१ पत्रुस 1:12 - जिरेल

¹² परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।

१ पत्रुस 1:12 Iomraidhean Croise

मत्ती 11:25

थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

मत्ती 11:27

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो।

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

मर्कूस 16:15

थेमे थेकी थेबाला “लो थाचेन सा लुङबा खाङ गाङेपा गाल्‍ला गाङेपे मिला गा लाङच्‍येते बात लोप।

लूका 15:10

ङा ख्‍योकोनला च्‍यि सिते सासीन तोराते डबल ङेत्‍नामेई थे फेम्‍मे मि गा खाबा च्‍योकराङ खाला सुइँदा पापीज्‍यीककामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन परमेश्‍वर दूतओनोङ आउदी खाला गा खिओ,” सिन सिदुक।

लूका 2:26

प्रभु परमेश्‍वरगी तोङगो साबाते ख्रीष्‍टला थोङनामेईकामा थे स्‍यिइओ सिन परमेश्‍वर आत्‍मेकी थेला छ्या स्‍ये च्‍युता ओतान।

लूका 9:6

थेमे थे चेलाओनगी गाङेपा युगीन युल युलला गा लाङच्‍येते बात लाप्‍सुङ, नाबाते मिओनलाङ ठाक्‍पा खासुङ।

यूहन्‍ना 15:26

आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

शक्ति काम 10:44

पत्रुस थोक सिन बात खिनराङ ओतान। थे बात खिन खिनलाराङ थेरू बात ङेन्‍कान्‍ते मि गाङेकी परमेश्‍वर आत्‍मा ङेत्‍सुङ।

शक्ति काम 16:10

पावलला थोक ओङनामेकी था गा लाङच्‍येते बात लोपाला पावलबा ङ्योकोन गाङेला परमेश्‍वरगी म्‍यासिडोनियापा तोङा चालाते दुका सिन छ्या स्‍येकीन ङ्योकोन गाङेराङ थेपा ड्वाप्‍ला जेसुकै ठिक्‍क खाबाप।

शक्ति काम 2:33

थोक खाईन सोम्‍बो लोक्‍नामेकी परमेश्‍वरगी थेला छ्येज्‍यीक मान बिन्‍गीन थे खोरोङ सामे छ्य्‌वापा ज्‍याक्‍पा ओत। थे खोरोङगी मिओनला तेरग्‍यो साबाते परमेश्‍वर आत्‍मा तेरच्‍येते जिम्‍मा थेकी येशूला बिन्‍सुङ। आबातेकी जिम्‍मा बिन्‍दा च्‍योकराङ खाईन थेकी ङ्योकोनला परमेश्‍वर आत्‍मा बिन्‍सुङ। ख्‍योकोनगी थरिङ थोङातेताङ थोबाते बात ङ्योकोनगी परमेश्‍वर आत्‍मा ङेतेकी खित्‍सादुराङ ईन।

शक्ति काम 4:31

थोक खाईन प्रार्थना खाईन सिन्‍नामेकी थेबा देताते खाम्‍बाराङ लीक्‍सुङ। थेमे थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी छ्याःङ ज्‍यीबा मिक्‍किता खाईन मिओनला परमेश्‍वर बात लाप्‍सुङ।

शक्ति काम 4:8

थोक सिरजीन पत्रुसकी परमेश्‍वर आत्‍मे छ्य्‌वापेई थेबाला “गाङे छ्येवे,

शक्ति काम 8:25

थेरूकी पत्रुसताङ यूहन्‍नेकी थेबा खोपरोङगी थोङातेताङ थोबाते प्रभु येशू बात गाङे थे सारगी मिओनला लेमु खाईन लाप्‍कीन बिन्‍सुङ। थोक खाईन सिन्‍नामेकी तिरी थेबा ङिबो यरूशलेमपा ग्‍युरगीन गाल्‍सुङ। थेपा लामला डोजीनोङ थेबेकी सामरीओन देता ओताते युल काल्‍बेईला गा लाङच्‍येते बात लोप्‍कीन गाल्‍सुङ।

