१ पत्रुस 1:15 - जिरेल

¹⁵ बरू सेमला पाप सिराते छ्याःङ मोज्‍योबा खाला काम बात जे खासीनोङ खेराङला थे खोरोङ दोन्‍दु स्‍योक सिन कातोङकान्‍ते परमेश्‍वरगी खाबा च्‍योकराङ खि। थे सेमला पाप सिराते छ्याःङ मेत।

१ पत्रुस 1:15 Iomraidhean Croise

मत्ती 5:48

बात दोक दोक ईन्‍देकी स्‍वर्गने देत्‍कान्‍ते ख्‍योकोन आबा परमेश्‍वरगी जे कुरोङ लेमुकामा खाबाच्‍योक खाला ख्‍योकोनगीङ लेमुकामा खि।

रोमी 9:24

थेकी थोक खिओ सिन टुङ्गो खाबाते मिओनचेन ङुरूङराङ ईन। थेकी ङुरूङला यहूदी नाङदुकीकामा मेन्‍देकी ज्‍येन ज्‍येन जातकी नाङदुकीङ थे खोरोङ दोन्‍दु स्‍योक सिन काताङा ओत।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

फिलिप्‍पी 3:14

दोक खाला ङा खालि ङाराङगी नाम इनाम ङेदोङा सिरच्‍ये छ्य्‌वापाकामा स्‍येत खिन देत्‍क्‍यो। ङे ङेत्‍च्‍येते इनामचेन स्‍वर्गने देता ङेत्‍च्‍येते ईन। येशू ख्रीष्‍टकी खाबाते कामगी खित्‍सादु परमेश्‍वरगी ङाला थेने देताला काताङाते ईन।

फिलिप्‍पी 3:20

ङुरूङचेन स्‍वर्गने देता ङेत्‍कान्‍ते मि ईन। ङुरूङला पापदुकी डेल्‍कान्‍ते प्रभु येशू ख्रीष्‍ट था नामराङ थेनेकी ग्‍युरला वाओङा सिन ङुरूङ गुकीन देता ओत।

१ थिस्‍सलोनिकी 2:12

थेमे परमेश्‍वर मिओनगी चुक चुक खिता फाप्‍कीते सिन लाप्‍कीन थोक खिन देत सिन लोप्‍कीन देताप। ख्‍योकोन थे खोरोङ राज्‍यदु देता ङेत्‍स्‍यीत थेमे थे खोरोङ चुक छ्ये ईन्‍दाका सिन लेमु खाला छ्या स्‍येस्‍यीत सिन थे खोरोङ दोन्‍दु स्‍योक सिन कातोङकान्‍ते परमेश्‍वरराङ ईन।

१ तिमोथी 4:12

खो थोरूमोङ स्‍याराराङ ओत्‍सीनोङ थोक खाला लोप्‍जीन कोत्‍जीन दि भर्खरगी फिजेकी साबाते बादोङ च्‍यि ङेन्‍च्‍ये, दिलाङ च्‍यि छ्या ओते सिन सिरच्‍येते लाम थेबा सुङलाङ मातेर। खो स्‍याराराङ दुक सिन हेपे मिक्‍किस्‍यीत सिन खोरोङगी खाबाते ताला येशू ख्रीष्‍टला विश्‍वास खित्‍कान्‍ते मिओनगी चुक चुक खिता फाप्‍च्‍या ईन्‍दाका सिन लोप्‍स्‍यीत सिन खुई दोक दोक खि। चुक सासीन खुई काम बात जे खासीनोङ लेमु खाला खि, ज्‍येनला ङिङज्‍ये खि, जे ओङसीनोङ येशू ख्रीष्‍टला विश्‍वास खिन देत, सेमला छ्याःङ पाप मोज्‍योबा खाला काम खि,

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।

तीतस 3:14

दोक खाला सुङगीङ दाक्‍पोनला छ्याःङ काम लै मिक्‍किच्‍येते मि मिसिरस्‍यीत सिन येशू ख्रीष्‍ट मिओनगीचेन सुइँदाला खाँचो परे खाबे बेलाला खइँदा तेरा फाप्‍सीन थोक खिता फाप्‍च्‍याक्‍वा सिन गाङेकी लोप्‍स्‍यीत।

तीतस 3:8

दि बात साँच्‍चीराङ ईन्‍दाते बात ईन। थोगी ङा खोल्‍ला च्‍यि सिते सासीन परमेश्‍वरला विश्‍वास खित्‍कान्‍ते थेरू मिओनगी लेमुते काम खित्‍च्‍ये छ्य्‌वापाकामा सेम लै खाला थोकराङ खित्‍स्‍यीत सिन थेबाला दि बात दोरे खाला खाला लाप्‍ला बिन। दि बात लेमु ईन्‍देकी मिओनगी ङेन्‍सुङ सासीन गाङेला लेमु ओङगो।

