१ पत्रुस 1:4 - जिरेल4 थेकी थे खोरोङ मिओनला स्वर्गने तेरग्यो सिन साबाते ङेत्क्यो सिन ङुरूङ गुकीन देता ओत। थेने ङुरूङगी ङेत्च्येते नोमुङ नाश मोन्डोओ, सिन्ला तोरलाङ मोन्डोओ। Faic an caibideil |
१ पत्रुस 1:4
27 Iomraidhean Croise
था ङा ख्योकोन गाङेला परमेश्वर लाःक्तुराङ सोम्पे खिओ। थेमे थेकी दया खिओ सिन छ्या स्येच्येते गा लाङच्येते बात ङेन्गीन देत सिनोङ सिओ। दोक खिन देत्सीन ख्योकोनगी प्रभु येशूला झन लेमु खाला विश्वास खिता थुप्क्यो। थेमे परमेश्वरगी सेम खुदुक जोबाते मि गाङेला तिरी तेरग्यो साबाते जति गाङे ख्योकोनलाङ तेरग्यो।
थेबा पापताङ लोभदुकी ठाल्ला परमेश्वर नाम्दाकला देता ङेत्स्यीत, दोक खाला शैतान लाःक्तुकी ठोल्ला परमेश्वर छ्य्वापा लै खित्स्यीत सिन खुई थेबाला ङे बात छ्या स्येबा खाला तेरा फाप्क्यो। थेमे थेबेकी ङाला विश्वास खानामेई परमेश्वरगी थेबे पाप गाङे माफ तेरग्यो। थेमे परमेश्वरगी सेम खुदुक जोबाते मि ज्येनतेबेकी ङेत्च्येते जति गाङे थेबेकीङ ङेत्क्यो,’ सिन सिरा थोसुङ।
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
खेलकूदला भाग लिन्कान्ते मि जसकीङ ग्याल्ला पुरूस्कार ङेता थुप्स्यीत सिन खोपरोङ जीउला ङार्माताङ थाङ मेछ्येत्च्या ज्वाप्ला ङीमे ठाङमा दुक्पा खाला तालिम खित्च्येते खिओ। थेबेकी ङेत्च्येते पुरूस्कारचेन ङीमाई छ्याःङ काम लै मिक्किच्या डुइओ। तर ङुरूङगी ङेत्च्येते इनामचेन नोमुङ होथोक खाला काम लै मिक्किच्या मोन्डोओ।
ङुरूङगी परमेश्वर आत्मा ङेता ओतेकी परमेश्वरगी तिरी ङुरूङला तेरग्यो सिन साबा ओताते जति गाङे ङेत्क्यो सिन ङुरूङगी छ्या स्येक्यो। थेकी थे खोरोङ मि गाङेला पूरो खाला पापदुकी टाल्ला थे खोरोङताङ देत ज्युत्जीन थेकी ङुरूङला तेरग्यो सिन साबा ओताते जति गाङे ङुरूङगी ङेत्क्यो। थेकी खाबाते होदि गाङे काम ताला थे चुक अचम्ब खाला काम खित्कान्ते ईन्दे सिन ङुरूङगी थेते जय जय खिता थुप्स्यीत सिन परमेश्वरगी होदि गाङे काम खाबाते ईन।
ङा ज्येनोङ च्यि सिन प्रार्थना खिते सासीन परमेश्वरगी ख्योकोनला थे खोरोङ दोन्दु स्योक सिन कातोङजीन तिरी ख्योकोनते च्यि आश ओते सिन साबाते बात थेमे थे खोरोङ सन्तान ज्येनतेबाताङराङ तिरी ख्योकोनगी ङेत्च्येते जति चुक लेमु ईन्दे सिरच्येते बात थेकी ख्योकोनला लेमु खाला खो ज्युत्स्यीत सिन प्रार्थना खिओ।
परमेश्वरगी था तिरी खेराङला स्वर्गने तेरग्यो सिन साबातेबा ङेत्क्यो सिन खेराङगी आश खाईन देताते पक्काराङ ङेत्क्यो सिन छ्या स्येबेकीराङ ख्योकोनगी थोक लेमु खिन ओताते ईन। परमेश्वरगी खेराङला तेरग्यो साबाते ङेत्क्यो सिनचेन ख्योकोनगी सत्यते बात थोनामेई छ्या स्येबा ओत। सत्यते बातचेन गा लाङच्येते बात ईन।
थोगी ङा परमेश्वरगी खि साबा साबा च्योकराङ खित्कान्ते मि ईन सिन था ङे इनाम ङेत्क्यो। थे इनामचेन सुङलाङ काका पाका मिक्किता खाला न्याय खित्कान्ते प्रभु येशू ख्रीष्टकी थे खोरोङ ग्युरला ओङे छोमु ङाला तेरग्यो। थे इनाम थेकी ङालाकामा मेन, थे स्वर्गनेकी ग्युरला ओङगो सिन गा खिन गुला देत्कान्तेबा गाङेला तेरग्यो।
थोक खाईन स्यिइन ख्रीष्टचेन परमेश्वरगी तिरी खाबाते जमान पूरो खाला तेरकान्ते ओङा ओत। थे थोक खित्कान्ते ओङेकी खित्सादु परमेश्वरगी थे खोरोङ दोन्दु स्योक सिन काताङाते मिओनला नोमुङ मोतोरच्या खाला तेरग्यो सिन साबाते जति था थेबेकी गाङे ङेत्च्या ओङा ओत। परमेश्वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्टकी भोगे खाईन स्याप्की खित्सादु थेबेकी ङेत्च्येते जति ङेत्च्या ओङाते ईन।
ङीमा स्यारगीन रापकी छिक्च्या गाल्नामेई ङीमे रापकी होथे पाङगी सो थेमे चातेबा काम्ला मेन्दोकओन ङीम्ग्यो। रकस्यिक गोमा लेमु ओत्सीनोङ थोक ओङनामेई थेबा छ्याःङ लेमु मेदेदो। छ्युक्पुते मि बादोङ होदोकराङ ईन। थेकी जे काम खिन ओत्सीनोङ, थेत्ताङ जे ओत्सीनोङ ङीमाई थे दाक स्यिला थेते ओताते जति गाङे तोरला डुइओ।
परमेश्वरला मन परे मिक्किच्येते सिराते थे सारगी नाङ छ्याःङ मेङगो। खिता मेङच्येते ङोचा लाङच्येते काम खित्कान्ते थेमे ढाँर खित्कान्तेबाचेन बान्दा थे सारगी नाङ स्यूक्पा मेङेदो। खालि नोमुङ मिसिन्च्येते जुनी ङेत्कान्ते मिओन मिन टिबा ओताते किताब नाङ खोपरोङ मिन ओताते मिओनकामा थे सारगी नाङ स्यूक्पा ङेत्क्यो। थे मिन टिबाते किताबचेन लुई रीउते ईन।
Sanasan