१ पत्रुस 1:3 - जिरेल3 ङुरूङ प्रभु येशू ख्रीष्ट आबा परमेश्वरते जय जय खिइ। थेकी ङुरूङला आउदी ङिङज्ये खाईन लोक्ला केर ज्युताच्योक खाईन साम्बाते जुनी बिन्सुङ। थेकी येशू ख्रीष्टला स्यिसादुकी सोम्बो लोक्पा ओतेकी थेकी खिओ साबाच्योक पक्काराङ खिओ सिन ङुरूङ आश खाईन गुकीन देताते बात नोमुङ फरक परे मिक्किओ। Faic an caibideil |
१ पत्रुस 1:3
56 Iomraidhean Croise
थे खोरोङगी साबाच्योक खिओ सिन आश खाला देत ज्युत्कान्ते परमेश्वरराङ ईन। थेला विश्वास खित्कान ईन्देकी थेकी ख्योकोन गाङेला आउदी खाला गा खिन थेमे डिक्ला थुन्ला देत ज्युत्स्यीत सिन ङा प्रार्थना खिओ। थेकी थोक खानामेईचेन परमेश्वर आत्मे शक्ति छ्य्वापेकी ख्योकोन था परमेश्वरगी ङुरूङला खिओ साबाच्योक खिओतराङ सिन छ्याःङ शंका मिक्किता खाला झन आश खाला गुला देता थुप्क्यो।
ङीमाई थोक ओङगो सिन ङुरूङगी आश खाईन देताच्योक परमेश्वरगी थोरूमसाक खाबा मेत्सीनोङ थेकी ङुरूङला पापकी सजायदुकी टाल्गीन सिन्दा ओत। थेकी खिओ साबाच्योक खाईन सिन्दा ईन्सीन ङुरूङ आश खिन गुला देताराङ फाप्च्या मेतान। दाक्पोनगी ङेत्क्यो सिन आश खाबाते जेसुकै ङेत्कीन सिन्नामेईका याङराङ सु गुला देत्कीतेरो?
ज्येनतोक गाङे ङीमा लेनज्यीक छ्याःङ काम लै मिक्किच्या गाल्सीनोङ परमेश्वरला विश्वास खित्च्येते, थेकी ङुरूङला तेरग्यो साबाते ङेत्क्यो सिन खित्च्येते आश थेमे ज्येनला ङिङज्ये खित्च्येते दि बात सुमचेन नोमुङ छ्याःङ काम लै मिक्किच्या मोन्डोओ। दि बात सुमगी नाङदुङ छ्येते बातचेन ज्येनला ङिङज्ये खित्च्येतेराङ ईन।
थोगी था ख्योकोनगी येशूला विश्वास खाईन ङेन्दाते बात ङेन्दा नोमुङ तोङा मेङगो, थे बातला खि साबा च्योकराङ खिन देता फाप्क्यो थेमे होथे गा लाङच्येते बात थोनामेई तिरी खेराङगी परमेश्वरगी तेरग्यो साबाते जति ङेत्क्यो सिन आश खाईन गुकीन देताते बातला ज्येनगी जे सासीनोङ छ्याःङ शंका मिक्किता खाला देत। होथे बात ख्योकोनलाकामा मेन, सा लुङबा खाङगी मिला लाप्कीन बिन्दा ओत। थेमे ङा पावललाचेन मिओनला होथे बात लोप्च्येते जिम्मा बिन्दा ओत।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
धन्यवाद सिरजीनराङ ख्योकोनगी येशू ख्रीष्टला विश्वास खाईन लेमु काम खिताला स्यूबाते थेमे ज्येनला ङिङज्ये खिन झन झन लेमु खाबाते बातकी लाईदु ङुरूङ आबा परमेश्वरला धन्यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्ट ग्युरला ओङगो सिन आश खाईन गुकीन देता ओतेकी जस्तो दुक्पा ओङसीनोङ ख्योकोन सेम मेसेता खाईन देता ओताते बातकी लाईदुङ ङ्योकोन थेला धन्यवाद सिओ।
थेमे आज्यो न्वावे, ज्येन बात च्यि सासीन ख्योकोन नाङ स्यिइन सिन्दाते मिओनला था तिरी च्यि ओङगीते सिन ख्योकोनगी लेमु खाला छ्या स्येस्यीत सिन ङ्योकोन दि बात खिन ओत। थेबाला चुक ओङगीते सिन छ्या स्येनामेकी ख्योकोनगीचेन स्वर्गने ड्वा ङेत्कीता मेङेत्ता सिन छ्याःङ आश मेताते मिओनगी खोपरोङते स्यिइन सिन्दाते मिओन लाईदु पीर खाबाच्योक खाला पीर खिता माफाबो।
