१ यूहन्‍ना 5:4 - जिरेल

⁴ च्‍यिला सासीन परमेश्‍वर फुज्‍युङ फुमु ओङाते मिओनगीचेन दि सा लुङबे मिओनगी खित्‍च्‍येते च्‍योक्‍ते मेलेबा काम छ्याःङ मिक्‍किता खाला देता थुप्‍क्‍यो। येशू ख्रीष्‍ट परमेश्‍वर फुज्‍युङ ईन सिन थेला विश्‍वास खालाराङ ङुरूङ थोक खाला देता थुप्‍क्‍यो।

१ यूहन्‍ना 5:4 Iomraidhean Croise

यूहन्‍ना 1:13

परमेश्‍वर फुज्‍युङ फुमु ओङच्‍येते साबाते ख्‍यावा फेम्‍मे ङ्योम्‍बु ङ्याल्‍गीन केबाते फिजा च्‍योक मेन। परमेश्‍वरगीराङ थेबाला साम्‍बाते जुनी बिन्‍ला थे खोरोङ फुज्‍युङ फुमु जोच्‍येते ईन्‍देकी दिचेन आमे कोखदु ठुङाते फिजा केबा च्‍योक्‍तेङ मेन।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

यूहन्‍ना 3:3

थेकी थोक सिरजीन येशूकी “ङा खोल्‍ला दि बात सिओ। चुक सासीन मि लोईन क्‍या फाप्‍क्‍यो, थेमेकामा परमेश्‍वर राज्‍य थोङा थुप्‍क्‍यो,” सिन सिदुक।

१ कोरिन्‍थी 15:57

था ङुरूङ परमेश्‍वरला धन्‍यवाद सिइ। थेकी ङुरूङ प्रभु येशू ख्रीष्‍टकी खाबाते कामगी खित्‍सादु ङुरूङला जेसुकैला ग्‍याला थुप्‍च्‍येते शक्ति तेरग्‍यो।

१ यूहन्‍ना 2:29

थेकी मेलेबा कामताङ बात सिराते नोमुङ छ्याःङ खाबा मेत सिन ख्‍योकोनला छ्याराङ ओत। थोगी लेमुते कामताङ बात खित्‍कान्‍ते मिचेन गाङे परमेश्‍वर फुज्‍युङ फुमु ओङाते मि ईन सिनोङ ख्‍योकोनला छ्याराङ ओत।

१ यूहन्‍ना 3:9

परमेश्‍वर फुज्‍युङ फुमु ओङाते मि सुङगीङ पाप खिनराङ मेदेदो। च्‍यिला सासीन परमेश्‍वर थे मि आबा ओङगीन थे मि बानी खुदुक गाला ओत। परमेश्‍वर फुज्‍युङ फुमु ओङेकी थोक्‍ते मिओनगी पाप खिन देताराङ मुथुबो।

१ यूहन्‍ना 4:4

फिजावे, ख्‍योकोन परमेश्‍वर मि ईन। थे ईनराङ मेन्‍दे बात लोप्‍कान्‍ते मिओन बात सत्‍यते मेन सिन छ्या स्‍येकीन ख्‍योकोनगी थेबाला ग्‍याला ओत। च्‍यिला सासीन दि सा लुङबे मि नाङ काम खित्‍कान्‍ते भन्‍दाचेन ख्‍योकोन सेमदु देत्‍कान्‍ते परमेश्‍वर आत्‍मा छ्ये ईन।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

१ यूहन्‍ना 5:18

ङुरूङला दि बात लेमु खाला छ्या ओत। च्‍यि सासीन परमेश्‍वर फुज्‍युङ फुमु ओङाते मि सुङगीङ पाप खिन मेदेदो। परमेश्‍वर फुज्‍युङगी थेबाला रोकालो गोठालो खित्‍च्‍येते ईन्‍देकी मिला मेलेबा खित्‍कान्‍ते शैतानगी थेबाला रिक्‍ला द्वाबोङ मुथुबो।

१ यूहन्‍ना 5:5

दि सा लुङबे मिओनगी खित्‍च्‍येते च्‍योक्‍ते मेलेबा काम छ्याःङ मिक्‍किता खाला देता थुप्‍कान्‍ते सु ईन्‍दे ओना? दोक खाला देता थुप्‍कान्‍ते मिचेन येशू परमेश्‍वर फुज्‍युङ ईन सिन पत्ते खित्‍कान्‍ते मिराङ ईन।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।

