१ यूहन्‍ना 5:11 - जिरेल

¹¹ परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात दिराङ ईन। च्‍यि सासीन परमेश्‍वरगी ङुरूङला नोमुङ मिसिन्‍च्‍येते जुनी बिन्‍दा ओत। मिओनला दि जुनी तेरकान्‍ते थे फुज्‍युङराङ ईन।

१ यूहन्‍ना 5:11 Iomraidhean Croise

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

यूहन्‍ना 1:19

यूहन्‍नाला थे सु ईन्‍दे सिन ठिला स्‍योक सिन यहूदीओनते छ्ये छ्ये मिकी यरूशलेमदुई पूजारीओनताङ लेवी थरगी मिओनला ताङसुङ। थेमे थेबेकी यूहन्‍ना ओत्‍सादु लेप्‍कीन थेला “खो सु ईन्‍दे?” सिन ठिसुङ।

यूहन्‍ना 1:4

मिओनला नोमुङ मिसिन्‍च्‍येते जुनी तेरकान्‍तेङ थे बात सिरातेराङ ईन। बत्ती पारनामेकी नाम्‍दाक गाल्‍ला लेमु खाला थोङा च्‍योकराङ खाला होदि जुनी तेरकान्‍तेचेन मिओन लाईदु स्‍वर्गे नाम्‍दाक ओङसुङ।

यूहन्‍ना 10:28

ङा थेबाला नोमुङ मिसिन्‍च्‍येते जुनी तेरग्‍यो। थोगी थेबा नरककुण्‍डमा स्‍यूक्‍पा माफाबो। थेमे ङे लाःक्‍तुकी सुङगीङ थेबाला ठ्वाला खेरा मुथुबो।

यूहन्‍ना 12:50

आबेकी कोताते बातओन ङेन्‍कान्‍ते मिकी नोमुङ मिसिन्‍च्‍येते जुनी ङेत्‍क्‍यो सिन ङाला छ्या ओत। थोगी आबेकी ङाराङला च्‍यि च्‍यि साबा ओताने ङा थे थे बातराङ खिओ,” सिन बात खासुङ।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 19:35

ख्‍योकोनगी दि बात पक्‍काराङ ईन्‍दाते दुका सिन पत्ते खित्‍स्‍यीत सिन थे खोरोङ मिगीराङ दोक दोक ओङाते थोङकान्‍ते मिकी दि बाततेबा साबाते ईन। थेकी मेन्‍दाते सिराते बातज्‍यीगोङ मिक्‍किता खाईन जस्‍तो जस्‍तो थोङा ओतान उस्‍तो उस्‍तोराङ साबा ओत।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 4:36

बाली थोक्‍कान रूक्‍कान्‍ते मिकी थाल्‍लेई थाल्‍ला थे बनी ङेत्‍च्‍या दुक। च्‍यि सासीन बाली थोक्‍पा रूक्‍पाच्‍योक खाला थे मिकी थाल्‍लेई थाल्‍ला ज्‍येनला नोमुङ मिसिन्‍च्‍येते जुनी ङेत्‍च्‍येते लाम तेन्‍ला तेरा थुप्‍च्‍या दुक। दोक खाला बाली लै खित्‍कान्‍तेङ बाली थोक्‍कान रूक्‍कान्‍तेङ ङिकाराङ गा खिता ङेत्‍क्‍यो।

यूहन्‍ना 4:4

थेपा ड्वाप्‍ला सामरिये अञ्‍चलपेकी खाला ड्वा फाप्‍कीन ओतान।

यूहन्‍ना 5:21

च्‍यिला सासीन जस्‍तो खाला आबेकी स्‍याप्‍ते मिओनला सोम्‍बो लोक्‍ला नोमुङ मिसिन्‍च्‍येते जुनी तेरगीदुक, थोकराङ खाला थे फुज्‍युङगीङ थे खोरोङगी नोमुङ मिसिन्‍च्‍येते जुनी तेरा चालाते मिओनला थे जुनी तेरग्‍यो।

यूहन्‍ना 5:26

मिओनला जुनी तेरकान्‍तेचेन आबा ईन। थे खोरोङगी च्‍योकराङ खाला मिओनला जुनी तेरच्‍येते अधिकार थेकी थे खोरोङ फुज्‍युङलाङ बिन्‍दा ओत।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

यूहन्‍ना 6:47

ङा ख्‍योकोनला दि बात सिओ। च्‍यि सासीन ङाला विश्‍वास खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍कीन सिन्‍दा ओत।

यूहन्‍ना 6:68

थोक सिरजीन शिमोन पत्रुसकी “प्रभु, खोल्‍ला ताङला ङ्योकोन खापा डोच्‍ये? थेमे सुई तिरी ख्‍याम्‍च्‍ये? मिओनगी नोमुङ मिसिन्‍च्‍येते जुनी ङेत्‍च्‍येते खुई बात ङेन्‍लाराङ ईन।

रोमी 5:21

थोगी पाप खाबेकी खित्‍सादु पापकी सजाय भोगे खाला मि गाङे स्‍या फाप्‍च्‍या ओङा ओतान। तर थाचेन परमेश्‍वरगी दया खाला थेबाला दोषी मेन साला थेबेकी नोमुङ मिसिन्‍च्‍येते जुनी ङेत्‍क्‍यो। ङुरूङ प्रभु येशू ख्रीष्‍टकी खित्‍सादुराङ दोक ओङाते ईन।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

