१ यूहन्‍ना 5:6 - जिरेल

⁶ येशू ख्रीष्‍ट स्‍वर्गनेकी देमा वाकीन छ्युला स्‍यूला लिन्‍च्‍येते बप्‍तिस्‍मा लाबा ओतान। थेमे ङुरूङ लाईदु थे खोरोङ ज्‍यान बिन्‍गीन स्‍या ओतान। थेकी छ्युला स्‍यूकीन बप्‍तिस्‍मा लाबातेकामा मेन, थे खोरोङ ज्‍यानराङ बिन्‍गीन स्‍या ओतान। दि बाततेबा परमेश्‍वर आत्‍मेकी ईन सिन सिओ। परमेश्‍वर आत्‍माचेन साँचोते बात खित्‍कान्‍ते ईन।

१ यूहन्‍ना 5:6 Iomraidhean Croise

मत्ती 26:28

दिचेन ङे ठाक ईन। काल्‍बेई मिओनगी खाबाते पाप माफ ओङस्‍यीत सिन थेबे लाईदु स्‍यिजीन ङे जीउदुकी थेन्‍दाते ङे ठागी खित्‍सादु परमेश्‍वरगी मिओनताङ तिरी खिओ साबाते जमान पूरो खित्‍च्‍येते ईन।

मत्ती 3:16

थोक खाईन सिन्‍दाईताङ येशू छ्युदुई पाङला थेन्‍सुङ। थेमे चुक ओङसुङा सासीन स्‍वर्गे गो फेत्‍कीन थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन थे ओत्‍सामा वाकीन थे खोरोङ लाक देताते येशूकी थोङसुङ।

मर्कूस 14:24

थे थुङा तेरगीन थेकी “दिचेन ङे ठाक ईन। मि काल्‍बेई लाईदु स्‍यिजीन ङे जीउदुकी थेन्‍दाते ठागी खित्‍सादु परमेश्‍वरगी मिओनताङ तिरी खिओ साबाते जमान पूरो खित्‍च्‍येते ईन।

लूका 22:20

थेमे साप सोनामेकी गोमा स्‍योबेन च्‍योकराङ खाईन अंगूर छ्याङ लुक्‍पाते कचौरा लाःक्‍तु लाकीन “दिचेन परमेश्‍वरगी मिओनताङ तिरी खिओ साबाते जमान ईन। ख्‍योकोन लाईदु स्‍यिजीन ङे जीउदुकी थेन्‍दाते ठागीराङ दि जमान पूरो खित्‍च्‍येते ईन।

यूहन्‍ना 14:17

थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो। दि सा लुङबे मिओनगी दिङ सु ईन्‍देरो सिराच्‍योक खाला थेला छ्याःङ वास्‍ता मिक्‍किओ। च्‍यिला सासीन थेबेकी थे सु ईन्‍दे सिन छ्याङ मेस्‍येओ, थेला थोङाङ मुथुबो। तर ख्‍योकोनगीचेन थेला छ्या स्‍येक्‍यो। थे ख्‍योकोनताङ नोमुङ माठाला खाला ख्‍योकोन सेमगी नाङराङ देत्‍क्‍यो।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 15:26

आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

यूहन्‍ना 3:5

थेमे येशूकी “दि बात ङेन। छ्युला स्‍यूला बप्‍तिस्‍मा लाला लोईन केबाच्‍योक मायाङथुप थेमे परमेश्‍वर आत्‍मे छ्य्‌वापेई लोईन केबाच्‍योक मायाङथुपनी मि सुङ परमेश्‍वर राज्‍यने स्‍यूक्‍पाराङ मुथुबो।

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

यूहन्‍ना 4:14

ङे तेरच्‍येते छ्यु थुङकान्‍ते मिलाचेन नोमुङ कोम्‍बा मालाङो। ङे तेरच्‍येते छ्यु थुङकान्‍ते मि नाङ थे छ्युराङ जहिलेङ बुलुङलुङ दोल्‍गीन देत्‍च्‍येते छ्युई मोन च्‍योक ओङगो। थेमे थे मिकी नोमुङ मिसिन्‍च्‍येते जुनी ङेत्‍क्‍यो,” सिन सिदुक।

