१ यूहन्‍ना 5:14 - जिरेल

¹⁴ ङुरूङगी खाबाते प्रार्थना परमेश्‍वरगी पक्‍काराङ थोक्‍यो सिन ङुरूङला छ्याराङ ओत। ङुरूङगी खइँदा बातकी लाईदु प्रार्थना खासीन थेमे थे बात परमेश्‍वरगी खिता चाला च्‍योकराङ ईन्‍सुङ सासीन ङुरूङगी थेला जे नाङ सासीनोङ थेकी ङेन्‍ग्‍यो।

१ यूहन्‍ना 5:14 Iomraidhean Croise

मत्ती 21:22

ख्‍योकोनगी प्रार्थना खित्‍जीन परमेश्‍वरताङ नाङ खाबाते पक्‍काराङ ङेत्‍क्‍यो सिन छ्याःङ शंका माक्‍यासुङ सासीन जे नाङ खासीनोङ थे नाङ खाबाते ङेत्‍क्‍यो ङेत्‍क्‍यो,” सिन सिदुक।

यूहन्‍ना 11:42

आबा खुई सधैँ ङे बिन्‍ती ङेन्‍ग्‍यो सिन ङाला छ्या ओत। ईन्‍सीनोङ थाल्‍ला दुरू ङे फेरोला ओताते मिओनगी ङाला आबा खुईराङ ताङाते दुका सिन छ्या स्‍येला ङाला विश्‍वास खित्‍स्‍यीत सिन दोक साबाते ईन,” सिन सिदुक।

यूहन्‍ना 14:13

थेमे ख्‍योकोनगी ङे मिन लाकीन नाङ खाबाते जे कुरोङ ङा तेरग्‍यो। ङा फुज्‍युङगी दोक खानामेई आबा चुक छ्ये ईन्‍दे सिन ख्‍योकोनगी छ्या स्‍येक्‍यो।

यूहन्‍ना 15:7

ख्‍योकोन ङात्ताङ डिगीनराङ देत्‍सीन थेमे ङे लापाते बात ङेन्‍गीन देत्‍सीन खेराङला जे नाङ सिरा सेम लाङगीदुक परमेश्‍वरला नाङ सि। थेकी ख्‍योकोनला दाक तेरग्‍यो।

यूहन्‍ना 16:24

थातासाक ख्‍योकोनगी ङे मिन लाकीन आबाताङ छ्याःङ नाङ खाबा मेत। था ख्‍योकोनगी आबाला नाङ खि। ख्‍योकोनगी नाङ खाबाते ङेत्‍नामेकी छ्याःङ पीर मिक्‍किता खाला ख्‍योकोन आउदी खाला गा खिओ।

यूहन्‍ना 9:31

पापीते मि बात परमेश्‍वरगी मेङेनो, परमेश्‍वरला मन परे खित्‍च्‍येते काम खाला थेला छ्ये जोकान्‍ते मिकी साबाते बातकामा थेकी ङेन्‍ग्‍यो सिन ङुरूङला लेमुराङ खाला छ्या ओत।

एफिसी 3:12

ङुरूङ प्रभु येशू ख्रीष्‍टकी खाबाते कामगी खित्‍सादु थेमे थेला विश्‍वास खाबेकी खित्‍सादु था ङुरूङ छ्याःङ ज्‍यीबा मिक्‍किता खाला ढुक्‍क ओङला परमेश्‍वर दोन्‍दु ड्वा थुप्‍क्‍यो।

हिब्रू 10:35

दि बाततेबा सम्‍झे खाला सेम मेसेता खाला ख्‍योकोन थोरूमोङ होथोकराङ खिन देत। थोक खिनराङ देत्‍सीन परमेश्‍वरगी ख्‍योकोनला छ्येज्‍यीक इनाम तेरग्‍यो।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

याकूब 4:3

नाङ सासीनोङ ख्‍योकोनगी छ्याःङ मेङेत्‍तुक। च्‍यिला सासीन ख्‍योकोन खेराङला खिता सेम लाबा लाबा खिताला खालि खेराङला च्‍यि लेमु लाङगीका होथोक्‍ते नाङ खिदुक।

याकूब 5:16

दोक ईन्‍देकी ख्‍योकोनगी ङे दि पाप खाबाप, थे पाप खाबाप सिन दाक्‍पोन नाङ दोक्‍पोईकी ज्‍येनज्‍यीकला लोःप। थेमे खेराङ ठाक्‍स्‍यीत सिन दोक्‍पोईकी ज्‍येनज्‍यीक लाईदु प्रार्थना खि। परमेश्‍वरगी खि साबाते ङेन्‍कान्‍ते मिकी प्रार्थना खानामेकी छ्ये छ्ये काम ओङा थुप्‍क्‍यो।

१ यूहन्‍ना 2:28

थेमे था फिजावे, ख्‍योकोन येशू ख्रीष्‍टताङ डिक्‍लाराङ देत। थोक खाईन देत्‍सीन थे ग्‍युरला ओङे छोमु सजाय ङेत्‍कीता सिन छ्याःङ ज्‍यीबा थेमे ङोचा मिक्‍किता खाला ङुरूङ थे दोन्‍दु ड्वा थुप्‍क्‍यो।