‍च्‍येते खिताला स्‍यूसुङ। थोकराङ खाईन डार खित्‍च्‍येते, मि सेत्‍च्‍येते, थोम्‍मु जीङगा खित्‍च्‍येते, ज्‍येनला ठगे खित्‍च्‍येते, मिला मोता सराप खित्‍च्‍येते थेमे मि बात खिन ख्‍याम्‍च्‍येते खिताला स्‍यूसुङ।

१ कोरिन्‍थी 14:20

आज्‍यो न्‍वावे, था ख्‍योकोनगी लेमुताङ मेलेबा डेला मुथुप्‍कान्‍ते फिजा च्‍योक माकेत बरू छारगीन लेमु खाईन बुद्धि स्‍यूबाते मिकी च्‍योक खाला काम खि। मेलेबाते कामचेन छ्याःङ खिता मास्‍येबाते बालकते फिजा च्‍योक ओङला देत।

१ कोरिन्‍थी 5:8

थोक ईन्‍देकी था ङुरूङगी मेलेबाते कामताङ पाप खिता तोङा फाप्‍क्‍यो। मेलेबाते कामताङ पाप खित्‍च्‍येते बानीचेन सोडा लुगीन स्‍येबाते स्‍योबेन च्‍योक्‍ते ईन। था सेमदु छ्याःङ पापताङ लोभ मोज्‍योबा खाला लेमुते कामताङ साँचोते बातकामा खिता फाप्‍क्‍यो। दोक खाबातेचेन ङुरूङगी सोडा मुलुबा खाईन स्‍येबाते स्‍योबेन सोकीन निस्‍तार चाड माने खाबा च्‍योक्‍ते ईन।

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

एफिसी 4:31

थेमे सुङताङ स्‍येदाङ खुरला मादेत, पालोईला स्‍येदाङ फुङ पुङच्‍येते माकेत, सुङताङ स्‍येदाङ माकेत, ज्‍येनताङ थोम्‍मु माकेत, सुङलाङ मामोत, मि बात खित्‍च्‍येते होदोक्‍ते बानी गाङे थोङ।

१ थिस्‍सलोनिकी 2:3

जसकी जेराङ सासीनोङ ङ्योकोननी मिओनला गा लाङच्‍येते बात ङेन सिन लोप्‍जीन नोमुङ मेन्‍दे बात मोलोबो, चुक खासीन ङेराङला फाइदा ओङगीका थे तालाङ मोलोबो थेमे मि मिकला छारो देक्‍पाङ मोछोलो।

१ तिमोथी 3:11

थोकराङ खाला थेबे फेम्‍मेतेबाङ लेमु बानी ओताते, मि मोत्‍कीन माख्‍याम्‍कान्‍ते, छ्याङ रक्‍सी काल्‍बा मुथुङकान्‍ते थेमे जस्‍तो कामोङ लेमु खित्‍कान्‍ते ओङा फाप्‍क्‍यो।

तीतस 2:3

थोकराङ खाला गाम्‍मातेबाङ येशूला विश्‍वास खित्‍कान्‍ते फेम्‍मे मिओनगी खिता फापा च्‍योकराङ खित्‍कान ओङा फाप्‍क्‍यो सिन सि। थेबेकी मि मोत्‍कीन ख्‍याम्‍च्‍येते थेमे छ्याङ रक्‍सीकी जिला ख्‍याम्‍बा मेङगो सिन सि। बरू चुक चुक खिता लेमु ईन्‍दे सिन ज्‍येनला लोपा थुप्‍कान्‍तेन्‍दे ओङा फाप्‍क्‍यो सि।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

याकूब 1:21

दोक ईन्‍देकी ख्‍योकोनगी मि गाङेकी खिन ओताते खिता मेङच्‍या मेलेबा मेलेबा खित्‍च्‍येते बानी थोङ। थेमे होदोक्‍ते ज्‍येनोङ मेलेबाते काम खिता गाङे थोङ। थेमे ङेल्‍ला दि बात मोगोओ सिराच्‍योक मिक्‍किता खाला परमेश्‍वरगी खेराङला खो च्‍युताते बात लेमु खाला ङेन। परमेश्‍वर बात ङेन्‍गीन साबा च्‍योकराङ खासीन ख्‍योकोनगी पापकी सजाय भोगे खिता माफाबो।

