१ पत्रुस 1:17 - जिरेल

¹⁷ थेमे परमेश्‍वरताङ प्रार्थना खित्‍जीन ख्‍योकोन थेला आबा सिन सिओ। थेकी सुङलाङ काका पाका मिक्‍किता खाला सुई चुक खाला दुका थे ताला न्‍याय खिओ। थोगी खेराङ दुरू मि लुङबे मि च्‍योकराङ ईन सिन सम्‍झे खाला सोन्‍ला देत देतसाकराङ ख्‍योकोनगी परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन लेमु खिन देत।

१ पत्रुस 1:17 Iomraidhean Croise

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 22:16

ठो खाईन थेबेकी खोपरोङ मिओनताङ कोई कोई हेरोद गेल्‍बो पाटी मिओनला येशूताङ बात खित ताङसुङ। थेमे थे मिओनगी येशू ओत्‍सादु लेप्‍कीन “गुरू, मिओनला खुई साँचोते बातकामा खिओ सिन ङ्योकोनला छ्या ओत। परमेश्‍वर बात लोप्‍जीन खो छ्ये छ्ये मि सुङताङ ज्‍यीबा मिक्‍किओ। परमेश्‍वरगी च्‍यि च्‍यि खि साबा ओते सिन छ्ये टेक्‍टे मेडेला खाला खुई गाङेला लेमु खाला लोप्‍क्‍यो।

मत्ती 6:9

ख्‍योकोनगीचेन परमेश्‍वरला दोक सिन प्रार्थना खि। चुक सासीन ‘स्‍वर्गने देत्‍कान्‍ते आबा परमेश्‍वर, मि गाङेकी खोल्‍ला मान खित्‍स्‍यीत।

रोमी 11:20

ईन्‍दानी ईन। तर दि बात टोक माज्‍येत। च्‍यि सासीन परमेश्‍वरगी खोपरोङला येशू ख्रीष्‍ट छ्य्‌वापेकी लेमु खिओ सिन पत्ते माक्‍याबेकी थेकी थेबाला थोक खाईन ताङाते ईन। थेमे ख्‍योकोनगीचेन थे बात पत्ते खाईन थेला विश्‍वास खिन देतेकी खित्‍सादुकामा थेबे साटोला थेकी ख्‍योकोनला थे खोरोङ मि ईन सिरच्‍येते ईन। थोगी छ्ये मिक्‍किता खाला बरू ख्‍योकोन ज्‍यीबाका खाला देत।

२ कोरिन्‍थी 1:2

ङुरूङ आबा परमेश्‍वरताङ प्रभु येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत।

२ कोरिन्‍थी 5:6

दोक खाला परमेश्‍वरगी होथोक्‍ते जीउ तेरच्‍येते ईन्‍देकी ङुरूङगी सेम सेता माफाबो। थरिङोले दि जीउ ओत ओतसाक प्रभु येशूताङ सधैँभरि देताराङ मेङेदो सिन ङुरूङला छ्याराङ ओत।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

२ कोरिन्‍थी 7:11

लो विचार खि, परमेश्‍वरगी ख्‍योकोन सेमला फोक्‍च्‍येते थे काम खानामेई ख्‍योकोनला थोई लेमु ओङसुङा। च्‍यि सासीन था ख्‍योकोनगी ङेत गोमा च्‍योक खितराङ मिक्‍किओ सिन खालि लेमु खित्‍च्‍ये छ्य्‌वापाकामा स्‍येत खिताला स्‍यूसुङ, खेराङगी ङाला गोमाबा च्‍यिला थोक मेलेबा खाताका, थोक खाबाते लेमु मेन्‍दाक्‍वा सिन छ्या स्‍येबाला स्‍यूसुङ, था ङे ख्‍योकोनला च्‍यि खिताना चुक सिताना सिन ज्‍यीबा खिताला स्‍यूसुङ, ख्‍योकोन था ङात्ताङ ठेताला आउदी सेम खिताला स्‍यूसुङ थेमे खेराङ नाङ मेलेबा खित्‍कान्‍ते मिला सजाय तेराला टुङ्गो खासुङ। दोक दोक खाईन ख्‍योकोनगी था खेराङ दोषी मेन सिन तेन्‍दाला स्‍यूसुङ।

गलाती 2:6

येशू ख्रीष्‍ट मिओनगी छ्येते मि ईन साबाते होथे मिओनगीचेन ङे लोप्‍कीन ओताते बातकी लाक्‍तु ज्‍येनोङ दोक दोक सिन लोप सिन सुङगीङ छ्याःङ मासासुङ। ईन्‍दानी थेबा गोमामेकी छ्ये टेक्‍टे जस्‍तो मि ईन्‍सीनोङ दोक्‍ते बात ङाला छ्याःङ मेन सिराच्‍योक लाङगीदुक। परमेश्‍वरगी मि छ्येत ताला काम मिक्‍किओ।

