१ पत्रुस 1:21 - जिरेल

²¹ थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

१ पत्रुस 1:21 Iomraidhean Croise

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

यूहन्‍ना 12:44

थेमे येशूकी मि गाङेकी थोच्‍या खाईन “ङाला विश्‍वास खित्‍कान्‍ते मिकीचेन ङालाकामा मेन्‍देकी ङाला दुरू तोङकान्‍तेलाङ विश्‍वास खाबाते ईन।

यूहन्‍ना 14:1

थेमे येशूकी चेलातेबा गाङेला “ख्‍योकोन पीर माकेत, ज्‍यीबाङ माकेत। परमेश्‍वरला विश्‍वास खिता मातोङ। ङालाङ विश्‍वास खिन देत।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 17:1

दि बाततेबा साकीन सिन्‍नामेकी येशूकी नामने ताकीन “आबा, था खुई फुज्‍युङ चुक छ्ये ईन्‍दे सिन मिओनगी छ्या स्‍येच्‍येते बेला लेप्‍कीन सिन्‍सुङ। थोगी खुई थे चुक छ्ये ईन्‍दे सिन मिओनला छ्या स्‍ये छ्युत। थेमे खुई फुज्‍युङगी आबा खो चुक छ्ये ईन्‍दे सिन तेन्‍ला तेरग्‍यो।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

यूहन्‍ना 17:5

दि सा लुङबा ज्‍वा भन्‍दा गोमा ङा आबा खोत्ताङराङ छ्येज्‍यीक मान ङेत्‍कीन देता ओतान। आबा खोरोङ दोन्‍दु ङा होथोक छ्येज्‍यीक मान ङेत्‍कीन देताते बात था मिओनला खुई छ्या स्‍ये छ्युत।

यूहन्‍ना 3:34

परमेश्‍वरगी ताङातेकीचेन परमेश्‍वरगी सि साबाते बातराङ सिओ। परमेश्‍वरगी थेला दोस्‍यिक थोस्‍यिक सिन सिरा मुथुप्‍च्‍या खाईन तेरासम्‍म परमेश्‍वर आत्‍मा बिन्‍दा ओत।

शक्ति काम 2:24

ख्‍योकोनगी थोक खाबा ईन्‍सीनोङ परमेश्‍वरगीचेन थेला कालगी खादुकी टाल्‍गीन स्‍यिसादुकी सोम्‍बो लोक्‍सुङ। च्‍यिला सासीन थेनी स्‍यिच्‍येते कालला ग्‍याल्‍ला सोम्‍बो लोक्‍पाराङ फाप्‍च्‍या ओतान।

शक्ति काम 3:13

बात चुक ईन्‍दे सासीन थरिङ दि अचम्‍बते काम खित च्‍युत्‍कीन ङुरूङ ज्‍युज्‍यु पुर्खा अब्राहाम, इसहाकताङ याकूबकी माने खाबाते परमेश्‍वरगी थे खोरोङ काम खित्‍कान्‍ते येशूताङ चुक छ्येज्‍यीक शक्ति ओते सिन छ्या स्‍ये च्‍युत्‍कीन बिन्‍दाते ईन। येशूला सेता फाप्‍क्‍यो सिन ख्‍योकोनगीचेन ज्‍येन जातकी मिओन लाःक्‍तु सोम्‍पे खासुङ। थेमे रोमी गेल्‍बो हाकिम पिलातसकी थेते छ्याःङ गल्‍ती मिन्‍दुक सिन तोङा छोल्‍जीनोङ ख्‍योकोनगी थेला मातोङ, थेलाचेन सेताराङ फाप्‍क्‍यो सिन साकीन

शक्ति काम 3:15

दोस्‍यिककामा मेन, ख्‍योकोनगीनी मिओनला जुनी तेरकान्‍तेलाराङ सेत च्‍युताते ईन। परमेश्‍वरगीचेन थेला स्‍यिसादुकीङ सोम्‍बो लोक्‍पा ओत। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 4:10

लो थोक ईन्‍सीन ङ्योकोनगी नासरतपे येशू ख्रीष्‍ट मिन लाकीन दि मि ख्‍याम्‍बा थुप्‍स्‍यीत सानामेई थेकीराङ दिला ख्‍याम्‍बा थुप्‍च्‍या जोबाते ईन। दि बात था ख्‍योकोनगीकामा मेन, इस्राएली गाङेकी छ्या स्‍येबा खि। थोक खित्‍कान्‍ते येशू ख्रीष्‍टला ख्‍योकोनगीचेन स्‍यिङगी थामला टाँए खाईन सेत च्‍युत्‍सुङ। ख्‍योकोनगी थोक खासीनोङ परमेश्‍वरगी थेला स्‍यिसादुकी सोम्‍बो लोक च्‍युता ओत।

रोमी 10:9

थोगी था ख्‍योकोनगी ज्‍येनगी दोन्‍दु येशूराङ छ्ये ईन, थेराङ प्रभु ईन सिन सासीन थेमे परमेश्‍वरगी थेला स्‍यिसादुकीङ सोम्‍बो लोक्‍पाते बात पक्‍काराङ ईन सिन पत्ते खासीन पापकी सजाय भोगे खिता माफाबो।

