१ पत्रुस 1:1 - जिरेल

¹ दि चिट्ठी टिक्‍कान्‍ते ङा पत्रुस ईन। ङा येशू ख्रीष्‍टकी खटे खाबाते मि ईन। ङा दि चिट्ठी पोन्‍टस, गलातिया, कापाडोसिया, एशिया थेमे बिथिनिये नाङला मि लुङबे मि च्‍योकराङ ओङगीन लुङबा लुङबाला गाल्‍गीन देता ओताते मिओनला टिगीन ओत। ख्‍योकोन परमेश्‍वरगी छाने खाबाते मि ईन।

१ पत्रुस 1:1 Iomraidhean Croise

मत्ती 10:2

थोक खाईन थेकी खटे खाबाते मेन्‍दा च्‍युन्‍ङी नाङ दोक्‍पोईचेन शिमोन ओतान। थेला पत्रुस सिनोङ मिन ज्‍याक्‍पा ओतान। ज्‍येन मेरा च्‍युच्‍यीकचेन शिमोन आज्‍यो अन्‍द्रियास, जब्‍दी फुज्‍युङ ङिबो याकूबताङ थे न्‍वा यूहन्‍ना,

मत्ती 24:22

थे खोरोङ सन्‍तान सिन छाने खाबाते मिओनगी थे दुक्‍पा खपे खिन देता माफाप्‍स्‍यीत सिन परमेश्‍वरगी थोक दुक्‍पा ओङच्‍येते दिन घटे खाबा ओत। थोक माक्‍याबा ईन्‍सीन थेजीन सुङ मि सोन्‍ला देता मुथुबो।

मत्ती 4:18

ङीमाई येशू गालील समुन्‍द्रे छेउकी नाङपा ख्‍याम्‍गीन ओतान। ख्‍याम्‍गीन डोजीन थेकी थेरू ङ्या सेत्‍कान्‍ते मेन्‍दा ङि मिला थोङसुङ। थेबाचेन शिमोनताङ थे आज्‍यो अन्‍द्रियास ओतान। शिमोनलाचेन तिरी पत्रुस सिनोङ सिन ओतान। थेबा पुन ङिबो ङ्या सेताला जाल देगीन ओतान।

लूका 18:7

थोक्‍ते न्‍यायाधीशकीनी न्‍याय खाईन बिन्‍सुङ सासीन च्‍यि थे खोरोङगी छाने खाबाते मिओनगी दुक्‍पादुकी टाल्‍ला नाङ सिन ङीन नुप प्रार्थना खित्‍जीन परमेश्‍वर नामज्‍योकराङ मेसेता खाला देत्‍क्‍योतरो? ना थेकी गु च्‍युत्‍ला च्‍युत्‍लाकामा थेबेकी खाबाते बिन्‍ती ङेन्‍ग्‍यो सिराच्‍योक लाङगीका?

यूहन्‍ना 11:52

थेबे लाईदुकामा मेन, लुङबा लुङबाला देता ओताते परमेश्‍वर फुज्‍युङ फुमु गाङेला डिक्‍पा खाला सेमज्‍यीकराङ खाला देत ज्‍युताला थे थोक खाला स्‍यिइओ सिन कैयाफेकी थोक साबा ओतान।

यूहन्‍ना 7:35

थेकी थोक सिरजीन यहूदीओनते छ्ये छ्ये मिकी “आछ्यि दिकी चुकस्‍यिक बात खिका। ङुरूङगी थेपराङ मेथेप्‍साला डुइओ सिरच्‍या दि खापा ड्वाप सिताका? ना दि ठाउँ ठाउँला ग्रीकओन नाङ गाल्‍गीन देता ओताते यहूदीओन ओत्‍साला गाल्‍ला ग्रीकओनला दि खोरोङ बात लोपा सिताका?