याकूब 3:14

तर ख्‍योकोनगी ज्‍येनला आउदी खाला डार खित्‍च्‍येते थेमे दाक्‍पोनकामा छ्ये ओङा छोल्‍च्‍येते खासुङ सासीन खेराङ आउदी बुद्धि ओताते मि ईन सिन छ्ये माकेत। खेराङताङ बुद्धि ओत सिन ख्‍योकोनगी साँचोते बात खाबाते मेन।

याकूब 4:11

आज्‍यो न्‍वावे, ख्‍योकोनगी फलाना दोक्‍तेताङ थोक्‍ते सिन दोक्‍पोईकी ज्‍येनज्‍यीक बात माकेत। दाक्‍पोन आज्‍यो न्‍वाकी बात खिन ख्‍याम्‍कान्‍ते कि खो दोषी ईन सिन सिरकान्‍ते मिकीचेन परमेश्‍वर नियमला साबाते दि दि बात लेमु मेन सिन थे नियमराङ ठीक मेन साबाते ईन। थोक खित्‍कान्‍ते मिकीनी थे नियम ङेन्‍दा साटोला थे लेमु मेन सिनका साबाते ईन।

याकूब 4:5

थेमे परमेश्‍वर बातला परमेश्‍वरगी ङुरूङला बिन्‍दाते आत्‍मेकीचेन ङुरूङगी परमेश्‍वरगी साबातेकामा ङेन्‍स्‍यीत सिन आउदी सेम खिओ सिन साबाते च्‍यि ख्‍योकोनला थाराङ साबाते ईन्‍दासीन सिराच्‍योक लाङगीदुक?

याकूब 5:9

थेमे आज्‍यो न्‍वावे, परमेश्‍वरगी खेराङला दोषी ईन सिन मिसिरस्‍यीत सिन खुई दि लेमु माक्‍यासुङ, थे लेमु माक्‍यासुङ सिन दोक्‍पोईकी ज्‍येनज्‍यीक बात माकेत। मि गाङे न्‍याय खित्‍कान्‍ते परमेश्‍वर खेराङ दोन्‍दुराङ ओत सिरच्‍येते बात टोक माज्‍येत।

१ पत्रुस 2:16

थेमे सुङगीङ अधीनला मेताच्‍योक खाला काम खि। दोक साबाते खेराङला जे खिता सेम लाङगीदुक थेराङ खिता ङेत्‍क्‍यो साबाते मेन। जे खित्‍जीनोङ ख्‍योकोनगी परमेश्‍वर काम खित्‍कान्‍ते मिओनगी चुक खिता फाप्‍कीते थोकराङ खि।

१ पत्रुस 2:22

“थेकी नोमुङ छ्याःङ पाप खाबा मेतान, ढाँरोङ खाबा मेतान।”

१ पत्रुस 3:10

परमेश्‍वर बातला च्‍यि साबा ओते सासीन “जुनी खाङ छ्याःङ मेलेबा मेङस्‍यीत थेमे जेसुकै साबा च्‍योक ओङस्‍यीत सिरच्‍येते सेम खित्‍कान्‍ते मिकीचेन मि बात खिता मेङगो, ढाँरोङ खिता मेङगो। थेकी दाक्‍पोन खा थाताला ज्‍य्‌वाबा फाप्‍क्‍यो।

१ पत्रुस 4:2

ख्रीष्‍टला ताला थेकी च्‍योकराङ खानामेई था ख्‍योकोनगी दाक्‍पोन खुशी खिन जे खिता सेम लाङगीदुक थेराङ खिन देता माफाबो, बरू सोन सोनसाकराङ परमेश्‍वरगी च्‍यि खि सिका थे छ्या स्‍येला थेकी खि साबा च्‍योकराङ खिन देता थुप्‍क्‍यो।

१ पत्रुस 4:4

तर था ख्‍योकोनगी थोक्‍ते मेलेबा काम खिता ताङेकी थोरूमसाक होथोक्‍ते कामराङ खिन ओताते मिओनचेन ख्‍योकोन च्‍यिला खोपरोङगी च्‍योकराङ मिक्‍किका सिन छक्‍क परे खिदुक। थेमे ख्‍योकोनला ईन्‍दा मेन्‍दा साला ख्‍योकोन विरोध खिदुक।

छ्या स्‍ये च्‍युताते बात 14:5

थेबेकी नोमुङ सुङलाङ छ्याःङ ढाँर खाबा मेतान। थेबाला सुङगीङ दिबेकी दोक दोक गल्‍ती खाबा ओत सिन सिरा मुथुबो।