१ यूहन्‍ना 5:12 - जिरेल

¹² जो जसताङ परमेश्‍वर फुज्‍युङ ङ्योम्‍बु देत्‍ला दुक थे थेकी नोमुङ मिसिन्‍च्‍येते जुनी ङेता ओत। थे ङ्योम्‍बु देता मेताते मिकीचेन दोक्‍ते जुनी ङेता मेत।

१ यूहन्‍ना 5:12 Iomraidhean Croise

मर्कूस 16:16

दि बात ङेन्‍ला ङाला विश्‍वास खाला बप्‍तिस्‍मा लिन्‍कान्‍ते मिला परमेश्‍वरगी पापकी सजायदुकी डेल्‍ग्‍यो। दि बात मेङेन्‍कानताङ ङाला विश्‍वास मिक्‍किकान्‍तेलाचेन परमेश्‍वरगी पापकी सजाय तेरग्‍यो।

यूहन्‍ना 1:12

दोक ईन्‍सीनोङ थे वादुक सिन मान खिन थेला विश्‍वास खित्‍कान्‍ते मिओनलाचेन थेकी परमेश्‍वर फुज्‍युङ फुमु ओङच्‍येते अधिकार बिन्‍सुङ।

यूहन्‍ना 3:15

थोक खानामेई खोपरोङला पापदुकी डेल्‍ग्‍यो सिन ङाला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍क्‍यो।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 5:24

ङा ख्‍योकोनला दि बात सिओ। च्‍यि सासीन सुइँदेकी ङे साबाते बात ङेन्‍ला ङाला तोङकान्‍तेला विश्‍वास खिदुक सासीन थेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थोक्‍ते मिला दोषी ईन सिन सजाय मेतेरो। थोक्‍ते मि स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओङगो।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

गलाती 2:20

चुक खाईन सासीन ख्रीष्‍टला स्‍यिङगी थामला टाँए खाला सेत्‍जीन ङाङ थेत्ताङराङ थे थामला टाँए खाईन स्‍याप्‍ते ईन। ङा थोक खाईन स्‍याप ईन्‍सीनोङ थोरूमसाक सोम्‍बोराङ ओत। ङाराङ सोम्‍बो ओत्‍सीनोङ थरिङोला ङे जे खिदुक थे ङे खित्‍च्‍येते मेन, ख्रीष्‍ट ङे सेमगी नाङ ओतेकी ङे च्‍यि च्‍यि खिका गाङे थेकीराङ खित ज्‍युत्‍च्‍येते ईन। मास्‍यिथुप था ङा परमेश्‍वर फुज्‍युङला विश्‍वास खिन देत्‍ला थेकी खित ज्‍युता चाला च्‍योककामा खिन देत्‍क्‍यो। थेकी ङाला ङिङज्‍ये खाईन ङे लाईदु थे खोरोङ ज्‍यानराङ बिन्‍गीन स्‍या ओतान।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

२ यूहन्‍ना 1:9

ख्रीष्‍टकी लापाते बातकी लाक्‍तुङ ज्‍येन बात ङेन्‍दा छोल्‍कानगीचेन थेकी लापाते बात ङेन्‍दा तोङगो थेमे होथोक्‍ते मित्ताङचेन परमेश्‍वर ङ्योम्‍बु मेदेदो। ख्रीष्‍टकी लापाते बात ङेन्‍गीन देत्‍कान्‍ते मित्ताङचेन आबा परमेश्‍वर थेमे थे फुज्‍युङ ङ्योम्‍बुराङ देत्‍क्‍यो।