१ तिमोथी 1:16

ङा थोक्‍ते मि ईन्‍सीनोङ पापीओनला थे खोरोङगी चुक खिते सिरच्‍येते बात गाङेकी छ्या स्‍येस्‍यीत सिन येशू ख्रीष्‍टकी ङा च्‍योक्‍ते मिलाङ स्‍येदाङ सिराते बान्‍दा मिक्‍किता खाईन दया खासुङ। ङे तिरी थे खोरोङला विश्‍वास खाला नोमुङ मिसिन्‍च्‍येते जुनी ङेत्‍कान्‍ते मिओनगीङ थेकी थेबा खोपरोङला ङाला खाबा च्‍योकराङ स्‍येदाङ खिता साटोला दया खिओ सिन छ्या स्‍येस्‍यीत सिन थेकी ङाला थोक खाबा ओतान।

तीतस 1:2

ङे थेबे नाङ दि काम खित्‍जीन थेबेकी नोमुङ मिसिन्‍च्‍येते जुनी ङेत्‍क्‍यो सिरच्‍येते बात पक्‍काराङ ईन सिन आश खाला गुला देता थुप्‍क्‍यो। दोक खाला मिओनला नोमुङ मिसिन्‍च्‍येते जुनी तेरग्‍यो सिन परमेश्‍वरगी थाङबो जुगलाराङ साबा ओतान। थेकी नोमुङ ढाँर मिक्‍किओ।

१ यूहन्‍ना 2:25

थेबाताङ डिक्‍ला देता ङेत्‍च्‍येतेराङ येशू ख्रीष्‍टकी ङुरूङला तेरग्‍यो साबाते नोमुङ मिसिन्‍च्‍येते जुनी ईन।

१ यूहन्‍ना 4:10

परमेश्‍वरगी ङुरूङला ङिङज्‍ये खाबाते सिराते च्‍यि ईन्‍दे सासीन ङुरूङगी थेला ङिङज्‍ये खाबाते मेन, थेकीका ङुरूङला ङिङज्‍ये खासुङ। चुक सासीन ङुरूङ पाप माफ तेरा थुप्‍स्‍यीत सिन ङुरूङगी खाबाते पापकी सजाय भोगे खाला स्‍याप्‍ला थेकी थे खोरोङ फुज्‍युङला देमा ताङाते ईन।

१ यूहन्‍ना 4:9

थे छ्य्‌वापेकी ङुरूङगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे खोरोङते दोक्‍पोईकामा ओताते फुज्‍युङोङ देमा ताङा ओतान। होदि बात विचार खालाराङ थेकी ङुरूङला ङिङज्‍ये खाबाते ईन सिन दाक छ्या स्‍येकीदुक।

१ यूहन्‍ना 5:10

थोगी येशू परमेश्‍वर फुज्‍युङ ईन सिन थेला विश्‍वास खित्‍कान्‍ते मिकी थे परमेश्‍वर फुज्‍युङ ईन सिरच्‍येते बातला छ्याःङ शंका मिक्‍किओ। थे परमेश्‍वर फुज्‍युङ मेन सिन सिरकान्‍ते मिकीचेन परमेश्‍वरनी ढाँर खित्‍कान्‍ते ईन साबाते ईन। च्‍यिला सासीन थोक्‍ते मिकी परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात पत्तेराङ खाबा मेङगो।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।

१ यूहन्‍ना 5:7

येशू परमेश्‍वर फुज्‍युङ ईन सिन छ्या स्‍येच्‍येते बात सुम ओत।

३ यूहन्‍ना 1:12

डेमेत्रियसकीचेन लेमु कामकामा खिदुक सिन मि गाङेकी बात खिदुक। थेकी खाबाते काम ताला थे सत्‍यते बात ङेन्‍ला थेरू खि साबा च्‍योकराङ खित्‍कान्‍ते मि ईन सिन छ्या स्‍येकीदुक। ङ्योकोनोङ थे लेमु मि ईन सिन सिओ। ङ्योकोन मेन्‍दाते बात मिक्‍किओ सिन खोल्‍ला छ्याराङ ओत।

यहूदा 1:21

परमेश्‍वरगी ख्‍योकोनला ङिङज्‍ये खिनराङ देत्‍क्‍यो सिन टोक माज्‍येत। थेमे ङीमाई ङुरूङ प्रभु येशू ख्रीष्‍ट ग्‍युरला वाला थेकी दया खाईन तेरग्‍यो साबाते नोमुङ मिसिन्‍च्‍येते जुनी ङेत्‍क्‍यो सिन थेला गुलाराङ देत।

छ्या स्‍ये च्‍युताते बात 1:2

थेमे यूहन्‍नेकीचेन थे खोरोङगी थोङातेताङ थोबाते परमेश्‍वर बात थेमे येशू ख्रीष्‍टकी छ्या स्‍ये च्‍युत्‍कीन बिन्‍दाते गाङे बात ईन्‍दातेराङ ईन सिन साबा ओत।

छ्या स्‍ये च्‍युताते बात 22:1

थेमे दि तिरी थे दूतकी ङाला चाङबोज्‍यीक तेन्‍सुङ। थे चाङबो बिल्‍लौर सिराते यु च्‍योकराङ साङलोई ओतान। थे चाङबो छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थे चाङबोचेन परमेश्‍वरताङ लुई रीउ देत्‍च्‍येते सिंहासनदुकी थेन्‍गीन