यूहन्‍ना 6:55

ङे स्‍याचेन साँच्‍चीराङ साच्‍येते साप ईन। थेमे ङे ठागोङ साँच्‍चीराङ थुङच्‍येते ईन।

शक्ति काम 8:36

थेबा ङिबो थोक खाला लामला डुइन डुइनला छ्यु ओत्‍सादु ख्‍योल्‍सुङ। थेमे थे मिकी “लो तो, दुरू छ्यु ओताक्‍वा। ङाला छ्युला लुक्‍ला बप्‍तिस्‍मा नाङ, ना दोक खिताला थोरूमोङ ङे खइँदा खिता फाप्‍कीते?” सिन सिरजीन

रोमी 3:25

मिओन पाप माफ ओङस्‍यीत सिन स्‍याप्‍ला परमेश्‍वरगी येशू ख्रीष्‍टला देमा ताङाते ईन। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु खोपरोङ पाप माफ ओङगो सिन थेला विश्‍वास खित्‍कान्‍ते मिओन पाप परमेश्‍वरगी माफ तेरग्‍यो। परमेश्‍वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्‍टकी खाबाते कामगी खित्‍सादु थेबे पाप माफ तेराप सिन थे थोक खाईन देत्‍कीन थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन मिओनला छ्या स्‍ये च्‍युत्‍सुङ।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

कलस्‍सी 1:4

च्‍यिला सासीन ख्‍योकोनगी येशू ख्रीष्‍टला विश्‍वास खिदुक्‍लो थेमे परमेश्‍वर सन्‍तान गाङेला लेमु खिदुक्‍लो सिन ङ्योकोनगी थोसुङ।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

तीतस 3:5

ङुरूङला पापकी सजायदुकी टाल्‍सुङ। थेकी थोक खाबाते ङुरूङगी थेकी खि साबा साबाच्‍योक खाबेकी खित्‍सादु मेन। ङुरूङला आउदी खाला ङिङज्‍ये खितेकी खित्‍सादुकामा थेकी थोक खाबाते ईन। थेकी ङुरूङला ठु खाईन चोके खाबाच्‍योक खाईन परमेश्‍वर आत्‍मे छ्य्‌वापेकी लोईन केर च्‍युताच्‍योक खाईन साम्‍बाते जुनी बिन्‍गीन खुदुक जोसुङ।

हिब्रू 10:29

होथोक्‍ते मिकीनी थोक ज्‍यीबा लाङच्‍याई सजाय ङेत्‍क्‍यो सासीन परमेश्‍वर फुज्‍युङला काम्‍बे पुज्‍या छेदोङ गने मिक्‍किकान्‍ते, दाक्‍पोन सेम खुदुक जोच्‍येते जमान पूरो खित्‍कान्‍ते परमेश्‍वर फुज्‍युङ ठाकला छ्याःङ काम लै मिक्‍किच्‍येते च्‍योक ठाने खित्‍कान्‍ते थेमे मिओनला दया खित्‍कान्‍ते परमेश्‍वर आत्‍मे विरोध खित्‍कान्‍ते मिकी झन चुक ज्‍यीबा लाङच्‍याई सजाय ङेदोङा सिन ख्‍योकोन खेराङराङ विचार खि।

हिब्रू 12:24

येशू देत्‍सादुराङ ख्‍योकोन ख्‍योलाते ईन। थेकी खित्‍सादुराङ परमेश्‍वरगी मिओनताङ तिरी खिओ साबाते जमान पूरो ओङाते ईन। येशू स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी मि पाप माफ तेरच्‍या खाबाते ईन। थोगी येशू स्‍याप्‍तेचेन हाबिल स्‍याप्‍ते च्‍योक मेन, दिनी खापान खापान छ्येते बात ईन।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।