छ्या स्‍ये च्‍युताते बात 15:2

थे दूतओनला थोङनामेई लोक्‍ला ङे मे ज्‍वाला स्‍येबाज्‍यीक सिसा च्‍योकराङ टल्‍के खित्‍च्‍याज्‍यीक समुन्‍द्र च्‍योकस्‍यिक थोङसुङ। थेमे ङे थे समुन्‍द्रे छेउदुराङ लाकीन देताते मिओन थोङसुङ। थेबाचेन होथे जन्‍तुला ग्‍याल्‍गीन वाबा ओतान। थेबेई नोमुङ थे जन्‍तुताङ थे मूर्तिला माने माक्‍याकीन थेमे थे मि ईन सिन थे मिनगी नम्‍बर छाप देक माच्‍युत्‍कीन थे जन्‍तुताङ थे मूर्तिला ग्‍याला थुपा ओतान। थेबेकी परमेश्‍वरगी बिन्‍दाते वीणा सिराते बाजाओन लाःक्‍तु खुरा ओतान।

छ्या स्‍ये च्‍युताते बात 2:11

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिकी था तिरी ज्‍यीबा लाङच्‍याज्‍यीक मे धुनी नाङ स्‍यूक्‍च्‍येते बातकीते छ्याःङ ज्‍यीबा खिता माफाबो।

छ्या स्‍ये च्‍युताते बात 2:17

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिला ङा परमेश्‍वरताङ ओताते ब्‍वाकीन ज्‍याक्‍पाते मन्‍न सा तेरग्‍यो। थेमे ङा थेला दो कार्मुज्‍यीक तेरग्‍यो। थे दोला साम्‍बाज्‍यीक मिन टिबा ओङगो। थे दो ङेत्‍कान्‍ते मिकीकामा थेरू टिबाते मिनगी अर्थ खोक्‍यो।

छ्या स्‍ये च्‍युताते बात 2:26

तिरीसाक ङे साबाच्‍योक खिन देत्‍ला शैतान शक्तिला ग्‍याल्‍कान्‍ते मिला ङा लुङबा लुङबे मिला राज्‍य खित्‍च्‍येते अधिकार तेरग्‍यो। ङे आबेकी ङाला राज्‍य खित्‍च्‍येते अधिकार बिन्‍दा च्‍योकराङ खाला ङाङ थेला दोक खाला राज्‍य खित्‍च्‍येते अधिकार तेरग्‍यो। थेमे थेकी च्‍याकी डन्‍डीकी सबी गरी पुरा च्‍योकराङ खाला लुङबा लुङबे मिला आउदी कडा खाला राज्‍य खिओ।

छ्या स्‍ये च्‍युताते बात 2:7

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिलाचेन ङा स्‍वर्गने ओताते दोङबो फलफूल सार ज्‍युत्‍क्‍यो। थे दोङबो फलफूल साकान्‍ते मिकी नोमुङ मिसिन्‍च्‍येते जुनी ङेत्‍क्‍यो।

छ्या स्‍ये च्‍युताते बात 3:12

शैतान शक्तिला ग्‍याल्‍कान्‍ते मिला ङा ङे परमेश्‍वर मन्‍दिरदु थाम जोला ज्‍य्‌वाक्‍यो। थेमे थे सधैँ थेरूराङ देत्‍क्‍यो। थे मि लाक्‍तु ङा ङे परमेश्‍वर मिन टिइओ। थोकराङ खाला ङा स्‍वर्गनेकी ङे परमेश्‍वर छ्य्‌वापेई ओङच्‍येते परमेश्‍वर सार साम्‍बाते यरूशलेम मिनताङ ङाराङ साम्‍बाते मिनोङ थे मि लाक्‍तु टिइओ।

छ्या स्‍ये च्‍युताते बात 3:21

शैतान शक्तिला ग्‍याल्‍कान्‍ते मिला ङा ङाराङ सिंहासनदु ङाराङताङ देत ज्‍युत्‍क्‍यो। शैतानला ग्‍याल्‍गीन ङाङ ङे आबे सिंहासनदु थेत्ताङराङ देता ओत।

छ्या स्‍ये च्‍युताते बात 3:5

शैतान शक्तिला ग्‍याल्‍कान्‍ते मिला ङा होदोक खाला कार्मुते खोलाक कोन्‍ला तेरग्‍यो। थेमे नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङदुकी ङा थे मि मिन मेटे मिक्‍किओ। थोकराङ खाला ङे आबाताङ थे दूतओन दोन्‍दु ङा थेला ङाराङ मि ईन सिन सिओ।