रोमी 1:15

दोक ईन्‍देकीराङ थुप थुपला थेपा रोम सारदु ओताते ख्‍योकोन नाङदुङ दि बात लोप ओङाला ङाला आउदी सेम लाबाते ईन।

रोमी 1:17

च्‍यिला सासीन परमेश्‍वरगी चुक खाला मिओनला दोषी मेन सिते थेमे येशूला विश्‍वास खित्‍कान्‍ते मिलाचेन विश्‍वास खाबेकी खित्‍सादु परमेश्‍वरगी दोषी मेन सिओ सिन गा लाङच्‍येते बातलाराङ साबा ओत। बात दोकराङ ईन सिन परमेश्‍वर बातला “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 10:15

लोक्‍ला थे बात लोप्‍कान्‍ते मिलाङनी थोक खि सिन सुइँदेकी तोङा फाप्‍सुङ मेनरो? तर थे बात लोप्‍कान्‍ते मिओन परमेश्‍वरगी ताङगीन सिन्‍दा ओत सिन परमेश्‍वर बातला “गा लाङच्‍येते बात लोप्‍कान्‍ते मि ओङजीन थोई लेमु ईन्‍दाका,” सिन साबा ओत।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

१ कोरिन्‍थी 2:10

परमेश्‍वर बातला साबा च्‍योकराङ खाईन थे खोरोङगी गोमा सुङलाङ छ्या स्‍ये च्‍युता मेताते बात परमेश्‍वरगी ङुरूङलाचेन थे खोरोङ आत्‍मे छ्य्‌वापेई छ्या स्‍ये च्‍युता ओत। परमेश्‍वर आत्‍मेकीचेन गाङे बात छ्या स्‍येक्‍यो, परमेश्‍वरगी च्‍यि खिता चाल्‍ला दुका सिरच्‍येते बात समेदोङ छ्या स्‍येक्‍यो।

२ कोरिन्‍थी 1:22

ङुरूङ थोक्‍ते मि ईन सिन थेकी ङुरूङला थे खोरोङ छाप ग्‍यापा ओत थेमे थे खोरोङगी तेरग्‍यो साबाते गाङे तेरग्‍यो सिन पक्‍का खिताला थेकी ङुरूङला परमेश्‍वर आत्‍मा बिन्‍दा ओत।

२ कोरिन्‍थी 6:6

ङ्योकोन मेलेबा काम सिराते छ्याःङ मिक्‍किओ। परमेश्‍वरगी ङ्योकोनला थे खोरोङ बाततेबा लेमु खाईन छ्या स्‍ये च्‍युता ओत। ङ्योकोन सेम मेसेता खाला काम खिओ, ज्‍येनला दया खिओ, परमेश्‍वर आत्‍मेकी खि साबाते कामकामा खिओ थेमे खेकीकामा मेन्‍देकी ङ्योकोन ज्‍येनला पक्‍काराङ खाला ङिङज्‍ये खिओ।

गलाती 1:12

दि बात ङे सुइँदेकी लोप्‍कीन ओते बेलाला थोबातेङ मेन, ङाला सुइँदा मिकी लाप्‍कीन बिन्‍दातेङ मेन। दि बातनी ङाला येशू ख्रीष्‍ट थे खोरोङगीराङ छ्या स्‍ये च्‍युत्‍कीन बिन्‍दाते ईन।

गलाती 1:16

थे खोरोङ फुज्‍युङ सु ईन्‍दे सिन ठेत च्‍युत्‍कीन बिन्‍सुङ। थे फुज्‍युङ सु ईन्‍दे, चुक्‍ते ईन्‍दे सिरच्‍येते बात ज्‍येन ज्‍येन जातकी मिला लोप सिन परमेश्‍वरगी ङाला थोक खाबा ओतान। थोक ओङनामेई था च्‍यि खित्‍च्‍ये, चुक खित्‍च्‍ये सिन ङे सुङ मित्ताङ सल्‍लाह माला।

