१ पत्रुस 1:13 - जिरेल13 परमेश्वरगी ख्योकोनला दोक लेमु खाबा ओतेकी था ख्योकोनगी थेकी खि साबाते काम खित्च्ये छ्य्वापाकामा स्येत खि। दाक्पोन सेम काबूला स्योक। थेमे येशू ख्रीष्ट ग्युरला ओङे छोमु परमेश्वरगी ख्योकोनला दया खाला पूरो खाला पापदुकी टाल्ला लेमु खिओ साबाते पक्काराङ खिओ सिन खेराङगी आश खाईन देता च्योकराङ ओङगो सिन टोक माज्येत। Faic an caibideil |
१ पत्रुस 1:13
35 Iomraidhean Croise
चुक सासीन ङुरूङगी गाङे ङोन्दु खिता ओङच्येते कामताङ बातकामा खिता फाप्क्यो। ज्येनताङ रूला भक्कुचूर सोला थुला मोज मज्जा खित्च्येते, छ्याङ रक्सीकी जिला ख्याम्च्येते थेमे रन्डीबाजीताङ होदि च्योक्ते खिता मेङच्येते ङोचा लाङच्येते काम खिता मेङगो। ज्येनताङ थोम्मु जीङगा खित्च्येते थेमे मिला डार खित्च्येतेङ खिता मेङगो।
ज्येनतोक गाङे ङीमा लेनज्यीक छ्याःङ काम लै मिक्किच्या गाल्सीनोङ परमेश्वरला विश्वास खित्च्येते, थेकी ङुरूङला तेरग्यो साबाते ङेत्क्यो सिन खित्च्येते आश थेमे ज्येनला ङिङज्ये खित्च्येते दि बात सुमचेन नोमुङ छ्याःङ काम लै मिक्किच्या मोन्डोओ। दि बात सुमगी नाङदुङ छ्येते बातचेन ज्येनला ङिङज्ये खित्च्येतेराङ ईन।
थोगी ङा परमेश्वरगी खि साबा साबा च्योकराङ खित्कान्ते मि ईन सिन था ङे इनाम ङेत्क्यो। थे इनामचेन सुङलाङ काका पाका मिक्किता खाला न्याय खित्कान्ते प्रभु येशू ख्रीष्टकी थे खोरोङ ग्युरला ओङे छोमु ङाला तेरग्यो। थे इनाम थेकी ङालाकामा मेन, थे स्वर्गनेकी ग्युरला ओङगो सिन गा खिन गुला देत्कान्तेबा गाङेला तेरग्यो।
ख्रीष्टकीङ थे खोरोङ काम लेमु खाईन खाबा ओतान। तर थेचेन मोशा च्योक्ते मेन। मोशा सुइँदे खाम्बादु काम खित्कान्ते मि च्योक ओतान सासीन ख्रीष्टचेन होथे खाम्बे धनी फुज्युङ च्योकराङ ईन। थेमे ङुरूङचेन थे खाम्बे मि ईन। थोक ईन्सीनोङ जस्तो ओङजीनोङ ज्यीबा मिक्किता खाईन थेमे सेम मेसेता खाईन परमेश्वरगी था तिरी दाक्पोनला तेरग्यो साबाते गाङे ङेत्क्यो सिन थेला विश्वास खिन देत्सीनकामा ङुरूङ थे खाम्बे मि ईन।
दाक्पोनगी आश खाईन देताच्योक पक्काराङ ओङगो सिन छ्या ओतेकी दोक ओङगीता मेङता सिन ङुरूङ नोमुङ छ्याःङ ज्यीबा मिक्किता खाला देता थुप्क्यो। ङुरूङगी आश खाईन देता च्योकराङ खाला ङुरूङला परमेश्वर दोन्दु खेराला येशू गाङे भन्दा छ्येते पूजारी ओङगीन ङुरूङ भन्दा गोमाका पर्दे ल्हाकनापा परमेश्वर दोन्दु गाङे भन्दा छ्येते पूजारीकामा ड्वा ङेत्च्येते ठाउँदु गाल्गीन देता ओत। येशू मल्कीसेदेक च्योकराङ गाङे भन्दा छ्येते पूजारी ओङा ओत। थे सधैँभरि गाङे भन्दा छ्येते पूजारी ओङला देत्क्यो।
थोक ईन्देकी मि काल्बेईला थेबेकी खाबाते गाङे पापदुकी डेलाला ख्रीष्टोङ बाजिईकामा थे खोरोङ ज्यान बिन्गीन स्याप्ते ईन। था थे लोक्ला देमा ग्युरला ओङगो। थोक खाला ओङच्येते लोक्ला गोमा च्योकराङ मि पापकी सजाय भोगे खाला स्याप्ला मेन। थानी ङीमाई थे ग्युरला ओङगो सिन गुकीन देताते मिओनला पूरो खाला पापदुकी टाल्ला स्वर्गने देत खेराला लिन्दालाका ओङच्येते ईन।
बरू येशू ख्रीष्टराङ खेराङ मालिक ईन सिन टोक माज्येत, थेला मान खि। थेमे परमेश्वरगी तिरी तेरग्यो साबातेबा ङेत्क्यो सिन खेराङगी आश खाबाते पक्काराङ ङेत्क्यो सिन ख्योकोन चुक खाला सिते सिन ठिकान गाङेला ख्योकोनगी जहिलेङ लाःप्ला बिन। थेबे सेमला फोक्च्येते बात छ्याःङ मिक्किता खाला थोक्ते मिओनताङ ख्योकोनगी खा छ्येत लेमु खाला बात खि।
दि चिट्ठी ङे सिल्वानसला टिक च्युताते ईन। सिल्वानसचेन खिओ साबा च्योकराङ खित्कान्ते मि ईन। दि ङेते ङाराङ न्वा च्योकराङ ईन। जति दुक्पा ओङजीनोङ ख्योकोन सेम मेसेता खाला देत्स्यीत सिन आँट तेराला थेमे परमेश्वरगी पक्काराङ दया खिओ सिन ख्योकोनगी लेमु खाला छ्या स्येस्यीत सिन ङे थुम्मी खाईन दि चिट्ठी टिबाते ईन। परमेश्वरगी खेराङला दया खिनराङ देत्स्यीत सिन थेला माने खिन देता मातोङ।
Sanasan