शक्ति काम 18:2

थेरू थेकी अक्‍वीला सिराते यहूदीज्‍यीकला ठेत्‍सुङ। थेचेन पोन्‍टस सिरसापे मि ओतान। तर थे रोमदु वाकीन देता ओतान। रोमी गेल्‍बो क्‍लौडियसकी रोमदु ओताते यहूदी गाङेला थेन्‍ला ग्‍युक सिन हुकुम बिन्‍देकी थेचेन थे खोरोङ फेम्‍मे प्रिस्‍किलाला टीकीन इटाली लुङबादुकी भर्खरकामा कोरिन्‍थपा लेपा ओतान। थेबाला ठेत्‍नामेई पावल थेबा देत्‍सापा गाल्‍सुङ।

शक्ति काम 18:23

टिक्‍पी दिन एन्‍टिओखियादु देत्‍नामेकी याङराङ थे गलातियाताङ फ्रिगिये अञ्‍चल नाङपा गाल्‍सुङ। थेमे थेङला ओताते येशू चेलाओनला ठेता खाईन थेकी गाङेला जस्‍तोराङ ओङसीनोङ येशूला विश्‍वास खिता मातोङ सिन आँट बिन्‍सुङ।

शक्ति काम 19:10

लो ङिसाक थे थेरूराङ थोक खाला लोप्‍कीन देत्‍सुङ। थोक खाईन एशिये अञ्‍चल खाङ प्रभु येशू बात फैले खाईन थेङला ओताते यहूदी ईन्‍स्‍यीत, ग्रीक ईन्‍स्‍यीत गाङेकी थे बात थोसुङ।

शक्ति काम 6:9

तर कोई कोई यहूदीला थेकी खाबाते कामताङ बात लेमु मालाकीन थेबा थेत्ताङ माडिक्‍सुङ। थेबेते मिटिङ खित्‍च्‍येते खाम्‍बाङ खोपरोङते खुदुकराङ ओतान। थेबाला योक्‍पो योङमु खित्‍सादुई ताङाते मि ईन सिन सिरच्‍येते खिन ओतान। साइरेनीताङ अलेक्‍जेन्‍ड्रिया सार थेमे सिलिसियाताङ एशिये अञ्‍चल नाङपेकी वाकीन देताते ज्‍येन ज्‍येन यहूदीङ दिबाताङ डिक्‍पा ओतान। होदिबा गाङेराङ डिगीन स्‍तिफनसकी खाबाते बात ङेन्‍दा ओङच्‍येते मेन सिन थेत्ताङ टेकाटेउरी खासुङ।

शक्ति काम 8:4

यरूशलेमदुई छरपुट्ट गाल्‍गीन गालाते मिओनगी खोपरोङ गाल्‍सा गाल्‍साला मि गाङेला गा लाङच्‍येते बात लोपाला स्‍यूसुङ।

१ कोरिन्‍थी 16:19

एशिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनगी ख्‍योकोनला नमस्‍ते ओत्‍लो। अक्‍वीलाताङ प्रिस्‍का थेमे थेबे खाम्‍बादु जम्‍मा ओङकान्‍ते येशू ख्रीष्‍ट मिओनतेङ प्रभु येशू छ्य्‌वापेई ख्‍योकोनला काल्‍बेई नमस्‍ते ओत्‍लो।

२ कोरिन्‍थी 1:8

आज्‍यो न्‍वावे, थाचेन ङा ख्‍योकोनला एशिये अञ्‍चलदु ओत्‍जीन ङ्योकोनगी चुकस्‍यिक दुक्‍पा भोगे खिता फापा ओताने सिन सिरामीन। थेरू ङ्योकोनगी नोमुङ टोक ज्‍येता मुथुप्‍च्‍याज्‍यीक खपेराङ खिता मुथुप्‍च्‍याई दुक्‍पा भोगे खिता फापा ओतान। था सोन्‍दा थुबोङ सिरच्‍येतेनी ङ्योकोनते सेमगी छेउलाङ मेतान।