एफिसी 3:10

थाचेन गाङेपा जम्‍मा ओङकान्‍ते येशू ख्रीष्‍ट मिओनला ताला थे खोरोङगी थेबे लाईदु खाबाते कामतेबा चुक आउदी बुद्धि पुरे खाईन खाबाते ईन्‍दे सिन परमेश्‍वरगी स्‍वर्गने ओताते छ्ये टेक्‍टे थे खोरोङ दूत गाङेला छ्या स्‍ये च्‍युत्‍कीन बिन्‍सुङ।

१ थिस्‍सलोनिकी 2:9

आज्‍यो न्‍वावे, ख्‍योकोनला परमेश्‍वरते गा लाङच्‍येते बात लोप्‍जीन ख्‍योकोन सुङलाङ छ्याःङ दुक्‍पा तेरा माफाप्‍स्‍यीत सिन ङेराङ लाईदु साप थुङा ङ्य्‌वाप्‍ला ङीन नुप ठोत थेनथेन काम खाबाप। ङ्योकोनगी थोक खाबाते बात ख्‍योकोनगी टोक ज्‍येता मेतासीन।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

हिब्रू 11:13

परमेश्‍वरगी तेरग्‍यो सिन साबाते लुङबा अब्राहाम, इसहाक थेमे याकूबकी खोपरोङ स्‍या बेलासाकोङ ङेता मेतान। ईन्‍सीनोङ थे खोरोङगी जमान खाबाच्‍योक परमेश्‍वरगी ङीमाई दाक खिओ सिन थेला विश्‍वास खाबेकी थेबेकी थे ङेता छेतराङ ठाने खाईन स्‍यिसुङ। थेबा खोपरोङ दि सा लुङबादु खालि लामला ख्‍याम्‍कान्‍ते मि लुङबे मि च्‍योकराङ ईन सिन थेबाला छ्या ओतान।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।

हिब्रू 4:2

मोशे पालो मिओनला च्‍योकराङ ङुरूङलाङ गा लाङच्‍येते बात लापा ओत। थे बात थोसीनोङ थेबाला थे नोमुङ माथोबा छेतराङ ओङसुङ। च्‍यिला सासीन थेबेकी परमेश्‍वरगी जमान खाबा च्‍योकराङ खाला खोपरोङला ढुक्‍क खाला देत ज्‍युत्‍क्‍यो सिन पत्ते माक्‍यासुङ।

१ पत्रुस 1:25

तर प्रभु परमेश्‍वर बातचेन नोमुङ फरक परे मिक्‍किओ,” सिन साला दुक। ख्‍योकोनला लाप्‍कीन बिन्‍दाते गा लाङच्‍येते बादोङ होदि परमेश्‍वर बातराङ ईन।

१ पत्रुस 4:6

ङीमाई परमेश्‍वरगी दोक खाला न्‍याय खित्‍च्‍येते ईन्‍देकीराङ स्‍यिइन सिन्‍दाते मिओनलाङ गा लाङच्‍येते बात लापाते ईन। थोक खाबातेचेन थेबेकी सोन सोनसाक चुक खाला दुका थे ताला थेबे न्‍याय खिता थुप्‍स्‍यीत थेमे परमेश्‍वरगी तेरा चालाते नोमुङ मिसिन्‍च्‍येते जुनी ङेत्‍स्‍यीत सिन ईन।

छ्या स्‍ये च्‍युताते बात 5:11

थेमे लोईन ताजीन ङे थे सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे फेरो खाङ परमेश्‍वर दूत काल्‍बेई थोङसुङ। ङे थेबे ङोरोङ थोसुङ। थेबाचेन ङोला ङ्वा मुथुप्‍च्‍या मुन्‍तीसरी ओतान।