ङुरूङ आबा परमेश्वरगी ङुरूङला ङिङज्ये खाईन थे खोरोङ दयेकी जहिलेङ आँट तेरगीन देत्ला तिरी तेरग्यो सिन साबातेबा गाङे पक्काराङ ङेत्क्यो सिन आश खाला देत ज्युत्क्यो। दोक खित्कान्ते परमेश्वरताङ ङुरूङ प्रभु येशू ख्रीष्ट थे खोरोङगीराङ ख्योकोनला आँट बिन्ला ख्योकोनगी खिन ओताते लेमुते कामताङ बात गाङे खिनराङ देत ज्युत्स्यीत सिन ङ्योकोन प्रार्थना खिओ।
ख्रीष्टकीङ थे खोरोङ काम लेमु खाईन खाबा ओतान। तर थेचेन मोशा च्योक्ते मेन। मोशा सुइँदे खाम्बादु काम खित्कान्ते मि च्योक ओतान सासीन ख्रीष्टचेन होथे खाम्बे धनी फुज्युङ च्योकराङ ईन। थेमे ङुरूङचेन थे खाम्बे मि ईन। थोक ईन्सीनोङ जस्तो ओङजीनोङ ज्यीबा मिक्किता खाईन थेमे सेम मेसेता खाईन परमेश्वरगी था तिरी दाक्पोनला तेरग्यो साबाते गाङे ङेत्क्यो सिन थेला विश्वास खिन देत्सीनकामा ङुरूङ थे खाम्बे मि ईन।
परमेश्वरगी ख्योकोनला दोक लेमु खाबा ओतेकी था ख्योकोनगी थेकी खि साबाते काम खित्च्ये छ्य्वापाकामा स्येत खि। दाक्पोन सेम काबूला स्योक। थेमे येशू ख्रीष्ट ग्युरला ओङे छोमु परमेश्वरगी ख्योकोनला दया खाला पूरो खाला पापदुकी टाल्ला लेमु खिओ साबाते पक्काराङ खिओ सिन खेराङगी आश खाईन देता च्योकराङ ओङगो सिन टोक माज्येत।
परमेश्वरगी ख्योकोनला लोक्ला केर ज्युताच्योक खाईन साम्बाते जुनी बिन्दा ओत। दि काम थेकी थे खोरोङ बातकी छ्य्वापेई खाबाते ईन। पालोई स्यिला डोच्येते मि छ्य्वापेई फिजा केबाच्योक मेन्देकी नोमुङ फरक परे मिक्किच्येते थे खोरोङ बातकी छ्य्वापेई परमेश्वरगी ख्योकोनला दि साम्बाते जुनी बिन्दाते ईन। थे खोरोङ बातकी छ्य्वापेई परमेश्वरगी मि नाङ काम खिओ, परमेश्वर बातला जे साला दुक थे पक्काराङ ओङगो।
बरू येशू ख्रीष्टराङ खेराङ मालिक ईन सिन टोक माज्येत, थेला मान खि। थेमे परमेश्वरगी तिरी तेरग्यो साबातेबा ङेत्क्यो सिन खेराङगी आश खाबाते पक्काराङ ङेत्क्यो सिन ख्योकोन चुक खाला सिते सिन ठिकान गाङेला ख्योकोनगी जहिलेङ लाःप्ला बिन। थेबे सेमला फोक्च्येते बात छ्याःङ मिक्किता खाला थोक्ते मिओनताङ ख्योकोनगी खा छ्येत लेमु खाला बात खि।
थे भलदुकी थोक खाईन नूहताङ थे मिओन सोन्दाते बातचेन थरिङोला परमेश्वरगी मिला पापदुकी डेल्च्येते बप्तिस्मा तेरच्येते बातताङ डिइओ। चुक खाला सासीन छ्युला लुक्ला बप्तिस्मा तेरच्येते काम ठु खाला जीउकी ङेक्च्युक क्युरच्येते च्योक मेन। बप्तिस्मा लिन्कान्ते मिकीनी परमेश्वरगी ङाला पापदुकी टाल्ला ङे सेम लेमु जोरस्यीत सिन बप्तिस्मा लिन्च्येते ईन। परमेश्वरगी थोक्ते मिला पापदुकी डेल्च्येतेचेन येशू ख्रीष्ट सोम्बो लोक्पा ओतेकीराङ ईन।
ङिङज्येते फिजावे, ङुरूङगी दोक्पोईकी ज्येनज्यीकला ङिङज्ये खिता फाप्क्यो। च्यिला सासीन ज्येनला ङिङज्ये खित्च्येते परमेश्वरगी खित ज्युत्च्येते ईन। ज्येनला ङिङज्ये खित्कान्ते मिचेन परमेश्वर फुज्युङ फुमु ओङाते मि ईन। थोक्ते मिकी परमेश्वर सु ईन्दे, चुक्ते ईन्दे सिन छ्या स्येबा ओङगो।
Sanasan