१ यूहन्‍ना 5:7 - जिरेल

⁷ येशू परमेश्‍वर फुज्‍युङ ईन सिन छ्या स्‍येच्‍येते बात सुम ओत।

१ यूहन्‍ना 5:7 Iomraidhean Croise

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मत्ती 18:16

खेराङ दोक्‍पोईकीकामा सिरजीन थेकी ङे थोक खाबाते ईनराङ मेन सासीन ज्‍येनोङ मेन्‍दाज्‍यीक मेन्‍दा ङिला टीला खेरला थेकी थोक खाबाते लेमु मेन सिन याङराङ थेला थेबे दोन्‍दुङ सम्‍झे खि। च्‍यिला सासीन सुइँदेकी दिकी दोक दोक खाबाते ङे मिगीराङ थोङाते ईन सिन मेरा ङि सुमगी साबाते बात ङेन्‍लाकामा थे मि दोषी ईन सिरा ओङगो सिन सिरा ओत।

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

यूहन्‍ना 1:1

दि सा नाम ज्‍वा भन्‍दा गोमाराङ थे बात सिराते ओतान। थे परमेश्‍वरताङ ङ्योम्‍बुराङ ओतान। थेमे थेचेन थे खोरोङराङ परमेश्‍वरोङ ईन।

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 12:28

आबा, खो खोरोङ चुक छ्ये ईन्‍दे सिन मिओनला तेन्‍ला बिन,” सिन सिदुक। थेकी थोक सानामेकी परमेश्‍वरगी स्‍वर्गनेकी “ङे ङाराङ चुक छ्ये ईन्‍दे सिन गोमाका तेन्‍गीन बिन्‍दा ओत। थेमे था लोक्‍लाङ ङा तेन्‍ग्‍यो,” सिन सिदुक।

यूहन्‍ना 14:17

थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो। दि सा लुङबे मिओनगी दिङ सु ईन्‍देरो सिराच्‍योक खाला थेला छ्याःङ वास्‍ता मिक्‍किओ। च्‍यिला सासीन थेबेकी थे सु ईन्‍दे सिन छ्याङ मेस्‍येओ, थेला थोङाङ मुथुबो। तर ख्‍योकोनगीचेन थेला छ्या स्‍येक्‍यो। थे ख्‍योकोनताङ नोमुङ माठाला खाला ख्‍योकोन सेमगी नाङराङ देत्‍क्‍यो।

यूहन्‍ना 15:26

आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

यूहन्‍ना 5:26

मिओनला जुनी तेरकान्‍तेचेन आबा ईन। थे खोरोङगी च्‍योकराङ खाला मिओनला जुनी तेरच्‍येते अधिकार थेकी थे खोरोङ फुज्‍युङलाङ बिन्‍दा ओत।

यूहन्‍ना 8:18

ङे ङाराङ सु ईन्‍दे सिन ख्‍योकोनला ईन्‍दाते बात साबाप। थेमे दि बात साँचो ईन सिन सिरकान्‍ते ज्‍येनज्‍यीगोङ ओत। थेचेन ङाला दुरू तोङकान्‍ते आबाराङ ईन,” सिन सिदुक।

यूहन्‍ना 8:54

थोक सिरजीन थेकी “ङाराङगी ङा दोक्‍ते ईन, ङे दोक खिता थुप्‍क्‍यो साबा ईन्‍सीन छ्याःङ काम लै खित्‍च्‍या मेतान। ख्‍योकोन ङे आबाला खेराङ परमेश्‍वर ईन खिदुक। ङाला मान बिन्‍ला छ्ये जोकान्‍ते थेराङ ईन।

शक्ति काम 2:33

थोक खाईन सोम्‍बो लोक्‍नामेकी परमेश्‍वरगी थेला छ्येज्‍यीक मान बिन्‍गीन थे खोरोङ सामे छ्य्‌वापा ज्‍याक्‍पा ओत। थे खोरोङगी मिओनला तेरग्‍यो साबाते परमेश्‍वर आत्‍मा तेरच्‍येते जिम्‍मा थेकी येशूला बिन्‍सुङ। आबातेकी जिम्‍मा बिन्‍दा च्‍योकराङ खाईन थेकी ङ्योकोनला परमेश्‍वर आत्‍मा बिन्‍सुङ। ख्‍योकोनगी थरिङ थोङातेताङ थोबाते बात ङ्योकोनगी परमेश्‍वर आत्‍मा ङेतेकी खित्‍सादुराङ ईन।

शक्ति काम 5:32

ङ्योकोन खालि ङेराङगी थोङातेताङ थोबाते बातकामा खिओ। दि बाततेबा ईन्‍दातेराङ ईन सिन परमेश्‍वर आत्‍मेकीङ छ्या स्‍ये ज्‍युत्‍क्‍यो। परमेश्‍वर आत्‍माचेन परमेश्‍वरगी थे खोरोङगी खि साबा साबा खित्‍कान्‍ते मिओनला बिन्‍दा ओत,” सिन सासुङ।

२ कोरिन्‍थी 13:14

लो प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत, परमेश्‍वरगी ख्‍योकोनला ङिङज्‍ये खिन देत्‍स्‍यीत थेमे परमेश्‍वर आत्‍मा ख्‍योकोन गाङेताङ ङ्योम्‍बुराङ देत्‍स्‍यीत।

१ यूहन्‍ना 1:1

ङ्योकोन दि बात गाङेला सिओ। च्‍यि सासीन दि सा नाम ज्‍वा भन्‍दा गोमामेईराङ थे बात सिराते ओतान। मिओनला जुनी तेरकान्‍तेचेन थेराङ ईन। थेकी साबाते बातओन ङ्योकोनगी ङेराङ नामज्‍योककीराङ थोबाते ईन। थेमे ङेराङ मिगीराङ थेला थोङाते ईन। थेत्ताङनी ङ्योकोन ङ्योम्‍बुराङ देतातेङ ईन।

१ यूहन्‍ना 5:6

येशू ख्रीष्‍ट स्‍वर्गनेकी देमा वाकीन छ्युला स्‍यूला लिन्‍च्‍येते बप्‍तिस्‍मा लाबा ओतान। थेमे ङुरूङ लाईदु थे खोरोङ ज्‍यान बिन्‍गीन स्‍या ओतान। थेकी छ्युला स्‍यूकीन बप्‍तिस्‍मा लाबातेकामा मेन, थे खोरोङ ज्‍यानराङ बिन्‍गीन स्‍या ओतान। दि बाततेबा परमेश्‍वर आत्‍मेकी ईन सिन सिओ। परमेश्‍वर आत्‍माचेन साँचोते बात खित्‍कान्‍ते ईन।

१ यूहन्‍ना 5:8

दि बात सुमकाराङ ताला येशू परमेश्‍वर फुज्‍युङराङ ईन सिन लेमु खाला छ्या स्‍येक्‍यो। दि बात सुमचेन परमेश्‍वर आत्‍मेकी साबाते बात, येशू ख्रीष्‍टकी छ्युला स्‍यूकीन बप्‍तिस्‍मा लाबाते बात थेमे थेकी थे खोरोङ ज्‍यान बिन्‍गीन स्‍याप्‍ते काम ईन।

छ्या स्‍ये च्‍युताते बात 19:13

थेकी खोन्‍दाते खोलाकचेन ठागी नाङ न्‍वाबाते च्‍योक ठाकराङ ठागी म्‍वाबाज्‍यीक ओतान। थे खोलाक खोन्‍कान्‍ते मिनचेन परमेश्‍वर बात सिरच्‍याक्‍वा।