एफिसी 1:17

ङुरूङ प्रभु येशू ख्रीष्‍टते परमेश्‍वरगी थे खोरोङ चुक्‍ते ईन्‍दे थेमे चुक अचम्‍ब खाला काम खिन ओते सिन खोबाला ख्‍योकोनला बुद्धि तेरस्‍यीत सिन ङा प्रार्थना खिओ। परमेश्‍वरचेन छ्येज्‍यीक शक्ति ओताते आबा ईन।

एफिसी 3:14

आबा परमेश्‍वरगी खाबाते दि अचम्‍बते कामओन विचार खिन घुँडा चुला ङा थेला प्रार्थना खिओ।

एफिसी 6:9

थेमे मालिकतेबा ख्‍योकोनगीङ दाक्‍पोन योक्‍पो योङमुला लेमु खि। थेबाला ज्‍यीबा तेन्‍ला तेन्‍ला काम माकोत। ख्‍योकोनतेङ स्‍वर्गने मालिक ओत। थेचेन थेबेतेङ ख्‍योकोनतेङ मालिक ईन। थेमे थेकी सुङलाङ काका पाका मिक्‍किता खाला न्‍याय खिओ सिन ख्‍योकोनगी टोक माज्‍येत।

फिलिप्‍पी 2:12

ङिङज्‍येते आज्‍यो न्‍वावे, थातासाक ख्‍योकोनगी ङे लाःपा कोता च्‍योकराङ खिन वाबा ओत। ङा ङ्योम्‍बु ओत्‍जीन खाबा च्‍योकराङ खाला ङ्योम्‍बु मेदेत्‍जीनोङ ङे लाःपा कोताते झन लेमु खाला ङेन्‍गीन देत। चुक सासीन खेराङ पापदुकी टालाते मि ईन सिराला ख्‍योकोनगी काम बात जे खासीनोङ परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खाला लेमुते कामताङ बातकामा खिन देत।

कलस्‍सी 3:25

थेमे दि बादोङ टोक माज्‍येत। च्‍यि सासीन परमेश्‍वरगी सुङलाङ काका पाका मिक्‍किता खाला न्‍याय खिओ। मेलेबा काम खित्‍कान्‍ते मि जोराङ ईन्‍सीनोङ थेकी थेबे काम ताला सजाय तेरग्‍यो।

हिब्रू 12:28

थोगी ङुरूङ नोमुङ तोरला मोन्‍डोच्‍येते परमेश्‍वर राज्‍यदु देता ङेत्‍च्‍या ओङा ओतेकी ङुरूङगी परमेश्‍वरला धन्‍यवाद सिरा फाप्‍क्‍यो। दोक खिन थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेकी साबा च्‍योकराङ खाला थेला माने खिता फाप्‍क्‍यो।

हिब्रू 4:1

परमेश्‍वरगी मिओनला थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो सिन जमान खाबाते बात थोरूमोङ खुदुक गाला मेत। थेकी साबा च्‍योकराङ खाला देता ङेत्‍सादुई खेराङ सुङ माठाल्‍स्‍यीत सिन ङुरूङ च्‍याङबो खाला देता फाप्‍क्‍यो।

१ पत्रुस 2:11

ङिङज्‍येते आज्‍यो न्‍वावे, ख्‍योकोन दुरू टिक्‍पी दिनकामा देत्‍च्‍येते ईन्‍देकी मि लुङबे मि च्‍योकराङ ईन। थोगी ओर्च्‍ये, ख्‍योकोन ङे दोक्‍ते कामताङ बात खिता मेङगो सिन छ्या ओत्‍कीन ओत्‍कीनोङ ङे दोक माक्‍याबाला ओङराङ मेङगो सिराच्‍योक खाला खेराङ सेमला लाबा लाबा खित्‍च्‍येते नोमुङ छ्याःङ माकेत।

१ पत्रुस 3:15

बरू येशू ख्रीष्‍टराङ खेराङ मालिक ईन सिन टोक माज्‍येत, थेला मान खि। थेमे परमेश्‍वरगी तिरी तेरग्‍यो साबातेबा ङेत्‍क्‍यो सिन खेराङगी आश खाबाते पक्‍काराङ ङेत्‍क्‍यो सिन ख्‍योकोन चुक खाला सिते सिन ठिकान गाङेला ख्‍योकोनगी जहिलेङ लाःप्‍ला बिन। थेबे सेमला फोक्‍च्‍येते बात छ्याःङ मिक्‍किता खाला थोक्‍ते मिओनताङ ख्‍योकोनगी खा छ्येत लेमु खाला बात खि।