१ पत्रुस 1:20 - जिरेल

²⁰ दि सा नाम ज्‍वा भन्‍दा गोमाकाराङ परमेश्‍वरगी थेला मिओनला पापदुकी डेलाला छाने खाबा ओतान। थेमे ख्‍योकोनला दोक खाला लेमु खिताला थे दि जुग सिन्‍दे खाला देमा वाबाते ईन।

१ पत्रुस 1:20 Iomraidhean Croise

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

शक्ति काम 2:23

थोक ईन्‍सीनोङ ख्‍योकोनगीचेन थेला पापीओन लाःक्‍तु सोम्‍पे खाईन लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन सेत च्‍युत्‍सुङ। ईन्‍दानी थेकी थोक खाला स्‍या फाप्‍क्‍यो सिन परमेश्‍वरगी गोमाका साबा ओतान।

रोमी 3:25

मिओन पाप माफ ओङस्‍यीत सिन स्‍याप्‍ला परमेश्‍वरगी येशू ख्रीष्‍टला देमा ताङाते ईन। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु खोपरोङ पाप माफ ओङगो सिन थेला विश्‍वास खित्‍कान्‍ते मिओन पाप परमेश्‍वरगी माफ तेरग्‍यो। परमेश्‍वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्‍टकी खाबाते कामगी खित्‍सादु थेबे पाप माफ तेराप सिन थे थोक खाईन देत्‍कीन थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन मिओनला छ्या स्‍ये च्‍युत्‍सुङ।

रोमी 8:29

च्‍यि सासीन थेकी थेबाला थे खोरोङ फुज्‍युङ च्‍योकराङ लेमु ज्‍वाप सिन गोमामेई छाने खाबा ओतान। थे खोरोङ फुज्‍युङचेन छ्येते फुज्‍युङ च्‍योकराङ ओङला थेते न्‍वातेबा काल्‍बेई ओङस्‍यीत सिन परमेश्‍वरगी होथेबाला थोक खाईन छाने खाबा ओतान।

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

एफिसी 1:10

थे खोरोङगी तोके खाबाते ठीक समय छाङनामेईचेन गोमामेईराङ येशू ख्रीष्‍ट छ्य्‌वापेकी खिओ सिन थे खोरोङगी खिता चालाते काम थेकी खासुङ। दि काम च्‍यि ईन्‍दे सासीन स्‍वर्गने ओताते ईन्‍स्‍यीत, पृथ्‍वीदु ओताते ईन्‍स्‍यीत, जो ईन्‍सीनोङ जे ईन्‍सीनोङ गाङेला येशू ख्रीष्‍ट छ्य्‌वापेकी डिक्‍पा खाला थे अधीनलाराङ ज्‍य्‌वाच्‍येते ईन।

एफिसी 1:4

च्‍यि सासीन थे खोरोङ दोन्‍दु सेम खुदुक गालाते थेमे छ्याःङ गल्‍ती मेताते मि ओङस्‍यीत सिन ख्रीष्‍टकी खित्‍सादु थेकी ङुरूङला दि सा नाम ज्‍वा भन्‍दा गोमाराङ छाने खाबा ओतान। ङुरूङला ङिङज्‍ये खाईन

एफिसी 3:11

दोक दोकराङ खिओ सिन थेकी गोमा गोमामेकीराङ ठीक खाबा ओतान। ठीक खाबा ओता च्‍योकराङ खाईन थेकी ङुरूङ प्रभु येशू ख्रीष्‍ट छ्य्‌वापेकी थे कामतेबा खासुङ।

एफिसी 3:9

थेमे परमेश्‍वरगी गोमा सुङलाङ छ्या स्‍ये च्‍युता मेताते बात चुक खाईन छ्या स्‍ये च्‍युत्‍सुङा सिन मि गाङेला लेमु खाला खो ज्‍युत्‍च्‍येते ईन। दि सा नाम थेमे ओताते जति गाङे जोकान्‍ते परमेश्‍वरगी गोमा गोमा दि बात गाङेताङ ब्‍वाकीन ज्‍याक्‍पा ओतान।

कलस्‍सी 1:26

थोक खाला लोप सिन साबाते दि बातचेन सा नाम ज्‍वा भन्‍दाङ गोमामेकी थातासाक परमेश्‍वरगी सुङलाङ छ्या स्‍ये च्‍युता मेतान। थाचेन दि बात च्‍यि ईन्‍दे, चुक्‍ते ईन्‍दे सिन थेकी थे खोरोङ सन्‍तानओनला छ्या स्‍ये च्‍युता ओत।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

हिब्रू 1:2

थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

हिब्रू 9:26

दुरू पूजारीकी खिता च्‍योकराङ खिता फाप्‍च्‍या ईन्‍दा ईन्‍सीन दि सा नाम जोबा छुरला बाजि थोई थोई ख्रीष्‍टकी थे खोरोङ ज्‍यान तेरा फाप्‍च्‍या ओतान। तर मिकी खाबाते गाङे पापदुकी थेबाला डेलाला थे दि जुग सिन्‍दे खाला दुरू वाकीन बाजिईकामा थे खोरोङ ज्‍यान बिन्‍गीन स्‍याप्‍ते ईन।

१ पत्रुस 1:2

थे खोरोङगी गोमामेई खिता चाला च्‍योकराङ खाईन आबा परमेश्‍वरगी ख्‍योकोनला थे खोरोङ मि सिन छाने खाबा ओत। ख्‍योकोनगी येशू ख्रीष्‍टकी खि साबा साबा ङेन्‍स्‍यीत सिन परमेश्‍वर आत्‍मेकी ख्‍योकोन सेम खुदुक जोबा ओत। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु ख्‍योकोन पाप माफ ओङा ओत। आबा परमेश्‍वरताङ प्रभु येशू ख्रीष्‍टकी ख्‍योकोनला झन झन दया खाला लेमु खिनराङ देत्‍स्‍यीत।

१ यूहन्‍ना 1:2

मिओनला जुनी तेरकान्‍ते थे दुरू वाकीन ङ्योकोनगी थेला थोङाते ईन। ङ्योकोन ङेराङगी थोङाते थेमे थोबाते बात ख्‍योकोनला सिओ। मिओनला नोमुङ मिसिन्‍च्‍येते जुनी तेरकान्‍ते थे दुरू ओङा भन्‍दा गोमा आबा परमेश्‍वरताङ ङ्योम्‍बुराङ ओतान।

१ यूहन्‍ना 3:5

मिओनगी खाबाते पापकी सजाय भोगे खाला थेबाला पापदुकी डेलालाराङ येशू ख्रीष्‍ट दुरू वाबाते ईन सिन ख्‍योकोनला छ्याराङ ओत। थेकी नोमुङ पाप खाबा मेत।

१ यूहन्‍ना 3:8

पाप खिनराङ देत्‍कान्‍ते मिचेन शैतानताङ डिक्‍कान्‍ते ईन। शैतानगीनी च्‍याक दि जुग शुरू ओङजीनमेईराङ पापकामा खिन ओत। शैतानगी खित्‍च्‍येते काम गाङे ङ्ये च्‍युत्‍ला खतम ज्‍वाप्‍लाराङ परमेश्‍वर फुज्‍युङ दुरू वाबाते ईन।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।