हिब्रू 12:14

थुपासम्‍म ख्‍योकोन ज्‍येन गाङेताङ डिक्‍ला थुन्‍ला देत। सेम खुदुक गालाते मिओनगी खिता फापा च्‍योकराङ परमेश्‍वरला मन परे खित्‍च्‍येते कामताङ बातकामा खि। दोक मिक्‍किकान्‍ते सुङगीङ प्रभु परमेश्‍वरला थोङा मेङेदो।

हिब्रू 13:5

थेमे ख्‍योकोनगी पैसे लोभ माकेत। खेराङताङ जति दुक थेलाराङ सन्‍तो खाला देत। च्‍यिला सासीन परमेश्‍वरगी “ङा ख्‍योकोनला सधैँ लेमु खाला तेइओ। नोमुङ ङा ख्‍योकोनला ताङला मोन्‍डोओ,” सिन साबा ओत।

याकूब 3:13

थेमे च्‍यि ख्‍योकोन सुइँदाला खेराङ आउदी बुद्धि ओताते थेमे जे बादोङ लेमु खाला छ्या स्‍येकान्‍ते मि ईन सिराच्‍योक लाङगीदुक? खोपरोङ थोक्‍ते मि ईन सिरकानगी खोपरोङताङ पक्‍काराङ बुद्धि ओत सिरच्‍येते बात छ्ये मिक्‍किता खाला काम बात जे खित्‍जीनोङ लेमु खाला खिता फाप्‍क्‍यो।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।

१ पत्रुस 3:16

ख्‍योकोनगी काम बात जे खित्‍जीनोङ हत्तेरिका ङे थोक खिता ओङच्‍या मेतान सिराच्‍योक लाङच्‍येते छ्याःङ माकेत। दोक्‍ते काम मिक्‍किता खाईन देत्‍सीन खेराङ ख्रीष्‍टकी मि ईन्‍गीन लेमु कामताङ बातकामा खाबा ओत्‍सीनोङ मेन्‍दा मेन्‍दे बात खाला खेराङला दोष लै खित्‍कान्‍ते मिओनगी खोपरोङगी ख्‍योकोन लेमु मि मेन साबाते बात ठीक मेन्‍दाक्‍वा सिन छ्या स्‍येला ङोचेकी खाराक्‍पा देत्‍क्‍यो।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।

१ यूहन्‍ना 3:3

तिरी पक्‍काराङ दोक ओङगो सिन आश खाला देत्‍कान्‍ते मिकीचेन ख्रीष्‍टकी च्‍योकराङ मेलेबा काम सिराते छ्याःङ मिक्‍किता खाला देत्‍क्‍यो।

छ्या स्‍ये च्‍युताते बात 3:7

फिलाडेल्‍फिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन सेमला पाप सिराते छ्याःङ मेताते, खिओ साबा च्‍योकराङ खित्‍कान्‍ते ङा सिन ओत। ङात्ताङ गेल्‍बो दाऊद सारगी गो बेत्‍च्‍येते साँचो ओत। ङे पेताते गो सुङगीङ च्‍येता मुथुबो थेमे ङे च्‍येताते सुङगीङ बेताङ मुथुबो।

छ्या स्‍ये च्‍युताते बात 4:8

थेबा स्‍यीकारते स्‍योक्‍पा ठुक ठुक ओतान। थेमे स्‍योक्‍पाओनलाङ लाक नाङ मिकराङ मिक ओतान। थेमे थेबाचेन ङीन नुप रकस्‍यिकोङ खाराक्‍पा मेदेता खाला “गाङे भन्‍दा छ्येज्‍यीक शक्ति ओताते प्रभु परमेश्‍वर, खो मेलेबा सिराते छ्याःङ मिक्‍किकान्‍ते ईन। सेमला पाप सिराते छ्याःङ मेताते खोकामा ईन। खो गोमा ओतान, थरिङोलाङ ओत थेमे तिरी तिरीसाकराङ देत्‍कान्‍तेङ खोराङ ईन,” सिनराङ देत्‍कीन ओतान।

छ्या स्‍ये च्‍युताते बात 6:10

थेबाचेन छेरा खिनकामा “प्रभु परमेश्‍वर, खो सेमला पाप सिराते छ्याःङ मेताते थेमे खिओ साबा च्‍योकराङ खित्‍कान्‍ते ईन। थोरूमोङ खो नामसाक सा लुङबे मिओन न्‍याय मिक्‍किते? ङ्योकोनला सेताते सजाय थेबाला नाम तेरच्‍ये?” सिन ओतान।