१ यूहन्‍ना 5:3 - जिरेल

³ परमेश्‍वरला ङिङज्‍ये खित्‍च्‍या सिरातेचेन थेकी खि सिन कोताते खित्‍च्‍येते ईन। थेकी खि सिन कोताते खिताला दुक्‍पाङ मेत।

१ यूहन्‍ना 5:3 Iomraidhean Croise

मत्ती 23:4

थेबेकी ज्‍येनलाचेन स्‍यिच्‍या खाईन खुर्बु कुरा च्‍योकराङ खाला दि खि, थे खि सिन परी परी नियम ङेन्‍दा फाप्‍क्‍यो खिदुक। मिओनगी थोक खिता थुप्‍कीता मुथुप्‍ता सिन थेबेकी छ्याःङ विचार मिक्‍किदुक।

यूहन्‍ना 14:15

ख्‍योकोनगी ङाला ङिङज्‍ये खासीन ङे खि सिन कोतातेङ खिओ।

यूहन्‍ना 15:10

ख्‍योकोनगी ङे खि सिन कोताते ङेन्‍सीन ङा ख्‍योकोनला ङिङज्‍ये खिन देत्‍क्‍यो। ङेङ आबेकी खि सिन कोताते ङेन्‍दा ओत। थोगी थेकी ङाला ङिङज्‍ये खिनराङ देत्‍क्‍यो।

यूहन्‍ना 15:14

ख्‍योकोनगी ङे खि सिन कोताते ङेन्‍सीन ख्‍योकोन ङे र्‍वाओन ईन।

रोमी 7:12

थोगी परमेश्‍वर नियमचेन परमेश्‍वरगीराङ बिन्‍दाते ईन्‍देकी मेलेबा मेन। थेरू खि साबाते बात गाङे थेकीराङ खि साबाते ईन। थेरू खि साबातेताङ माकेत साबाते गाङे लेमु ईन। मेलेबाते सिरातेचेन थेरू छ्याःङ खि साबा मेत।

रोमी 7:22

ईन्‍दालाचेन परमेश्‍वर नियम लेमु ईन सिन ङाला थेरू खि साबा च्‍योकराङ खिता आउदी सेम लाङगीदुक।

हिब्रू 8:10

था ङे इस्राएलीओनताङ खित्‍च्‍येते जमान दिराङ ईन। च्‍यि सासीन थेबेकी चुक खिता फाप्‍कीते, च्‍यि खित्‍च्‍ये सिन ङा थेबाला लेमु खाला खो ज्‍युत्‍क्‍यो। थेबेकी ङेन्‍दा फाप्‍च्‍येते ङे नियम ङा थेबे सेमगी नाङ टिबा ओता च्‍योकराङ खाला ज्‍य्‌वाक्‍यो। थोक खानामेई थेबेकी ङाला खोपरोङ परमेश्‍वर ईन सिन माने खिओ। थेमे ङा थेबाला ङाराङ मिओन ईन सिन सिओ।

१ यूहन्‍ना 2:3

थेमे परमेश्‍वरगी खि सिन कोताते खानामेकी ङुरूङगी परमेश्‍वर सु ईन्‍दे, च्‍यि खिते सिन लेमु खाला छ्या स्‍येक्‍यो।

२ यूहन्‍ना 1:6

दोक्‍पोईकी ज्‍येनज्‍यीकला ङिङज्‍ये खित्‍च्‍या सिराते परमेश्‍वरगी ङुरूङला खि सिन कोताते ङेन्‍च्‍येते ईन। थेकी खि सिन कोतातेचेन दोक्‍पोईकी ज्‍येनज्‍यीकला ङिङज्‍ये खित्‍च्‍येते ईन। दि बात खुई येशूला विश्‍वास खिता छोमुमेईराङ थोबाते बात ईन।