गलाती 1:2

गलातिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मि ख्‍योकोन गाङेला ङा दि चिट्ठी टिगीन ओत। दुरू ङात्ताङ ओताते आज्‍यो न्‍वाओनतेङ ख्‍योकोनला नमस्‍ते ओत्‍लो।

एफिसी 2:12

ख्‍योकोनगी टोक ज्‍येता मेङच्‍येते बात च्‍यि सासीन ख्‍योकोन गोमा ख्रीष्‍टकी छ्य्‌वापेई छ्याःङ मेङेत्‍कान्‍ते मि ओतान, परमेश्‍वरगी छाने खाबाते इस्राएली नाङ फाप्‍कीन मेतान थेमे परमेश्‍वरगी जमान खाईन थेबाला तेरग्‍यो साबातेबा ङेत्‍च्‍येते ख्‍योकोनते छ्याःङ हक मेतान। दोस्‍यिककामा मेन, तिरी जुनीला लेमु ओङच्‍येते ख्‍योकोनते छ्याःङ आश मेतान थेमे परमेश्‍वरला छ्या मास्‍येकीन दि सा लुङबादु खेराङला लेमु खित्‍कान्‍ते सुङ मेताच्‍योक खाईन देता ओतान।

एफिसी 2:19

थोगी ज्‍येन ज्‍येन जातकी मि ईन्‍सीनोङ थाचेन ख्‍योकोनोङ परमेश्‍वर सन्‍तान ओङगीन थे खाम्‍बे मिओन ओङा ओत। गोमाचेन ख्‍योकोन थे सन्‍तान मेतान। थेमे थेकी थे खोरोङ सन्‍तानला तेरच्‍येतेबा ङेत्‍च्‍येते ख्‍योकोनते छ्याःङ हक मेतान।

२ तिमोथी 1:15

थेमे एशिये अञ्‍चलदु येशूला विश्‍वास खित्‍कान गाङेराङ ङे छ्य्‌वापेई ठाल्‍गीन सिन्‍दा ओत। थोक खित्‍कान्‍तेबे नाङ फाइगेलसताङ हर्मोगेनसोङ ईन। दि बातओन खोल्‍ला छ्या मेताते मेन।

हिब्रू 11:13

परमेश्‍वरगी तेरग्‍यो सिन साबाते लुङबा अब्राहाम, इसहाक थेमे याकूबकी खोपरोङ स्‍या बेलासाकोङ ङेता मेतान। ईन्‍सीनोङ थे खोरोङगी जमान खाबाच्‍योक परमेश्‍वरगी ङीमाई दाक खिओ सिन थेला विश्‍वास खाबेकी थेबेकी थे ङेता छेतराङ ठाने खाईन स्‍यिसुङ। थेबा खोपरोङ दि सा लुङबादु खालि लामला ख्‍याम्‍कान्‍ते मि लुङबे मि च्‍योकराङ ईन सिन थेबाला छ्या ओतान।

याकूब 1:1

दि चिट्ठी टिक्‍कान्‍ते ङा याकूब ईन। ङा परमेश्‍वरताङ प्रभु येशू ख्रीष्‍ट काम खित्‍कान्‍ते मि ईन। ङा दि चिट्ठी लुङबा लुङबाला देता ओताते थर च्‍युन्‍ङी इस्राएलीओनला टिगीन ओत। ख्‍योकोनला ङेते नमस्‍ते ओत।

१ पत्रुस 2:11

ङिङज्‍येते आज्‍यो न्‍वावे, ख्‍योकोन दुरू टिक्‍पी दिनकामा देत्‍च्‍येते ईन्‍देकी मि लुङबे मि च्‍योकराङ ईन। थोगी ओर्च्‍ये, ख्‍योकोन ङे दोक्‍ते कामताङ बात खिता मेङगो सिन छ्या ओत्‍कीन ओत्‍कीनोङ ङे दोक माक्‍याबाला ओङराङ मेङगो सिराच्‍योक खाला खेराङ सेमला लाबा लाबा खित्‍च्‍येते नोमुङ छ्याःङ माकेत।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।