हिब्रू 9:7

ईन्‍सीनोङ थे फारनापे कोठे नाङचेन गाङे भन्‍दा छ्येते पूजारीकामा लोईते बाजिई स्‍यूक्‍पा ङेत्‍कीन ओतान। थे लाक्‍तुङ भोग बिन्‍दाते ठाक माखुराला थेङ थे कोठे नाङ स्‍यूगीन मेतान। थे कोठे नाङ स्‍यूला थेकी थे खोरोङ पाप थेमे ज्‍येनगी दोक खाबातेनी पाप खाबातेका ईन सिन छ्या मेस्‍येबा खाईन खाबाते पाप माफ नाङ सिराला थे ठाक परमेश्‍वरला चढे खिन ओतान।

१ पत्रुस 1:2

थे खोरोङगी गोमामेई खिता चाला च्‍योकराङ खाईन आबा परमेश्‍वरगी ख्‍योकोनला थे खोरोङ मि सिन छाने खाबा ओत। ख्‍योकोनगी येशू ख्रीष्‍टकी खि साबा साबा ङेन्‍स्‍यीत सिन परमेश्‍वर आत्‍मेकी ख्‍योकोन सेम खुदुक जोबा ओत। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु ख्‍योकोन पाप माफ ओङा ओत। आबा परमेश्‍वरताङ प्रभु येशू ख्रीष्‍टकी ख्‍योकोनला झन झन दया खाला लेमु खिनराङ देत्‍स्‍यीत।

१ पत्रुस 3:21

थे भलदुकी थोक खाईन नूहताङ थे मिओन सोन्‍दाते बातचेन थरिङोला परमेश्‍वरगी मिला पापदुकी डेल्‍च्‍येते बप्‍तिस्‍मा तेरच्‍येते बातताङ डिइओ। चुक खाला सासीन छ्युला लुक्‍ला बप्‍तिस्‍मा तेरच्‍येते काम ठु खाला जीउकी ङेक्‍च्‍युक क्‍युरच्‍येते च्‍योक मेन। बप्‍तिस्‍मा लिन्‍कान्‍ते मिकीनी परमेश्‍वरगी ङाला पापदुकी टाल्‍ला ङे सेम लेमु जोरस्‍यीत सिन बप्‍तिस्‍मा लिन्‍च्‍येते ईन। परमेश्‍वरगी थोक्‍ते मिला पापदुकी डेल्‍च्‍येतेचेन येशू ख्रीष्‍ट सोम्‍बो लोक्‍पा ओतेकीराङ ईन।

१ यूहन्‍ना 1:7

परमेश्‍वर नाम्‍दाकला देता ओता च्‍योकराङ खाला ङुरूङोङ थे नाम्‍दाकला देत्‍कीन लेमु काम खासीन ङुरूङ दाक्‍पोन नाङ ङ्योम्‍बुराङ डिक्‍ला देता थुप्‍क्‍यो। थेमे परमेश्‍वर फुज्‍युङ येशू थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ङुरूङ पाप गाङे माफ ओङगो।

१ यूहन्‍ना 4:10

परमेश्‍वरगी ङुरूङला ङिङज्‍ये खाबाते सिराते च्‍यि ईन्‍दे सासीन ङुरूङगी थेला ङिङज्‍ये खाबाते मेन, थेकीका ङुरूङला ङिङज्‍ये खासुङ। चुक सासीन ङुरूङ पाप माफ तेरा थुप्‍स्‍यीत सिन ङुरूङगी खाबाते पापकी सजाय भोगे खाला स्‍याप्‍ला थेकी थे खोरोङ फुज्‍युङला देमा ताङाते ईन।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,

छ्या स्‍ये च्‍युताते बात 7:14

ङे थेला “दिबा सु ईन्‍दे सिन हजूर खोल्‍लाराङ छ्या ओत,” सिन सिरजीन थेकी “दिबाचेन आउदी छ्ये छ्ये दुक्‍पा खपे खाईन वाबाते मि ईन। दिबेकी खोपरोङ खोलाक लुई रीउकी ठाकला टुकीन दोक कार्मु जोबाते ईन।