१ पत्रुस 1:23 - जिरेल

²³ परमेश्‍वरगी ख्‍योकोनला लोक्‍ला केर ज्‍युताच्‍योक खाईन साम्‍बाते जुनी बिन्‍दा ओत। दि काम थेकी थे खोरोङ बातकी छ्य्‌वापेई खाबाते ईन। पालोई स्‍यिला डोच्‍येते मि छ्य्‌वापेई फिजा केबाच्‍योक मेन्‍देकी नोमुङ फरक परे मिक्‍किच्‍येते थे खोरोङ बातकी छ्य्‌वापेई परमेश्‍वरगी ख्‍योकोनला दि साम्‍बाते जुनी बिन्‍दाते ईन। थे खोरोङ बातकी छ्य्‌वापेई परमेश्‍वरगी मि नाङ काम खिओ, परमेश्‍वर बातला जे साला दुक थे पक्‍काराङ ओङगो।

१ पत्रुस 1:23 Iomraidhean Croise

मत्ती 24:35

दि साताङ नाम नाश गाल्‍ला तोरला डुइओ। तर ङे साबाते बातचेन फरकराङ परे मिक्‍किओ।

लूका 8:11

था ङे ख्‍योकोनला थे कथे अर्थ च्‍यि ईन्‍दे सिन लाःप्‍ला बिनगी। सोन साबातेचेन परमेश्‍वर बात ईन।

यूहन्‍ना 1:13

परमेश्‍वर फुज्‍युङ फुमु ओङच्‍येते साबाते ख्‍यावा फेम्‍मे ङ्योम्‍बु ङ्याल्‍गीन केबाते फिजा च्‍योक मेन। परमेश्‍वरगीराङ थेबाला साम्‍बाते जुनी बिन्‍ला थे खोरोङ फुज्‍युङ फुमु जोच्‍येते ईन्‍देकी दिचेन आमे कोखदु ठुङाते फिजा केबा च्‍योक्‍तेङ मेन।

यूहन्‍ना 1:3

दि सा नाम थेमे सा नाम खाङ ओताते जति गाङे परमेश्‍वरगी थे बात सिराते छ्य्‌वापेकीराङ जोबा ओतान। दोक खाईन जोबातेबे नाङ थे बात सिराते छ्य्‌वापेकी मेन्‍दालाचेन छ्याःङज्‍यीक खाङज्‍यीगोङ थाराङ ठुङा मेतान।

यूहन्‍ना 3:3

थेकी थोक सिरजीन येशूकी “ङा खोल्‍ला दि बात सिओ। चुक सासीन मि लोईन क्‍या फाप्‍क्‍यो, थेमेकामा परमेश्‍वर राज्‍य थोङा थुप्‍क्‍यो,” सिन सिदुक।

यूहन्‍ना 3:5

थेमे येशूकी “दि बात ङेन। छ्युला स्‍यूला बप्‍तिस्‍मा लाला लोईन केबाच्‍योक मायाङथुप थेमे परमेश्‍वर आत्‍मे छ्य्‌वापेई लोईन केबाच्‍योक मायाङथुपनी मि सुङ परमेश्‍वर राज्‍यने स्‍यूक्‍पाराङ मुथुबो।

यूहन्‍ना 6:63

मिओनला नोमुङ मिसिन्‍च्‍येते जुनी तेरकान्‍ते परमेश्‍वर आत्‍मा ईन। मिकीचेन दोक खिताराङ मुथुबो। ङे ख्‍योकोनताङ खाबाते बाततेबा परमेश्‍वर आत्‍मेते थेमे नोमुङ मिसिन्‍च्‍येते जुनी बात ईन।

रोमी 1:23

थोक ओङगीन थेबेकी चुक खिताला स्‍यूसुङा सासीन सधैँभरि सोन्‍ला देत्‍कान्‍ते छ्येज्‍यीक शक्ति ओताते परमेश्‍वरला माने खिते साटोला पालोई स्‍यिला डोच्‍येते मि, छ्योज्‍युङमा, पशुताङ रूलगी मूर्ति जोकीन ल्‍हा सिन माने खिताला स्‍यूसुङ।

हिब्रू 4:12

च्‍यिला सासीन परमेश्‍वर बातकी छ्य्‌वापेई मिओनगी जुनी ङेत्‍क्‍यो। दि बातकी छ्य्‌वापेकी परमेश्‍वरगी मि नाङ काम खिओ। ठाउँ ङिकारपा धार खाबाते आउदी नोम्‍बोते तरवारगी मिला रोपे खासीन दोन्‍नापेई ल्‍हाकनापासाकराङ फोत तोला थुप्‍क्‍यो थेमे रूबाताङ जोर्नीतेबा टाल्‍ला नाङदु ओताते काङ समेत देन्‍दा थुप्‍क्‍यो। होदोक्‍ते तरवार भन्‍दाङ परमेश्‍वर बातकी छ्य्‌वापेई परमेश्‍वरगी खित्‍च्‍येते काम खापान खापान छ्ये ईन। दि बातकी छ्य्‌वापेईराङ सुइँदेकी खाबाते कामताङ बात मिकी दाक्‍पोनगी खाबाते ईन्‍दाना परमेश्‍वर आत्‍मेकी खित च्‍युताते ईन्‍दे सिन डेला थुप्‍क्‍यो थेमे सुई च्‍यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्‍क्‍यो।

याकूब 1:18

परमेश्‍वरगीराङ ङुरूङला सत्‍यते बात छ्या स्‍ये च्‍युत्‍कीन थे खोरोङ फुज्‍युङ फुमु जोसुङ। दोक खाईन थेकी थे खोरोङगी जोबाते गाङे नाङ ङुरूङलाचेन थेला चढे खाबाते साम्‍बाते बाली च्‍योक जोसुङ।

१ पत्रुस 1:25

तर प्रभु परमेश्‍वर बातचेन नोमुङ फरक परे मिक्‍किओ,” सिन साला दुक। ख्‍योकोनला लाप्‍कीन बिन्‍दाते गा लाङच्‍येते बादोङ होदि परमेश्‍वर बातराङ ईन।

१ पत्रुस 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। थेकी ङुरूङला आउदी ङिङज्‍ये खाईन लोक्‍ला केर ज्‍युताच्‍योक खाईन साम्‍बाते जुनी बिन्‍सुङ। थेकी येशू ख्रीष्‍टला स्‍यिसादुकी सोम्‍बो लोक्‍पा ओतेकी थेकी खिओ साबाच्‍योक पक्‍काराङ खिओ सिन ङुरूङ आश खाईन गुकीन देताते बात नोमुङ फरक परे मिक्‍किओ।

१ यूहन्‍ना 3:9

परमेश्‍वर फुज्‍युङ फुमु ओङाते मि सुङगीङ पाप खिनराङ मेदेदो। च्‍यिला सासीन परमेश्‍वर थे मि आबा ओङगीन थे मि बानी खुदुक गाला ओत। परमेश्‍वर फुज्‍युङ फुमु ओङेकी थोक्‍ते मिओनगी पाप खिन देताराङ मुथुबो।

१ यूहन्‍ना 5:18

ङुरूङला दि बात लेमु खाला छ्या ओत। च्‍यि सासीन परमेश्‍वर फुज्‍युङ फुमु ओङाते मि सुङगीङ पाप खिन मेदेदो। परमेश्‍वर फुज्‍युङगी थेबाला रोकालो गोठालो खित्‍च्‍येते ईन्‍देकी मिला मेलेबा खित्‍कान्‍ते शैतानगी थेबाला रिक्‍ला द्वाबोङ मुथुबो।