रोमी 4:24

थे बातचेन ङुरूङ लाईदुङ साबाते ईन। ङुरूङलाङ परमेश्‍वरगी दोषी मेन सिओ। च्‍यिला सासीन ङुरूङोङ ङुरूङ प्रभु येशूला स्‍यिसादुकी सोम्‍बो लोक्‍कान्‍ते परमेश्‍वरलाराङ विश्‍वास खित्‍कान्‍ते मि ईन।

२ कोरिन्‍थी 6:15

च्‍यि ख्रीष्‍टताङ शैतान डिक्‍पा थुप्‍क्‍योतरो? ना ख्रीष्‍टला विश्‍वास खित्‍कानताङ थेला विश्‍वास खाबा मेताते मिओनगी खित्‍च्‍येते दोक्‍पोईराङ ईन्‍दे?

एफिसी 1:15

बात दोक दोक ईन्‍देकी ख्‍योकोनगी प्रभु येशूला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिरा थोबा छुरनामेई परमेश्‍वरला प्रार्थना खित्‍जीन

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।

१ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। थेकी खटे खाबाते मिकी खिता फाप्‍च्‍येते काम खितालाचेन ङुरूङला पापदुकी डेल्‍कान्‍ते परमेश्‍वर थेमे था तिरी ग्‍युरला ओङगो सिन ङुरूङ आश खाईन गुकीन देता ओताते येशू ख्रीष्‍टकीराङ ङाला कोताते ईन।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

हिब्रू 2:9

तर ङुरूङगी येशू बात विचार खिइ। परमेश्‍वरगी मिला दया खाईन मि गाङे लाईदु स्‍याप्‍ला थेकी येशूला टिक्‍पी दिनगी लाईदु थे खोरोङ दूतओनला छेदोङ मान बिन्‍दा मेतान। मि गाङे लाईदु दुक्‍पा भोगे खाईन स्‍याप्‍की खित्‍सादु थाचेन परमेश्‍वरगी थेला छ्येज्‍यीक शक्तिताङ मान बिन्‍दा ओत।

हिब्रू 6:1

बात दोक ईन्‍देकी था ङुरूङगी ख्रीष्‍ट सु ईन्‍दे, थेकी च्‍यि खासुङा सिन शुरू शुरूला लोपा फाप्‍च्‍येते बातओनकामा लोप्‍कीन मेदेता खाला होदोक्‍ते बात लेमु खाला खोबा थुप्‍कान्‍ते पाकोते मि च्‍योक ओङा फाप्‍क्‍यो। च्‍यि सासीन थाचेन ङुरूङगी नरककुण्‍डमा स्‍यूक्‍च्‍येते काम खिता ताङला परमेश्‍वर छ्य्‌वापा लै खाला थेला विश्‍वास खित्‍च्‍येते,

हिब्रू 7:25

थोक ईन्‍देकीराङ खोपरोङला परमेश्‍वर दोन्‍दु खेरकान्‍ते थेराङ ईन सिन थे छ्य्‌वापा लै खित्‍कान्‍तेबाला थेकी पूरो खाला पापदुकी टाल्‍ला स्‍वर्गने देत ज्‍युत्‍क्‍यो। च्‍यिला सासीन थे सधैँभरि परमेश्‍वर दोन्‍दुराङ देत्‍ला थेबे लाईदु थेत्ताङ बात खिनराङ देत्‍क्‍यो।

१ पत्रुस 1:11

थेबे सेमगी नाङ ओताते ख्रीष्‍टकी आत्‍मेकी ख्रीष्‍टकी देमा वाला दुक्‍पा भोगे खाला स्‍या फाप्‍च्‍येते थेमे थे दुक्‍पा भोगे खाईन सिन्‍नामेई परमेश्‍वरगी थेला छ्येज्‍यीक मान तेरच्‍येते बात थेबाला छ्या स्‍ये च्‍युत्‍नामेई था च्‍यि बेलाला चुक चुक ओङजीन परमेश्‍वरगी थोक खिताका सिन थेबेकी छ्या स्‍येबा चाला ओतान।

१ पत्रुस 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। थेकी ङुरूङला आउदी ङिङज्‍ये खाईन लोक्‍ला केर ज्‍युताच्‍योक खाईन साम्‍बाते जुनी बिन्‍सुङ। थेकी येशू ख्रीष्‍टला स्‍यिसादुकी सोम्‍बो लोक्‍पा ओतेकी थेकी खिओ साबाच्‍योक पक्‍काराङ खिओ सिन ङुरूङ आश खाईन गुकीन देताते बात नोमुङ फरक परे मिक्‍किओ।

१ पत्रुस 3:22

थेचेन थरिङोला स्‍वर्गने गाल्‍गीन परमेश्‍वर सामे छ्य्‌वापा देता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे थे अधीनलाराङ ओत।